ಕರೀನಾ, ಅಮೃತಾ ಅರೋರಾ ಬಳಿಕ ಮತ್ತಿಬ್ಬರಿಗೆ ಕೊರೊನಾ: ಪಾರ್ಟಿಯಲ್ಲಿದ್ದವರಿಗೆ ಹೆಚ್ಚಿತು ಆತಂಕ!

ಬಾಲಿವುಡ್‌ನಲ್ಲಿ ಹೌಸ್ ಪಾರ್ಟಿಗಳೆಲ್ಲಾ ಕಾಮನ್. ಆಗಾಗ ತಾರೆಯರೆಲ್ಲಾ ಒಂದೆಡೆ ಸೇರಿ ಡಿನ್ನರ್ ಪಾರ್ಟಿ ಮಾಡುತ್ತಾರೆ. ಕಳೆದ ವಾರ.. ಅಂದ್ರೆ ಡಿಸೆಂಬರ್ 8 ರಂದು ಫಿಲ್ಮ್‌ ಮೇಕರ್ ಕರಣ್ ಜೋಹರ್ (Karan Johar) ಮನೆಯಲ್ಲಿ ಪಾರ್ಟಿ ನಡೆದಿತ್ತು.

ವರದಿಗಳ ಪ್ರಕಾರ, ‘ಕಭೀ ಖುಷಿ ಕಭೀ ಘಮ್’ ಸಿನಿಮಾ ಬಿಡುಗಡೆಯಾಗಿ 20 ವರ್ಷಗಳು ತುಂಬಿದ ಸಂಭ್ರಮವನ್ನು ಆಚರಿಸಲು ತಮ್ಮ ಮನೆಯ ಗೆಟ್‌-ಟು-ಗೆದರ್ ಪಾರ್ಟಿಯನ್ನ ಫಿಲ್ಮ್ ಮೇಕರ್ ಕರಣ್ ಜೋಹರ್ ಆಯೋಜಿಸಿದ್ದರು. ಈ ಗೆಟ್‌-ಟು-ಗೆದರ್ ಪಾರ್ಟಿಯಲ್ಲಿ ಅರ್ಜುನ್ ಕಪೂರ್ (Arjun Kapoor), ಮಲೈಕಾ ಅರೋರಾ (Malaika Arora), ಆಲಿಯಾ ಭಟ್ (Alia Bhatt), ಕರೀನಾ ಕಪೂರ್ ಖಾನ್ (Kareena Kapoor Khan), ಕರೀಷ್ಮಾ ಕಪೂರ್ (Karishma Kapoor), ಅಮೃತಾ ಅರೋರಾ (Amrita Arora), ಸೀಮಾ (Seema), ಮಹೀಪ್ ಕಪೂರ್ (Maheep Kapoor) ಭಾಗವಹಿಸಿದ್ದರು.

ಕರೀನಾ ಕಪೂರ್‌ಗೆ ಕೊರೊನಾ ವೈರಸ್; ಕೋವಿಡ್ ನಿಯಮ ಉಲ್ಲಂಘನೆ ಮಾಡಿದ ಆರೋಪ
ಪಾರ್ಟಿಯಲ್ಲಿ ಭಾಗವಹಿಸಿದ ಬಳಿಕ ಕರೀನಾ ಕಪೂರ್ ಖಾನ್ ಹಾಗೂ ಅಮೃತಾ ಅರೋರಾ ಅವರಿಗೆ ಕೊರೊನಾ ವೈರಸ್ ಸೋಂಕು (Covid 19 positive) ತಗುಲಿದೆ. ಇದೀಗ ಪಾರ್ಟಿಯಲ್ಲಿ ಭಾಗವಹಿಸಿದ ಸೀಮಾ ಹಾಗೂ ಮಹೀಪ್ ಕಪೂರ್ ಅವರಿಗೂ ಕೊರೊನಾ ವೈರಸ್ ಸೋಂಕು ತಗುಲಿರುವುದು ಬೆಳಕಿಗೆ ಬಂದಿದೆ.

5000 ಕೋಟಿ ರೂಪಾಯಿ ಪೂರ್ವಜರ ಆಸ್ತಿ ಪಡೆಯುವ ಅದೃಷ್ಟ ಸೈಫ್ ಅಲಿ ಖಾನ್ ಮಕ್ಕಳಿಗಿಲ್ಲ?
ಹೌದು, ನಟ ಸಂಜಯ್ ಕಪೂರ್ ಪತ್ನಿ ಮಹೀಪ್ ಕಪೂರ್‌ ಅವರಿಗೆ ಕೋವಿಡ್-19 ಪಾಸಿಟಿವ್ ಕಂಡುಬಂದಿದೆ. ಹಾಗಂತ ಸ್ವತಃ ನಟ ಸಂಜಯ್ ಕಪೂರ್ ಖಚಿತ ಪಡಿಸಿದ್ದಾರೆ. ‘’ಮಹೀಪ್ ಕಪೂರ್‌ಗೆ ಕೋವಿಡ್-19 ಪಾಸಿಟಿವ್ ಬಂದಿದೆ. ಅವರನ್ನು ಐಸೊಲೇಟ್ ಮಾಡಲಾಗಿದೆ. ತೀವ್ರ ರೋಗ ಲಕ್ಷಣಗಳು ಕಂಡುಬಂದಿಲ್ಲ. ಮಹೀಪ್ ಕಪೂರ್ ಅವರ ಆರೋಗ್ಯ ಸ್ಥಿರವಾಗಿದೆ’’ ಅಂತ ಪತಿ ಸಂಜಯ್ ಕಪೂರ್ ತಿಳಿಸಿದ್ದಾರೆ.

ತಮ್ಮ ಜೆಹ್ ಆಗಮನವಾಗುತ್ತಿದ್ದಂತೆ ಬದಲಾದ ಕರೀನಾ ಕಪೂರ್-ಸೈಫ್ ಅಲಿ ಖಾನ್‌ ಪುತ್ರ ತೈಮೂರ್
ಹಾಗ್ನೋಡಿದ್ರೆ, ಪಾರ್ಟಿಯಲ್ಲಿ ಭಾಗವಹಿಸಿದ ಬಳಿಕ ಮೊದಲು ಕೊರೊನಾ ವೈರಸ್ ಸೋಂಕಿನ ಲಕ್ಷಣಗಳು ಕಾಣಿಸಿಕೊಂಡಿದ್ದು ಸೀಮಾ ಅವರಿಗೆ. ಕೂಡಲೆ ಅವರು ಕೋವಿಡ್ ಪರೀಕ್ಷೆಗೆ ಒಳಗಾದರು. ಡಿಸೆಂಬರ್ 11 ರಂದು ಬಂದ ವರದಿಯಲ್ಲಿ ಸೀಮಾ ಅವರಿಗೆ ಕೋವಿಡ್-19 ಪಾಸಿಟಿವ್ ದೃಢಪಟ್ಟಿತ್ತು. ಇದಾದ ಬಳಿಕ ಕರೀನಾ ಕಪೂರ್ ಖಾನ್ ಹಾಗೂ ಅಮೃತಾ ಅರೋರಾ ಕೂಡ ಕೋವಿಡ್ ಪರೀಕ್ಷೆಗೆ ಒಳಗಾದರು. ಅವರ ವರದಿಯಲ್ಲಿಯೂ ಕೋವಿಡ್-19 ಪಾಸಿಟಿವ್ ಕಂಡುಬಂದಿದೆ. ಇದೀಗ, ಪಾರ್ಟಿಯಲ್ಲಿ ಭಾಗವಹಿಸಿದ ಎಲ್ಲಾ ಸೆಲೆಬ್ರಿಟಿಗಳಿಗೂ ಆತಂಕ ಹೆಚ್ಚಾಗಿದೆ. ಪಾರ್ಟಿ ಹೋಸ್ಟ್ ಮಾಡಿದ್ದ ಕರಣ್ ಜೋಹರ್ ಹಾಗೂ ಕುಟುಂಬಕ್ಕೂ ಕೊರೊನಾ ಭೀತಿ ಎದುರಾಗಿದೆ.

800 ಕೋಟಿ ರೂ. ಅರಮನೆ ಇದ್ರೂ ಸೈಫ್ ಅಲಿ ಖಾನ್‌ಗೆ ತಪ್ಪದ ಎಸಿ, ನೀರು ಲೀಕೇಜ್ ಸಮಸ್ಯೆ; ದೊಡ್ಡ ತಲೆನೋವು ಎಂದ ನಟ
ಸ್ಯಾನಿಟೈಸೇಷನ್ ಪ್ರಕ್ರಿಯೆ
ಒಮಿಕ್ರಾನ್ ಭೀತಿ ಇರುವುದರಿಂದ ಮುಂಬೈನಲ್ಲಿ ಬಿಎಂಸಿ ಕಟ್ಟೆಚ್ಚರ ವಹಿಸುತ್ತಿದೆ. ಈಗಾಗಲೇ ಕರಣ್ ಜೋಹರ್, ಕರೀನಾ ಕಪೂರ್ ಖಾನ್ ಮನೆಯನ್ನು ಬಿಎಂಸಿ ಸ್ಯಾನಿಟೈಸೇಷನ್ ಮಾಡಿದೆ. ಕರೀನಾ ಕಪೂರ್ ಖಾನ್ ಹಾಗೂ ಅಮೃತಾ ಅರೋರಾ ಮನೆಯನ್ನು ಬಿಎಂಸಿ ಸೀಲ್ ಡೌನ್ ಮಾಡಿದೆ. ಪಾರ್ಟಿಯಲ್ಲಿ ಭಾಗವಹಿಸಿದ ಎಲ್ಲರೂ ಹಾಗೂ ಅವರವರ ಸಂಪರ್ಕದಲ್ಲಿದ್ದವರನ್ನು ಕೋವಿಡ್-19 ಪರೀಕ್ಷೆಗೆ ಬಿಎಂಸಿ ಒಳಪಡಿಸಿದೆ. ಸೋಂಕು ವ್ಯಾಪಿಸದಂತೆ ಸಕಲ ಕ್ರಮಗಳನ್ನು ಬಿಎಂಸಿ ಕೈಗೊಂಡಿದೆ.