ಕೋವಿಡ್ ನಡುವೆಯೂ ಭಾರತದ ಕೃಷಿ ರಫ್ತಿನಲ್ಲಿ ಗಮನಾರ್ಹ ಪ್ರಗತಿ: $50 ಬಿಲಿಯನ್ ತಲುಪುವ ನಿರೀಕ್ಷೆ

ಹೊಸದಿಲ್ಲಿ: ಭಾರತದ ಕೃಷಿ ರಫ್ತು ಮುಂದಿನ ಹಣಕಾಸು ವರ್ಷದಲ್ಲಿ ದಾಖಲೆಯ 50 ಬಿಲಿಯನ್ ಡಾಲರ್ ತಲುಪುವ ನಿರೀಕ್ಷೆ ಇದೆ. ಅಕ್ಕಿ ಹಾಗೂ ಸಾಗರೋತ್ಪನ್ನ, ಮಾಂಸ ಹಾಗೂ ಕುಕ್ಕುಟ ಉತ್ಪನ್ನಗಳ ಸಾಗಾಣಿಕೆಯಲ್ಲಿ ಗಣನೀಯ ಏರಿಕೆಯ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

2021ರ ಹಣಕಾಸು ವರ್ಷದಲ್ಲಿ ಭಾರತ 41.25 ಬಿಲಿಯನ್ ಡಾಲರ್ ಕೃಷಿ ಉತ್ಪನ್ನಗಳನ್ನು ರಫ್ತು ಮಾಡಿತ್ತು. 2019-20ರಲ್ಲಿ ಇದು 35.16 ಬಿಲಿಯನ್ ಡಾಲರ್ ಇತ್ತು. ಅಂದರೆ ಕಳೆದ ಸಾಲಿನಲ್ಲಿ ಶೇ 17ರಷ್ಟು ರಫ್ತು ಏರಿಕೆಯಾಗಿತ್ತು.

ಅಕ್ಕಿ ರಫ್ತು 9.5 ಬಿಲಿಯನ್ ಡಾಲರ್ ಮುಟ್ಟುವ ನಿರೀಕ್ಷೆ ಇದೆ. ಜಾಗತಿಕ ಅಕ್ಕಿ ರಫ್ತು ಮಾರುಕಟ್ಟೆಯಲ್ಲಿ ಇದು ಸುಮಾರು ಅರ್ಧದಷ್ಟು ಪಾಲು ಹೊಂದಲಿದೆ. ಬಾಸ್ಮತಿಯಲ್ಲದ ಅಕ್ಕಿಗಳ ಸಾಗಾಣಿಕೆ 5.8 ಬಿಲಿಯನ್ ಡಾಲರ್ ತಲುಪುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಡಿಸೆಂಬರ್‌ ಹೊತ್ತಿಗೆ ದೇಶದ ನಿರುದ್ಯೋಗಿಗಳ ಸಂಖ್ಯೆ 5.3 ಕೋಟಿ, ಬೆಚ್ಚಿ ಬೀಳಿಸಿದ CMIE ವರದಿ
‘ಕೃಷಿ ರಫ್ತು ಈ ವರ್ಷ ಅತ್ಯಧಿಕ ಮಟ್ಟಕ್ಕೆ ತಲುಪುವ ನಿರೀಕ್ಷೆ ಹೊಂದಿದ್ದು, ಈ ವರ್ಷ 50 ಬಿಲಿಯನ್ ಡಾಲರ್ ನಿರೀಕ್ಷಿಸಿದ್ದೇವೆ’ ಎಂದು ಅಧಿಕಾರಿಗಳಲ್ಲಿ ಒಬ್ಬರು ತಿಳಿಸಿದ್ದಾರೆ.

2021ರ ಏಪ್ರಿಲ್- ನವೆಂಬರ್ ಅವಧಿಯಲ್ಲಿ, ಕೃಷಿ ಉತ್ಪನ್ನಗಳ ರಫ್ತು ವರ್ಷದ ಹಿಂದಿನ ಇದೇ ಅವಧಿಗಿಂತ 25.2 ಬಿಲಿಯನ್ ಡಾಲರ್‌ನಷ್ಟು ಏರಿಕೆ ಕಂಡಿದೆ. ಇದರಲ್ಲಿ ಸಾಗರ ಉತ್ಪನ್ನಗಳು ಹಾಗೂ ಸಸ್ಯ ಉತ್ಪನ್ನಗಳು 31.95 ಬಿಲಿಯನ್ ಡಾಲರ್ ರಫ್ತು ಪಾಲು ಹೊಂದಿವೆ.

ಸಾಗರ ಉತ್ಪನ್ನಗಳ ರಫ್ತು ದಾಖಲೆಯ 8 ಬಿಲಿಯನ್ ಡಾಲರ್ ತಲುಪಲಿದೆ ಎಂದು ನಿರೀಕ್ಷಿಸಲಾಗಿದೆ. ಕಾಫಿ ಶೇ 45ರಷ್ಟು ಹಾಗೂ ದವಸ ಧಾನ್ಯ ಶೇ 66ರಷ್ಟು ರಫ್ತು ಹೆಚ್ಚಳದ ನಿರೀಕ್ಷೆ ಹುಟ್ಟಿಸಿವೆ. ಮಾಂಸ, ಡೇರಿ ಮತ್ತು ಪೌಲ್ಟ್ರಿ ಉತ್ಪನ್ನಗಳ ರಫ್ತು ಪೂರೈಕೆ ಈ ಹಣಕಾಸು ವರ್ಷದಲ್ಲಿ ಶೇ 10ರಷ್ಟು ಹೆಚ್ಚುವ ಸಾಧ್ಯತೆ ಇದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ.

‘ಕೋವಿಡ್ 19ರಿಂದ ಉಂಟಾದ ಅಡೆ ತಡೆಗಳು ಏನೇ ಇದ್ದರೂ, 2020-21ರಲ್ಲಿ ಕೃಷಿ ರಫ್ತುಗಳು ಉತ್ತಮ ಪ್ರಗತಿ ಕಂಡಿದ್ದವು. ಈ ಪ್ರಗತಿ ಪ್ರಸಕ್ತ ವರ್ಷ ಕೂಡ ಮುಂದುವರಿದಿದೆ’ ಎಂದು ಅವರು ತಿಳಿಸಿದ್ದಾರೆ.
ಬಂಡವಾಳ ಹಿಂತೆಗೆತ ಗುರಿ ಮುಟ್ಟಲು ವಿಫಲವಾದ ಕೇಂದ್ರ, LIC IPOದತ್ತ ನಿರೀಕ್ಷೆಯ ನೋಟ
ಹಣಕಾಸು ವರ್ಷದ ಮೊದಲ ಎಂಟು ತಿಂಗಳಲ್ಲಿ ಭಾರತದ ಗೋಧಿ ರಫ್ತು ಶೇ 421ರಷ್ಟು ಹೆಚ್ಚಳ ಕಂಡಿದೆ. ಇನ್ನು ಸಕ್ಕರೆ ರಫ್ತು ಶೇ 62ರಷ್ಟು ಮತ್ತು ಇತರೆ ದವಸ ಧಾನ್ಯಗಳು ಶೇ 79ರಷ್ಟು ರಫ್ತು ಏರಿಕೆಯನ್ನು ಕಂಡಿವೆ.

ವಾಣಿಜ್ಯ ಕ್ಷೇತ್ರದ 20 ಕ್ಕೂ ಹೆಚ್ಚು ವಲಯಗಳಿಗೆ ಸಂಬಂಧಿಸಿದ ಅತ್ಯುತ್ತಮ ಲೇಖನಗಳು ಮತ್ತು ಉದ್ಯಮಕ್ಕೆ ಸಂಬಂಧಿಸಿದ ಆಳವಾದ ಮಾಹಿತಿಗಾಗಿ ನೀವು ಎಕನಾಮಿಕ್ ಟೈಮ್ಸ್‌ ಓದಬಹುದು. ಮಾಹಿತಿಯುಕ್ತ ಲೇಖನಗಳನ್ನು ಓದಲು ಎಕನಾಮಿಕ್ ಟೈಮ್ಸ್ ಇಲ್ಲಿ ಕ್ಲಿಕ್ ಮಾಡಿ.