2022ರ ಋತುವಿನ ಬಳಿಕ ಸಾನಿಯಾ ಮಿರ್ಜಾ ಟೆನಿಸ್‌ಗೆ ವಿದಾಯ!

ಮೆಲ್ಬೋರ್ನ್‌: ಭಾರತ ಇತಿಹಾಸದ ವರ್ಣರಂಜಿತ ಟೆನಿಸ್ ಆಟಗಾರ್ತಿ ಸಾನಿಯಾ ಮಿರ್ಜಾ 2022ರ ಋತುವಿನ ಬಳಿಕ ಅಂತಾರಾಷ್ಟ್ರೀಯ ಟೆನಿಸ್ ಗೆ ವಿದಾಯ ಹೇಳುವುದಾಗಿ ಘೋಷಿಸಿದ್ದಾರೆ. ಒಂದು ಮಗುವಿನ ತಾಯಿಯೂ ಆಗಿರುವ ಅವರು ಗ್ರ್ಯಾನ್ ಸ್ಲಾಮ್ ಸೇರಿದಂತೆ ಹಲವು ಅಂತಾರಾಷ್ಟ್ರೀಯ ಪ್ರಶಸ್ತಿಗಳನ್ನು ಗೆದ್ದು ಭಾರತದ ಕೀರ್ತಿಯನ್ನು ಹೆಚ್ಚಿಸಿದ್ದಾರೆ.

ಕಾಂಗರೂಗಳ ನಾಡಿನಲ್ಲಿ ನಡೆಯುತ್ತಿರುವ ವರ್ಷಾರಾಂಭದ ಮೊದಲ ಗ್ರ್ಯಾನ್ ಸ್ಲಾಮ್ ಟೆನಿಸ್ ಟೂರ್ನಿ ಆಸ್ಟ್ರೇಲಿಯನ್ ಓಪನ್‌ನ ಮಹಿಳೆಯರ ಡಬಲ್ಸ್ ವಿಭಾಗದ ಮೊದಲ ಸುತ್ತಿನಲ್ಲಿ ಬುಧವಾರ ಪರಾಭವಗೊಳ್ಳುವುದರೊಂದಿಗೆ ಅವರು ತಮ್ಮಈ ನಿವೃತ್ತಿ ನಿರ್ಧಾರವನ್ನು ಪ್ರಕಟಿಸಿದ್ದಾರೆ.

ಸಾನಿಯಾ ಮಿರ್ಜಾ ಮತ್ತು ಜತೆಗಾರ್ತಿ ಉಕ್ರೇನ್‌ನ ನಾಡಿಯಾ ಕಿಚೆನೋಕ್ ಜೋಡಿ 4-6,6-7 (5) ನೇರ ಸೆಟ್ ಗಳಿಂದ ಸ್ಲೋವೆನಿಯಾದ ಟ್ಯಾಮರಾ ಜಿಡಾನ್ಸೆಕ್ ಮತ್ತು ಕಾಜಾ ಜುವಾನ್ ಜೋಡಿ ವಿರುದ್ಧ ಸೋತ ನಂತರ ಅವರು ಈ ನಿರ್ಧಾರ ಪ್ರಕಟಿಸಿದ್ದಾರೆ.

ಜೊಕೊವಿಕ್‌ ಅನುಪಸ್ಥಿತಿಯಲ್ಲಿ ನಡಾಲ್ ಗೆಲ್ಲುವವರೇ 21ನೇ ಗ್ರ್ಯಾನ್ ಸ್ಲಾಮ್?

ಒಂದು ಗಂಟೆ 37 ನಿಮಿಷ ನಡೆದ ಹೋರಾಟದಲ್ಲಿ ಪ್ರಬಲ ಪೈಪೋಟಿ ಒಡ್ಡಿದ ಭಾರತ ಮತ್ತು ಉಕ್ರೇನ್ ಜೋಡಿ ಮೊದಲ ಹರ್ಡಲ್ಸ್ ದಾಟುವಲ್ಲಿ ವಿಫಲಗೊಂಡಿತು. ಹಲವು ಬಾರಿ ಪ್ರಮಾದ ಎಸಗಿದ ಕಿಚೆನೊಕ್ , ಜತೆಗಾರ್ತಿಯನ್ನು ಮುಂದಿನ ಸುತ್ತಿಗೆ ದಾಟಿಸುವಲ್ಲಿ ವಿಫಲಗೊಂಡರು. ಈ ಮಧ್ಯೆ, ಸಾವಿಯಾ ಅಮೆರಿಕದ ರಾಜೀವ್ ರಾಮ್ ಜತೆಗೂಡಿ ಮಿಶ್ರ ಡಬಲ್ಸ್ ವಿಭಾಗದಲ್ಲಿ ಕಣಕ್ಕಿಳಿಯಲಿದ್ದಾರೆ.

“ಇದು ನನ್ನ ಕೊನೆಯ ಸೀಸನ್ ಎಂದು ನಾನು ನಿರ್ಧರಿಸಿದ್ದೇನೆ. ನಾನು ಅದನ್ನು ವಾರದಿಂದ ವಾರಕ್ಕೆ ತೆಗೆದುಕೊಳ್ಳುತ್ತಿದ್ದೇನೆ, ನಾನು ಈ ಋತುವಿನಲ್ಲಿ ಉಳಿಯಬಹುದೇ ಎಂದು ಖಚಿತವಾಗಿಲ್ಲ, ಆದರೆ ನನಗೂ ವಿರಾಮ ಬೇಕು, ”ಎಂದು ಮಿರ್ಜಾ ಅವರು ಪತ್ರಿಕಾಗೋಷ್ಠಿಯಲ್ಲಿ ಹೇಳಿದ್ದಾರೆ.

ಆಸ್ಟ್ರೇಲಿಯನ್‌ ಓಪನ್‌: 2ನೇ ಬಾರಿ ನೊವಾಕ್‌ ವೀಸಾ ತಿರಸ್ಕಾರ!

2003ರಿಂದ ವೃತ್ತಿಪರ ಟೆನಿಸ್ ಆಡುತ್ತಿರುವ ಸಾನಿಯಾ ಮಿರ್ಜಾ, ಮಹಿಳೆಯರ ಡಬಲ್ಸ್ ವಿಭಾಗದಲ್ಲಿ ನಂ.1 ಸ್ಥಾನ ಅಲಂಕರಿಸಿದ್ದರು. ಹಾಗೆಯೇ ತಮ್ಮ ಟೆನಿಸ್ ವೃತ್ತಿ ಬದುಕಿನಲ್ಲಿ 6 ಗ್ರ್ಯಾನ್ ಸ್ಲಾಮ್ ಕಿರೀಟ ಗೆದ್ದು ಸಾಧನೆ ಮಾಡಿದ್ದಾರೆ.

ಸಿಂಗಲ್ಸ್‌ನಲ್ಲೂ ತಮ್ಮದೇ ಆದ ಛಾಪು ಮೂಡಿಸಿರುವ ಸಾನಿಯಾ ಮಿರ್ಜಾ, 2007ರಲ್ಲಿ ವಿಶ್ವದ 27ನೇ ಶ್ರೇಯಾಂಕ ಪಡೆಯುವ ಮೂಲಕ ಭಾರತದ ಮಹಿಳಾ ಟೆನಿಸ್‌ಗೆ ಹೊಸ ಮೆರಗು ತಂದಿದ್ದರು. ಏಕೆಂದರೆ ಭಾರತದಿಂದ ಮಹಿಳಾ ಆಟಗಾರ್ತಿಯೊಬ್ಬರು ಸಿಂಗಲ್ಸ್‌ನಲ್ಲಿ ಅತ್ಯಧಿಕ ಶ್ರೇಯಾಂಕ ಹೊಂದಿದ ಆಟಗಾರ್ತಿ ಎಂದರೆ ಅದು ಸಾನಿಯಾ ಮಿರ್ಜಾ ಮಾತ್ರ!

ಭಾರತದ ಪಾಲಿಗೆ ಅತ್ಯಂತ ಮಹತ್ವದ್ದಾಗಿದೆ 2022ನೇ ನೂತನ ವರ್ಷ!

ಅವರು ಸ್ವೆಟ್ಲಾನಾ ಕುಜ್ನೆಟ್ಸೊವಾ, ವೆರಾ ಜ್ವೊನಾರೆವಾ ಮತ್ತು ಮರಿಯನ್ ಬಾರ್ಟೋಲಿ ಮತ್ತು ಮಾಜಿ ವಿಶ್ವ ನಂ. 1 ಮಾರ್ಟಿನಾ ಹಿಂಗಿಸ್, ದಿನಾರಾ ಸಫಿನಾ ಮತ್ತು ವಿಕ್ಟೋರಿಯಾ ಅಜರೆಂಕಾ ವಿರುದ್ಧ ಗಮನಾರ್ಹ ವಿಜಯಗಳನ್ನು ಸಾಧಿಸಿದ್ದಾರೆ. ಆದರೆ ದೊಡ್ಡ ಮಣಿಕಟ್ಟಿನ ಗಾಯದಿಂದಾಗಿ ತನ್ನ ಸಿಂಗಲ್ಸ್ ವೃತ್ತಿಜೀವನವನ್ನು ತ್ಯಜಿಸಬೇಕಾಗಿತ್ತು.

ಡಬ್ಲ್ಯುಟಿಎ ಪ್ರಶಸ್ತಿಯನ್ನು ಗೆದ್ದ ಭಾರತದ ಏಕೈಕ ಇಬ್ಬರು ಮಹಿಳಾ ಟೆನಿಸ್ ಆಟಗಾರ್ತಿಯರಲ್ಲಿ ಸಾನಿಯಾ ಮಿರ್ಜಾ ಕೂಡ ಒಬ್ಬರು ಮತ್ತು ಸಿಂಗಲ್ಸ್ ಶ್ರೇಯಾಂಕಗಳಲ್ಲಿ ಅಗ್ರ 100 ತಲುಪಿದ ಏಕೈಕ ಭಾರತೀಯ ಆಟಗಾರ್ತಿಯಾಗಿದ್ದಾರೆ.