2022ರಲ್ಲಿ ಪ್ರಾಪರ್ಟಿ ದರ ಶೇ. 20ರಷ್ಟು ಹೆಚ್ಚಳವಾಗುವ ನಿರೀಕ್ಷೆಯನ್ನು ಶೇ. 60ರಷ್ಟು ಡೆವಲಪರ್‌ಗಳು ವ್ಯಕ್ತಪಡಿಸಿದ್ದಾರೆ. ಶೇ. 35ರಷ್ಟು ಡೆವಲಪರ್‌ಗಳು ಆಸ್ತಿ ದರ ಶೇ. 10-20ರಷ್ಟು ಏರಿಕೆಯಾಗುವುದಾಗಿ ಹೇಳಿದ್ದಾರೆ. ಶೇ. 25ರಷ್ಟು ಡೆವಲಪರ್‌ಗಳು ಮತ್ತು ಬಿಲ್ಡರ್‌ಗಳು ಶೇ. 10ರಷ್ಟು ದರ ಹೆಚ್ಚಳವಾಗುವ ನಿರೀಕ್ಷೆಯನ್ನು ವ್ಯಕ್ತಪಡಿಸಿದರೆ, ಶೇ. 21ರಷ್ಟು ಸಂವಾದಿಗಳು ಶೇ. 20ರಿಂದ 30ರಷ್ಟು ದರ ಹೆಚ್ಚಳವಾಗುವುದನ್ನು ನಿರೀಕ್ಷಿಸಿದ್ದಾರೆ.
ಮಾರ್ಚ್‌ 31ರವರೆಗೆ ನಿವೇಶನ, ಮನೆ ಖರೀದಿದಾರರಿಗಿದೆ ಹಲವು ಪ್ರಯೋಜನ, ಮಿಸ್‌ ಮಾಡಿಕೊಳ್ಳಲೇಬೇಡಿ
ಸರಕಾರದ ನೆರವಿನ ನಿರೀಕ್ಷೆ
“ಈಗ ಕೊರೊನಾ 3ನೇ ಅಲೆಯಿರುವುದರಿಂದ ದೇಶದ ರಿಯಲ್‌ ಎಸ್ಟೇಟ್‌ ವಲಯಕ್ಕೆ ಕೋವಿಡ್‌-19ನಿಂದ ಇನ್ನಷ್ಟು ಹಾನಿಯಾಗುವುದನ್ನು ತಪ್ಪಿಸಲು ಸರಕಾರವು ಹೆಚ್ಚುವರಿ ಕ್ರಮಗಳನ್ನು ಕೈಗೊಳ್ಳುವ ಅಗತ್ಯವಿದೆ,” ಎಂದು ಕ್ರೆಡಾಯ್‌ ನ್ಯಾಷನಲ್‌ನ ಅಧ್ಯಕ್ಷರಾದ ಹರ್ಷವರ್ಧನ್‌ ಪಟೋಡಿಯಾ ಹೇಳಿದ್ದಾರೆ.
ಅನಿವಾಸಿ ಭಾರತೀಯರು ಆಸ್ತಿ ಖರೀದಿಸಬಹುದೇ? ಆರ್‌ಬಿಐ ಕಾನೂನು ಏನು ಹೇಳುತ್ತದೆ?
ಈಗ ಬಹುತೇಕ ಡೆವಲಪರ್‌ಗಳು ಆನ್‌ಲೈನ್‌ ಮೂಲಕ ಹೆಚ್ಚಿನ ಗ್ರಾಹಕರನ್ನು ತಲುಪಲು ಪ್ರಯತ್ನಿಸುತ್ತಿದ್ದು, ರಿಯಲ್‌ ಎಸ್ಟೇಟ್‌ ವಲಯದಲ್ಲಿ ಡಿಜಿಟಲ್‌ ಪಾತ್ರ ಪ್ರಮುಖವಾಗಿದೆ. “ಸಮೀಕ್ಷೆಯಲ್ಲಿ ಶೇ. 39ರಷ್ಟು ಡೆವಲಪರ್‌ಗಳು ಶೇ. 25ರಷ್ಟು ಪ್ರಾಪರ್ಟಿ ಮಾರಾಟವನ್ನು ಡಿಜಿಟಲ್‌ ಸೇಲ್ಸ್‌ ಮೂಲಕ ಮಾಡುವುದಾಗಿ ಹೇಳಿದ್ದಾರೆ. ಈ ವರ್ಷ ಬಹುತೇಕ ಡೆವಲಪರ್‌ಗಳು ಡಿಜಿಟಲ್‌ ಮಾರಾಟಕ್ಕೆ ಗಮನಕೊಡುವುದಾಗಿಯೂ ಸಮೀಕ್ಷೆಯಲ್ಲಿ ಹೇಳಿದ್ದಾರೆ,” ಎಂದು ಅವರು ಮಾಹಿತಿ ನೀಡಿದ್ದಾರೆ.
ನಿರ್ಮಾಣ ವೆಚ್ಚ ತಗ್ಗಿಸಲು ಕ್ರಮ ಕೈಗೊಳ್ಳುವ ಅಗತ್ಯವಿದೆ ಎಂದು ಬಹುತೇಕ ಡೆವಲಪರ್‌ಗಳು ಹೇಳಿದ್ದಾರೆ. ರಿಯಲ್‌ ಎಸ್ಟೇಟ್‌ಗೆ ಫಂಡ್‌ ಲಭ್ಯತೆ ಹೆಚ್ಚಿಸುವುದು, ಪ್ರಾಜೆಕ್ಟ್‌ಗಳಿಗೆ ಅನುಮತಿ ನೀಡಲು ವಿಳಂಬ ಮಾಡದೆ ಇರುವುದು ಇತ್ಯಾದಿ ಹಲವು ಕ್ರಮಗಳನ್ನು ಡೆವಲಪರ್‌ಗಳು ಬಯಸಿದ್ದಾರೆ. ಹೊಸ ಪ್ರಾಜೆಕ್ಟ್ ಲಾಂಚ್‌ ಸಮೀಕ್ಷೆಯಲ್ಲಿಶೇ. 92ರಷ್ಟು ಡೆವಲಪರ್‌ಗಳು ಈ ವರ್ಷ ಹೊಸ ಪ್ರಾಜೆಕ್ಟ್ ಲಾಂಚ್‌ ಮಾಡುವುದಾಗಿ ಹೇಳಿದ್ದಾರೆ. ಶೇ. 74ರಷ್ಟು ಡೆವಲಪರ್‌ಗಳು “ತಮಗೆ ವ್ಯವಹಾರ ನಡೆಸಲು ಸರಕಾರವು ಕಡಿಮೆ ತಡೆ ಒಡ್ಡಬೇಕು” ಎಂದಿದ್ದಾರೆ. ಶೇ. 55 ಡೆವಲಪರ್‌ಗಳು ಈ ವರ್ಷ ತಮ್ಮ ವ್ಯವಹಾರಗಳಲ್ಲಿ ವರ್ಚುವಲ್‌ ರಿಯಾಲ್ಟಿ ತಂತ್ರಜ್ಞಾನ ಅಳವಡಿಸಿಕೊಳ್ಳುವುದಾಗಿ ಹೇಳಿದ್ದಾರೆ.
ಬೆಂಗಳೂರಲ್ಲಿಯೂ ಏರಿಕೆ
ಈಗಾಗಲೇ ನಿವೇಶನ ಮತ್ತು ವಸತಿ ಪ್ರಾಜೆಕ್ಟ್ ನಡೆಸುತ್ತಿರುವ ವಿವಿಧ ಡೆವಲಪರ್‌ಗಳು ಬೆಂಗಳೂರಿನಲ್ಲಿ ಪ್ರಾಪರ್ಟಿ ದರ ಹೆಚ್ಚಳ ಮಾಡುವ ಮುನ್ಸೂಚನೆ ನೀಡಿದ್ದಾರೆ. “ಸಿಮೆಂಟ್‌, ಉಕ್ಕು ಸೇರಿದಂತೆ ಎಲ್ಲಾ ನಿರ್ಮಾಣ ಸಾಮಾಗ್ರಿಗಳ ದರ ಏರಿಕೆ ಕಂಡಿದೆ. ಇಂತಹ ಸಾಮಗ್ರಿಗಳಿಗೆ ಹೆಚ್ಚು ತೆರಿಗೆಯನ್ನೂ ಪಾವತಿಸಬೇಕಿದೆ. ಹೀಗಾಗಿ, ದರ ಹೆಚ್ಚಿಸುವುದು ಅನಿವಾರ್ಯವಾಗಿದೆ,” ಎಂದು ಬೆಂಗಳೂರಿನ ಪ್ರಮುಖ ಡೆವಲಪರ್‌ವೊಬ್ಬರು ಹೇಳಿದ್ದಾರೆ. “ನಾವು ಮುಂಬರುವ ಬಜೆಟ್‌ ಮೇಲೆ ನಿರೀಕ್ಷೆಯಿಟ್ಟಿದ್ದು, ಅಲ್ಲಿ ರಿಯಲ್‌ ಎಸ್ಟೇಟ್‌ ವಲಯಕ್ಕೆ ಪೂರಕವಾದ ಕ್ರಮಗಳು ಇಲ್ಲದಿದ್ದರೆ ದರ ಹೆಚ್ಚಳ ಮಾಡುವುದು ಅನಿವಾರ್ಯವಾಗಲಿದೆ,” ಎಂದು ಅವರು ತಿಳಿದ್ದಾರೆ.
ಈಗ ಗೃಹಸಾಲ ಬಡ್ಡಿದರವು ಅತ್ಯಂತ ಕಡಿಮೆಯಾಗಿದೆ. ಆರ್‌ಬಿಐಯು ಮುಂದೆಯೂ ರೆಪೊ ದರ ಯಥಾಸ್ಥಿತಿ ಕಾಯ್ದಿರಿಸಿಕೊಳ್ಳುವ ಸಾಧ್ಯತೆಯಿದೆ. ಸದ್ಯ ಪ್ರಾಪರ್ಟಿ ದರವೂ ಕಡಿಮೆಯಿದ್ದು, ಹೊಸ ಮನೆ ಖರೀದಿಗೆ ಸಕಾಲವಾಗಿದೆ ಎಂದು ಬೆಂಗಳೂರಿನ ರಿಯಲ್‌ ಎಸ್ಟೇಟ್‌ ಮಾರುಕಟ್ಟೆ ತಜ್ಞ ಅಂಕುರ್‌ ಶ್ರೀವಾತ್ಸವ ಹೇಳಿದ್ದಾರೆ.
Read more…
[wpas_products keywords=”deal of the day”]