ಸಮುದ್ರ ಮಧ್ಯೆ ತಮಿಳುನಾಡು ಮೀನುಗಾರರ ದೋಣಿಯನ್ನು ಮುಳುಗಿಸಿ, ಓಡಿಸಿದ ಶ್ರೀಲಂಕಾ ನೌಕಾಪಡೆ ಸಿಬ್ಬಂದಿ!

PTI

ರಾಮೇಶ್ವರಂ: ಭಾರತೀಯ ಮೀನುಗಾರರ ತಂಡ ದ್ವೀಪ ರಾಷ್ಟ್ರದ ಸಮುದ್ರದ ಬಳಿ ಮೀನುಗಾರಿಕೆ ನಡೆಸುತ್ತಿದ್ದಾಗ ಶ್ರೀಲಂಕಾ ನೌಕಾಪಡೆ ಸಿಬ್ಬಂದಿ ದಾಳಿ ನಡೆಸಿದ್ದಾರೆ ಎಂದು ಮೀನುಗಾರಿಕೆ ಇಲಾಖೆಯ ಹಿರಿಯ ಅಧಿಕಾರಿಯೊಬ್ಬರು ಇಲ್ಲಿ ತಿಳಿಸಿದ್ದಾರೆ.

ಕಚ್ಚತೀವು ಬಳಿ ಲಂಕಾ ನೌಕಾಪಡೆಯ ನೌಕೆ ಬೋಟ್ ಗೆ ಡಿಕ್ಕಿ ಹೊಡೆದ ಪರಿಣಾಮ ಏಳು ಮಂದಿ ಮೀನುಗಾರರು ನೀರಿಗೆ ಬಿದ್ದಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಮೀನುಗಾರಿಕೆ ಇಲಾಖೆಯ ಅಧಿಕಾರಿಯ ಪ್ರಕಾರ, ಶ್ರೀಲಂಕಾ ನೌಕಾಪಡೆಯ ಸಿಬ್ಬಂದಿ ಭಾರತೀಯ ಮೀನುಗಾರರ ಬಲೆಗಳನ್ನು ಕತ್ತರಿಸಿ ಅವರನ್ನು ಬೆನ್ನಟ್ಟಿದರು. ಸಮುದ್ರದಲ್ಲಿ ಬಿದ್ದ ಮೀನುಗಾರರನ್ನು ರಕ್ಷಿಸಲು ನೌಕಾಪಡೆ ಪ್ರಯತ್ನಿಸಲಿಲ್ಲ ಎಂದು ಹೇಳಿದರು.

ಬುಧವಾರ ಸಂಜೆ 569 ಟ್ರಾಲರ್‌ಗಳಲ್ಲಿ ಮೀನುಗಾರರು ರಾಮೇಶ್ವರಂನಿಂದ ಹೊರಟಿದ್ದಾರೆ. ಆದರೆ, ಶ್ರೀಲಂಕಾದ ನೌಕಾಪಡೆಗಳು ಬೆನ್ನಟ್ಟಿದ ನಂತರ, ಅವರು ಇಂದು ಮುಂಜಾನೆ ರಾಮೇಶ್ವರಂ ಕರಾವಳಿಗೆ ಮರಳಿದರು ಮತ್ತು ಮೀನುಗಾರಿಕೆ ಇಲಾಖೆ ಅಧಿಕಾರಿಗಳಿಗೆ ದೂರು ನೀಡಿದರು.

ತಮಿಳುನಾಡು ಮೀನುಗಾರನ ಮೇಲೆ ನಡೆದ ಹಲ್ಲೆ ಪ್ರಕರಣವನ್ನು ಶ್ರೀಲಂಕಾ ಸರ್ಕಾರದೊಂದಿಗೆ ಕೇಂದ್ರೀಕರಿಸಬೇಕು ಮತ್ತು ಮೀನುಗಾರಿಕೆ ಉಪಕರಣಗಳ ನಷ್ಟಕ್ಕೆ ಪರಿಹಾರ ನೀಡಬೇಕೆಂದು ರಾಮನಾಥಪುರಂ ಸಂಸದ ಕೆ ನವಾಸ್ ಕಣಿ ಒತ್ತಾಯಿಸಿದ್ದಾರೆ.