Karnataka news paper

ಕೊರೊನಾರ್ಭಟದ ನಡುವೆ ಎಚ್‌ಐವಿ ಸೋಂಕಿನಲ್ಲೂ ಹೊಸಕೋಟೆ ಫಸ್ಟ್‌..!


ಎಂ. ಪ್ರಶಾಂತ್‌
ಸೂಲಿಬೆಲೆ (ಬೆಂಗಳೂರು ಗ್ರಾಮಾಂತರ):
ಕೋವಿಡ್‌ ಮೂರನೇ ಅಲೆಯ ಸೋಂಕು ನಿಯಂತ್ರಿಸುವಲ್ಲಿ ಹೈರಾಣಾಗುತ್ತಿರುವ ಅಧಿಕಾರಿಗಳಿಗೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಹೊಸಕೋಟೆ ತಾಲೂಕಿನಲ್ಲಿ ಹೆಚ್ಚಾಗಿ ಕಂಡು ಬರುತ್ತಿರುವ ಎಚ್‌ಐವಿ ಸೋಂಕು ಮತ್ತೊಂದು ತಲೆನೋವು ತಂದಿಟ್ಟಿದೆ. ಅತ್ತ ಕೊರೊನಾ ಸೋಂಕು ತಡೆಯುವುದರ ಜತೆ ಎಚ್‌ಐವಿ ಬಗ್ಗೆ ಆಂದೋಲನದ ಮೂಲಕ ಮನೆ ಮನೆಗೂ ಹೋಗಿ ಜಾಗೃತಿ ಮೂಡಿಸಲು ಅಧಿಕಾರಿಗಳು ಸಜ್ಜಾಗಿದ್ದಾರೆ.

ಒಂದು ಕಾಲದಲ್ಲಿ ಮಹಾಮಾರಿಯಾಗಿ ಕಾಡಿದ್ದ ಎಚ್‌ಐವಿ, ಏಡ್ಸ್‌ ಸೋಂಕು ಇನ್ನಿಲ್ಲ ಎಂದುಕೊಳ್ಳುವಾಗಲೇ ಜಿಲ್ಲೆಯ ಅಲ್ಲಿಲ್ಲಿ ಸದ್ದಿಲ್ಲದೆ ಇದರ ಸೋಂಕಿಗೆ ತುತ್ತಾಗುತ್ತಿರುವ ಸಂಖ್ಯೆಯೂ ಹೆಚ್ಚುತ್ತಿದೆ. ಕೋವಿಡ್‌ ಸೋಂಕಿನಂತೆ ಜನರಲ್ಲಿ ಭೀತಿಯನ್ನುಂಟು ಮಾಡಿದ್ದ ಎಚ್‌ಐವಿ ಇನ್ನಿಲ್ಲ ಬಿಡು ಎಂದು ಜನ ಮೈ ಮರೆತು ಇದೀಗ ಮತ್ತೆ ಸದ್ದಿಲ್ಲದೆ ಈ ಸೋಂಕಿಗೆ ತುತ್ತಾಗುತ್ತಿದ್ದಾರೆ.

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಪ್ರತಿಯೊಂದು ಪ್ರಾಥಮಿಕ ಆರೋಗ್ಯ ಕೇಂದ್ರ, ಐಸಿಟಿಸಿ ಕೇಂದ್ರಗಳಲ್ಲಿ ಸೋಂಕು ಪರೀಕ್ಷೆ ಮಾಡಲಾಗುತ್ತದೆ. ಸೋಂಕಿನ ಲಕ್ಷಣಗಳಿದ್ದರೂ ಕೆಲವರು ಮುಜುಗರದಿಂದ ನಿರ್ಭಯವಾಗಿ ಕೇಂದ್ರಗಳಿಗೆ ಹೋಗಿ ತಪಾಸಣೆಗೆ ಒಳಪಡುವಲ್ಲಿ ಹಿಂದೇಟು ಹಾಕುತ್ತಿದ್ದು, ಇದರಿಂದ ಕುಟುಂಬದ ಇತರೆ ಸದಸ್ಯರಿಗೂ ಸೋಂಕು ಹರಡಲು ಕಾರಣವಾಗುತ್ತಿದೆ. ಅಸುರಕ್ಷಿತ ಲೈಂಗಿಕ ಸಂಪರ್ಕ, ಸೂಚಿಮದ್ದು ಹಂಚಿಕೊಳ್ಳುವುದರಿಂದ, ಹೆಚ್‌ಐವಿ ಸೋಂಕಿತ ತಾಯಿಯಿಂದ ಮಗುವಿಗೆ, ಹಾಗೂ ಅಸುರಕ್ಷಿತ ರಕ್ತ ವರ್ಗಾವಣೆಯಿಂದ ಎಚ್‌ಐವಿ ಹರಡುತ್ತದೆ.

ಹೆಚ್ಚಾದ ಮೇಲೆ ಎಚ್ಚೆತ್ತ ಅಧಿಕಾರಿಗಳು

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ನಾಲ್ಕು ತಾಲೂಕುಗಳ ಪೈಕಿ ಹೊಸಕೋಟೆಯಲ್ಲಿ ಇದರ ಪ್ರಮಾಣ ಹೆಚ್ಚಾಗಿ ಕಂಡು ಬಂದಿದ್ದು ಇನ್ನಿತರೆ ತಾಲೂಕುಗಳಲ್ಲಿ ಸೋಂಕು ಕಡಿಮೆಯಿದೆ. ಹೊಸಕೋಟೆ ತಾಲೂಕಿನಲ್ಲಿ ಈ ಸೋಂಕು ಪ್ರಮಾಣ ಹೆಚ್ಚುತ್ತಿದ್ದಂತೆ ಅಧಿಕಾರಿಗಳ ಎಚ್ಚತ್ತುಕೊಂಡು ಈಗ ಮನೆ ಮನೆ ಬಾಗಿಲು ತಟ್ಟಿ ಜಾಗೃತಿ ಮೂಡಿಸಲು ಮುಂದಾಗಿದ್ದಾರೆ. ಸೋಂಕಿನ ಬಗ್ಗೆ ವ್ಯಾಪಕ ಜಾಗೃತಿ ಮೂಡಿಸಿ ಇದರ ಪ್ರಮಾಣ ಕಡಿಮೆ ಮಾಡಲು ಅಧಿಕಾರಿಗಳು ಆಂದೋಲನಕ್ಕೆ ತಯಾರಿ ನಡೆಸಿದ್ದಾರೆ.

​ಹೊಸಕೋಟೆ ಫಸ್ಟ್‌

ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ ಕಳೆದ 2021-22 ಸಾಲಿನಲ್ಲಿ ಎಲ್ಲ ತಾಲೂಕುಗಳಲ್ಲಿ ಎಚ್‌ ಐವಿ ಸೋಂಕು ತಪಾಸಣೆ ನಡೆಸಿದ್ದು ಇದರಲ್ಲಿ ಹೊಸಕೋಟೆ ತಾಲೂಕಿನಲ್ಲಿ ಶೇ.0.28 ಎಚ್‌ಐವಿ ಪ್ರಿವಿಲೆನ್ಸ್‌ ಕಂಡು ಬಂದಿದೆ. ತಾಲೂಕಿನಲ್ಲಿ ಒಟ್ಟು 15,222 ಜನರಿಗೆ ಎಚ್‌ಐವಿ ಪರೀಕ್ಷೆ ಮಾಡಿದಾಗ 44 ಜನರಲ್ಲಿ ಸೋಂಕು ಇರುವುದು ಕಂಡು ಬಂದಿದೆ.

6 ಗರ್ಭಿಣಿಯರಿಗೆ ಸೋಂಕು

6-

ಪರೀಕ್ಷೆಗೆ ಒಳಪಡಿಸಿದ 15,222 ಮಂದಿಯಲ್ಲಿ 44 ಜನರಿಗೆ ಸೋಂಕು ಇರುವುದು ಪತ್ತೆಯಾದರೆ, ಇದರಲ್ಲಿ 6 ಮಂದಿ ಗರ್ಭಿಣಿಯರಲ್ಲಿ ಈ ಸೋಂಕು ಇರುವುದು ಕಳವಳಕಾರಿಯಾಗಿದೆ. ಜಿಲ್ಲೆಯ ಬೇರೆ ತಾಲೂಕುಗಳಿಗೆ ಹೊಲಿಸಿದರೇ ಹೊಸಕೋಟೆಯಲ್ಲಿಯೇ ಇಷ್ಟು ಪ್ರಮಾಣದ ಸೋಂಕು ಕಂಡು ಬಂದಿದೆ.

​ಐಇಸಿ ಕಾರ್ಯಕ್ರಮಗಳು ಮಾಡಿ

ಹೊಸಕೋಟೆ ತಾಲೂಕಿನಲ್ಲಿ ಸೋಂಕಿನ ಬಗ್ಗೆ ಜಾಗೃತಿ ಮೂಡಿಸಲು ಐಇಸಿ ಕಾರ್ಯಕ್ರಮಗಳನ್ನು ಹೆಚ್ಚು ಮಾಡುವಂತೆ ಜಿಲ್ಲಾಧಿಕಾರಿಗಳು ಸೂಚಿಸಿದ್ದಾರೆ. ಈ ಹಿನ್ನಲೆಯಲ್ಲಿ ಅಧಿಕಾರಿಗಳು ಎರಡು ದಿನಗಳ ಕಾಲ ತಾಲೂಕಿನಲ್ಲಿ ಮನೆ ಮನೆ ಜಾಗೃತಿ ಆಂದೋಲನ ನಡೆಸಿ ಎಚ್‌ಐವಿ, ಏಡ್ಸ್‌ ಬಗ್ಗೆ ಜಾಗೃತಿ ಅರಿವು ಮೂಡಿಸಲಿದ್ದಾರೆ.

ಅನುಮಾನವಿದ್ದರೆ ಪರೀಕ್ಷೆ ಮಾಡಿಸಿಕೊಳ್ಳಿ

ಅಸುರಕ್ಷತೆ ಲೈಂಗಿಕತೆ ಅಥವಾ ಮತ್ಯಾವುದರಿಂದಲೋ ಸೋಂಕಿದೆ ಎನ್ನುವ ಅನುಮಾನವಿದ್ದರೆ ತಕ್ಷಣ ಪರೀಕ್ಷೆ ಮಾಡಿಸಿಕೊಳ್ಳಿ. ಹತ್ತಿರದ ಸರಕಾರಿ ಆಸ್ಪತ್ರೆಗಳಲ್ಲಿ, ಐಸಿಟಿಸಿ ಕೇಂದ್ರಗಳಲ್ಲಿ ಉಚಿತವಾಗಿ ಪರೀಕ್ಷೆ ಮಾಡುತ್ತಾರೆ. ಸೋಂಕು ಪತ್ತೆಯಾದರೆ ಮಾಹಿತಿಯನ್ನು ಗೌಪ್ಯವಾಗಿಟ್ಟು ಉಚಿತ ಸಲಹೆ, ಆಪ್ತ ಸಮಾಲೋಚನೆ ಮೂಲಕ ಚಿಕಿತ್ಸೆ ಸಿಗಲಿದೆ.

ಗರ್ಭಿಣಿ ಸ್ತ್ರೀಯರು ತಪ್ಪದೆ ಎಚ್‌ಐವಿ ಪರೀಕ್ಷೆ ಮಾಡಿಸಿ ಸೂಕ್ತ ಔಷಧೋಪಚಾರ ಪಡೆದು ಹುಟ್ಟುವ ಮಗುವನ್ನು ಎಚ್‌ಐವಿ ಸೋಂಕಿನಿಂದ ರಕ್ಷಿಸಿ.



Read more

[wpas_products keywords=”deal of the day sale today offer all”]