ಕಳೆದ ಮೂರು ಬಾರಿ ಪುರುಷರ ಸಿಂಗಲ್ಸ್ ವಿಭಾಗದ ಕಿರೀಟವು ಜೊಕೊವಿಕ್ ಪಾಲಾಗಿತ್ತು.ಈಗಾಗಲೇ ದಿಗ್ಗಜ ಆಟಗಾರ ಸ್ವಿಜರ್ಲೆಂಡ್ ನ ರೋಜರ್ ಫೆಡರರ್‌ ಹಾಗೂ ಡಾಮನಿಕ್ ಥೀಮ್ ಕೂಡ ಆಡದ ಟೂರ್ನಿ ತಾರಾ ಆಟಗಾರರ ಕೊರತೆ ಎದುರಿಸುತ್ತಿದೆ. ಹೀಗಾಗಿ ಜೊಕೊವಿಕ್ ಅವರ ಅನುಪಸ್ಥಿತಿಯು ಟೂರ್ನಿಯು ಮತ್ತಷ್ಟು ಕಳೆಗುಂದುವಂತೆ ಮಾಡಿದೆ. ಆದರೆ ಸದ್ಯ ಟೂರ್ನಿಯಲ್ಲಿ ಆಡಲಿರುವ ಆಟಗಾರರಿಗೆ ಹೊಸ ಅವಕಾಶದ ಬಾಗಿಲು ಮುಕ್ತವಾಗಿದೆ.
ಆರನೇ ಶ್ರೇಯಾಂಕದ ಆಟಗಾರ, ಸ್ಪೇನ್‌ ರಾಫೆಲ್ ನಡಾಲ್ ಈಗ ಪ್ರಶಸ್ತಿ ಜಯಿಸುವ ನೆಚ್ಚಿನ ಆಟಗಾರ ಎನಿಸಿದ್ದಾರೆ. ಜೊಕೊವಿಕ್ ಮತ್ತು ನಡಾಲ್ ತಲಾ 20 ಗ್ರ್ಯಾನ್‌ಸ್ಲಾಮ್ ಒಡೆಯರು. ಈಗ ಸ್ಪರ್ಧೆಯಲ್ಲಿ ಉಳಿದಿರುವ ಏಕೈಕ ಆಸ್ಟ್ರೇಲಿಯಾ ಓಪನ್ ಚಾಂಪಿಯನ್‌ (2009) ನಡಾಲ್ ಆಗಿದ್ದಾರೆ.
ಆಸ್ಟ್ರೇಲಿಯನ್ ಓಪನ್: 2ನೇ ಬಾರಿ ನೊವಾಕ್ ವೀಸಾ ತಿರಸ್ಕಾರ!
ನಡಾಲ್ ಅವರು ಸದ್ಯ ಮೂರನೇ ಶ್ರೇಯಾಂಕದ ಆಟಗಾರ ಜರ್ಮನಿಯ ಅಲೆಕ್ಸಾಂಡರ್‌ ಜ್ವೆರೆವ್‌ ಮತ್ತು ಇಟಲಿಯ ಮಟಿಯೊ ಬೆರೆಟಿನಿ ಸವಾಲುಗಳನ್ನು ದಾಟಬೇಕಿದೆ. ಎರಡನೇ ಶ್ರೇಯಾಂಕದ ಡ್ಯಾನಿಲ್ ಮೆಡ್ವೆಡೆವ್, ನಾಲ್ಕನೇ ಶ್ರೇಯಾಂಕದ ಸ್ಟೆಫನೊಸ್ ಸಿಸಿಪಸ್‌ ಕೂಡ ಪ್ರಶಸ್ತಿ ಮೇಲೆ ಕಣ್ಣಿಟ್ಟಿದ್ದಾರೆ.
ಮಹಿಳಾ ಸಿಂಗಲ್ಸ್ ವಿಭಾಗದಲ್ಲಿ ಅಗ್ರಶ್ರೇಯಾಂಕದ ಆಟಗಾರ್ತಿ ಆಸ್ಟ್ರೇಲಿಯಾದ ಆ್ಯಶ್ಲೆ ಬಾರ್ಟಿ ಮತ್ತು ಜಪಾನ್‌ನ ನವೊಮಿ ಒಸಾಕಾ (13ನೇ ಶ್ರೇಯಾಂಕ) ಭರವಸೆ ಮೂಡಿಸಿದ್ದಾರೆ. ಬೆಲಾರಸ್‌ ಆಟಗಾರ್ತಿ ಎರಡನೇ ಶ್ರೇಯಾಂಕದ ಅರಿನಾ ಸಬಲೆಂಕಾ, ಸ್ಪೇನ್‌ನ ಗಾರ್ಬೈನ್‌ ಮುಗುರುಜಾ, ಜೆಕ್ ಗಣರಾಜ್ಯದ ಬಾರ್ಬರಾ ಕ್ರೇಸಿಕೊವಾ ಅದೃಷ್ಟ ಪರೀಕ್ಷೆಗೆ ಸಜ್ಜಾಗಿದ್ದಾರೆ.
ಕಾಡಂಚಿನ ಹುಡುಗರ ತ್ರಿವಿಕ್ರಮ ಸಾಧನೆ: ವಾಲಿಬಾಲ್‌ನಲ್ಲಿ ಸತತ 2ನೇ ಬಾರಿ ಚಾಂಪಿಯನ್‌
ಕಾನೂನು ಹೋರಾಟದಲ್ಲಿ ಜೊಕೊವಿಕ್ ಗೆ ಸೋಲು: ಎರಡನೇ ಬಾರಿಗೆ ತಮ್ಮ ವೀಸಾವನ್ನು ಹಿಂತೆಗೆದುಕೊಂಡ ನಂತರ ಜಗತ್ತಿನ ನಂ. 1 ಟೆನಿಸ್‌ ಆಟಗಾರ ನೊವಾಕ್ ಜೊಕೊವಿಕ್ ಮತ್ತೆ ಆಸ್ಟ್ರೇಲಿಯಾ ಸರ್ಕಾರದ ವಿರುದ್ಧ ಕಾನೂನು ಹೋರಾಟ ಆರಂಭಿಸಿದ್ದರು.
ಆದರೆ, ಈ ಬಗ್ಗೆ ಭಾನುವಾರ ತೀರ್ಪು ನೀಡಿರುವ ಆಸ್ಟ್ರೇಲಿಯಾ ಫೆಡರಲ್ ಕೋರ್ಟ್ ಆಸ್ಟ್ರೇಲಿಯಾ ಸರ್ಕಾರದ ಗಡಿಪಾರು ನಿರ್ಧಾರವನ್ನು ಎತ್ತಿ ಹಿಡಿದಿದೆ.
ನೊವಾಕ್ ಆಸ್ಟ್ರೇಲಿಯಾ ಓಪನ್‌ನಲ್ಲಿ ಸ್ಪರ್ಧಿಸುವ ಅವಕಾಶವನ್ನು ಉಳಿಸಿಕೊಳ್ಳುವ ಕೊನೆಯ ಪ್ರಯತ್ನದಲ್ಲಿ ತೊಡಗಿದ್ದರು. ಆದರೆ, ಈಗ ಬಂದಿರುವ ಕೋರ್ಟ್ ಆದೇಶದಿಂದ ಅವರಿಗೆ ಹಿನ್ನಡೆಯಾಗಿದೆ ಎಂದು ವಿಶ್ಲೇಷಿಸಲಾಗುತ್ತಿದೆ. ಈ ತೀರ್ಪಿನಿಂದ ಮುಂದಿನ ಮೂರು ವರ್ಷ ಅವರು ಆಸ್ಟ್ರೇಲಿಯನ್ ಓಪನ್ ನಲ್ಲಿ ಪಾಲ್ಗೊಳ್ಳುವ ಅವಕಾಶವನ್ನು ಕಳೆದುಕೊಳ್ಳಲಿದ್ದಾರೆ ಎಂದು ವಿಶ್ಲೇಷಿಸಲಾಗಿದೆ.
ಅಡಿಲೇಡ್ ಎಟಿಪಿ ಟೂರ್ನಿಯ ಫೈನಲ್‌ ಪ್ರವೇಶಿಸಿದ ಬೋಪಣ್ಣ ಜೋಡಿ!
ಕೋವಿಡ್ ಲಸಿಕೆಯನ್ನು ಹಾಕಿಸಿಕೊಂಡಿರುವ ಪುರಾವೆಗಳನ್ನು ನೀಡದ ಹಿನ್ನೆಲೆಯಲ್ಲಿ ಜೊಕೊವಿಕ್ ಆಸ್ಟ್ರೇಲಿಯಾ ಸರ್ಕಾರದ ಗಡಿಪಾರು ನಿರ್ಧಾರಕ್ಕೆ ಒಳಗಾಗಿದ್ದಾರೆ. ಜೊಕೊವಿಕ್ ಅವರ ಈ ನಡೆಯೂ ಕೋವಿಡ್ ವಿರುದ್ಧ ಹೋರಾಟ ನಡೆಸುತ್ತಿರುವವರೆಗೆ ಕೆಟ್ಟ ಸಂದೇಶ ನೀಡಿದಂತಾಗುತ್ತದೆ ಎಂದು ಕೋರ್ಟ್ ಸಮರ್ಥಿಸಿಕೊಂಡಿತ್ತು.
Read more
[wpas_products keywords=”deal of the day sale today offer all”]