ಹೈಲೈಟ್ಸ್‌:
- ಟೆಕ್ ಉದ್ಯೋಗದಲ್ಲಿ ಪುರುಷರಿಗಿಂತ ಮಹಿಳೆಯರೇ ಹೆಚ್ಚು ಸಮರ್ಥರು
- ಟೆಕ್ ಡೆವಲಪ್‌ಮೆಂಟ್‌ ಉದ್ಯೋಗದ ಟೆಸ್ಟ್‌ನಲ್ಲಿ ಮಹಿಳೆಯರಿಗೆ ಹೆಚ್ಚು ಅಂಕ
- ಬ್ರಿಡ್ಜ್‌ಲ್ಯಾಬ್ಜ್‌ ಟೆಕ್ ಎಂಪ್ಲಾಯೆಬಿಲಿಟಿ ಕ್ವೊಟೆಂಟ್‌ ನಡೆಸಿದ ಅಧ್ಯಯನ
- ಅಧ್ಯಯನದಲ್ಲಿ 40 ಸಾವಿರ ಎಂಜಿನಿಯರಿಂಗ್‌ ಪದವೀಧರರು ಅಭಿಪ್ರಾಯ ಸಂಗ್ರಹ
ಟೆಕ್ ಉದ್ಯಮದಲ್ಲಿ ಡೆವಲಪ್‌ಮೆಂಟ್‌ ಉದ್ಯೋಗಕ್ಕೆ ಯಾರು ಹೆಚ್ಚು ಸಮರ್ಥರು ಎಂದು ‘ಬ್ರಿಡ್ಜ್‌ಲ್ಯಾಬ್ಜ್‌ ಟೆಕ್ ಎಂಪ್ಲಾಯೆಬಿಲಿಟಿ ಕ್ವೊಟೆಂಟ್‌ (ಬಿಟಿಇಕ್ಯು) ಟೆಸ್ಟ್‌’ ನಡೆಸಲಾಗಿದ್ದು, ಅದರಲ್ಲಿ ಮಹಿಳೆಯರು ಸರಾಸರಿ ಶೇ.42 ಮತ್ತು ಪುರುಷರು ಸರಾಸರಿ ಶೇ.39 ಅಂಕ ಪಡೆದಿದ್ದಾರೆ. ಆದರೆ, ಕರಿಯರ್‌ ಬ್ರೇಕ್‌, ಉದ್ಯೋಗ ಕಡಿತ, ಹೊಸ ಉದ್ಯೋಗ ಪಡೆಯುವ ಸವಾಲುಗಳು ಮಹಿಳಾ ಉದ್ಯೋಗಿಗಳನ್ನು ಹೆಚ್ಚು ಬಾಧಿಸುತ್ತಿದೆ ಎಂದೂ ಬಿಟಿಇಕ್ಯು ಅಧ್ಯಯನ ಕಂಡುಕೊಂಡಿದೆ.
‘ಟೆಕ್ ಉದ್ಯಮದಲ್ಲಿ ಈಗ ಉದ್ಯೋಗಾವಕಾಶ ಹೆಚ್ಚುತ್ತಿದೆ. ಆದರೂ, ಕಂಪನಿಗಳಿಗೆ ಉದ್ಯೋಗಿಗಳನ್ನು ಉಳಿಸಿಕೊಳ್ಳುವುದು ಕಷ್ಟವಾಗುತ್ತಿದೆ. ಮಹಿಳಾ ಉದ್ಯೋಗಿಗಳ ಪ್ರತಿಭೆಯ ಸರಿಯಾದ ಬಳಕೆಯೂ ಆಗುತ್ತಿಲ್ಲ. ಬಹುತೇಕ ಸಮಯದಲ್ಲಿ ಮಹಿಳಾ ಉದ್ಯೋಗಿಗಳ ಕರಿಯರ್‌ ಬ್ರೇಕ್‌ ಅಥವಾ ಉದ್ಯೋಗಗಳ ನಡುವಿನ ಅಂತರ ಹೆಚ್ಚುತ್ತಿದೆ. ನಮ್ಮ ಟೆಸ್ಟ್‌ನಲ್ಲಿ ಡೆವಲಪ್‌ಮೆಂಟ್‌ ಉದ್ಯೋಗದಲ್ಲಿ ಪುರುಷರಿಗಿಂತ ಮಹಿಳಾ ಉದ್ಯೋಗಿಗಳು ಹೆಚ್ಚು ಅಂಕ ಪಡೆದಿದ್ದಾರೆ’ ಎಂದು ಬ್ರಿಡ್ಜ್‌ಲ್ಯಾಬ್ಜ್‌ನ ಸ್ಥಾಪಕ ನಾರಾಯಣ ಮಹದೇವನ್‌ ಹೇಳಿದ್ದಾರೆ.
ಆರ್ಥಿಕತೆಯಲ್ಲಿ ನಾವೀನ್ಯತೆ ಉತ್ತೇಜಿಸಲು ಫಿನ್‌ಟೆಕ್ ಇಲಾಖೆ ರಚನೆಗೆ ಆರ್‌ಬಿಐ ನಿರ್ಧಾರ!
ಬ್ರಿಡ್ಜ್‌ಲ್ಯಾಬ್ಜ್‌ ಟೆಕ್ ಎಂಪ್ಲಾಯೆಬಿಲಿಟಿ ಕ್ವೊಟೆಂಟ್‌ (BTEQ) ಟೆಸ್ಟ್‌ನಲ್ಲಿ ಸುಮಾರು 40 ಸಾವಿರ ಎಂಜಿನಿಯರಿಂಗ್‌ ಪದವೀಧರರರು ಪಾಲ್ಗೊಂಡಿದ್ದು, ಇದರ ಆಧಾರದಲ್ಲಿ ಟೆಕ್ ಎಂಪ್ಲಾಯೆಬಿಲಿಟಿ 2021-22 ವರದಿಯನ್ನು ಬ್ರಿಡ್ಜ್‌ಲ್ಯಾಬ್ಜ್‌ ಸಿದ್ಧಪಡಿಸಿದೆ. ‘ಬಹುತೇಕವಾಗಿ ಉತ್ತಮ ವಿದ್ಯಾರ್ಹತೆ ಇರುವ ಮತ್ತು ಅನುಭವಿ ಮಹಿಳಾ ಉದ್ಯೋಗಿಗಳು ತಮ್ಮ ಕರಿಯರ್‌ ಬ್ರೇಕ್‌ನಿಂದಾಗಿ ಮಿಡ್‌-ಮ್ಯಾನೇಜ್‌ಮೆಂಟ್‌ ಹಂತದವರೆಗೆ ಮಾತ್ರ ಹೋಗಲು ಸಾಧ್ಯವಾಗುತ್ತದೆ’ ಎಂದು ವರದಿ ಹೇಳಿದೆ.
ಮದುವೆ, ಮಗುವಿಗೆ ಜನನ ನೀಡುವುದು, ಹಿರಿಯ ತಂದೆ-ತಾಯಿ/ ಅತ್ತೆ ಮಾವರನ್ನು ನೋಡಿಕೊಳ್ಳುವುದು ಸೇರಿದಂತೆ ಹಲವು ಕಾರಣಗಳಿಂದ ಮಹಿಳೆಯರ ಕರಿಯರ್‌ ಬ್ರೇಕ್‌ ಆಗುತ್ತದೆ. ಒಂದು ಕರಿಯರ್‌ ಬ್ರೇಕ್‌ ನಂತರ ವಾಪಸ್ಸಾದ ಮಹಿಳೆಯರಿಗೆ ಟೆಕ್ ಉದ್ಯೋಗಗಳಲ್ಲಿ ಹಲವು ಸವಾಲುಗಳು ಎದುರಾಗುತ್ತವೆ. ‘ತಂತ್ರಜ್ಞಾನಗಳು ದಿನದಿಂದ ದಿನಕ್ಕೆ ಬದಲಾಗುತ್ತಿದ್ದು, ಕರಿಯರ್‌ ಬ್ರೇಕ್‌ ಬಳಿಕ ವಾಪಸ್ಸಾದ ಮಹಿಳೆಯರ ಡಿಜಿಟಲ್‌ ಸ್ಕಿಲ್‌ ಅಪ್‌ಡೇಟ್‌ ಆಗಿರುವುದಿಲ್ಲ. ಇದು ಮಹಿಳಾ ಉದ್ಯೋಗಿಗಳ ಕರಿಯರ್‌ಗೆ ಸವಾಲಾಗುತ್ತಿದೆ’ ಎಂದು ವರದಿ ಹೇಳಿದೆ.
ವಿಪ್ರೋ ಸಂಸ್ಥೆ ವಿರುದ್ಧ ಸುಳ್ಳು ಮೊಕದ್ದಮೆ; ವಕೀಲರಿಬ್ಬರಿಗೆ 2 ತಿಂಗಳು ಶಿಕ್ಷೆ ವಿಧಿಸಿದ ಹೈಕೋರ್ಟ್
ಕಂಪನಿಗಳು ಈ ರೀತಿ ವಾಪಸ್ಸಾದ ಮಹಿಳೆಯರನ್ನು ಅಗತ್ಯ ಉದ್ಯೋಗಿಗಳೆಂದು ಪರಿಗಣಿಸಬೇಕಿದೆ. ಬಹುತೇಕ ಸಂದರ್ಭದಲ್ಲಿ ಇಂತಹ ಉದ್ಯೋಗಿಗಳನ್ನು ಮೀಸಲು ಕಾರ್ಯಪಡೆಯಾಗಿ ಪರಿಗಣಿಸಲಾಗುತ್ತದೆ ಎಂದು ವರದಿ ತಿಳಿಸಿದೆ. ‘ತಂತ್ರಜ್ಞಾನ ಉದ್ಯಮವು ಇತರೆ ವಲಯಗಳಂತೆ ಪುರುಷ ಪ್ರಾಬಲ್ಯ ಹೊಂದಿದ್ದು, ಕೋವಿಡ್‌-19ನಂತಹ ಬಿಕ್ಕಟ್ಟಿನ ಸಮಯದಲ್ಲಿ ಉದ್ಯೋಗ ಕಡಿತವು ಮಹಿಳೆಯರ ಮೇಲೆ ಪರಿಣಾಮ ಬೀರುತ್ತಿದೆ. ಇಂತಹ ಸಂಕಷ್ಟದ ಸಮಯದಲ್ಲಿ ಹೊಸ ಉದ್ಯೋಗ ದೊರಕುವುದು ಇವರಿಗೆ ಕಷ್ಟವಾಗುತ್ತಿದೆ’ ಎಂದು ಬ್ರಿಡ್ಜ್‌ಲ್ಯಾಬ್ಜ್‌ ಸಮೀಕ್ಷೆ ತಿಳಿಸಿದೆ.
ಸ್ಕಿಲ್‌ ಅಪ್‌ಗ್ರೇಡ್‌ ಮಾಡುತ್ತಿರಿ
ಮಹಿಳಾ ಉದ್ಯೋಗಿಗಳು ವಿವಿಧ ಕಾರಣಗಳಿಂದ ಉದ್ಯೋಗ ಬಿಟ್ಟು, ಒಂದಿಷ್ಟು ಗ್ಯಾಪ್‌ ಬಳಿಕ ಹೊಸ ಉದ್ಯೋಗ ಪಡೆಯಲು ಬಯಸುತ್ತಾರೆ. ಆದರೆ, ತಂತ್ರಜ್ಞಾನ ಜಗತ್ತಿನಲ್ಲಿಪ್ರತಿದಿನ ಅಪ್‌ಡೇಟ್‌ ಆಗುತ್ತಿರುವುದರಿಂದ ಬಹುತೇಕರು ನೂತನ ಕೌಶಲಗಳಿಗೆ ಅಪ್‌ಡೇಟ್‌ ಆಗಿರುವುದಿಲ್ಲ. ‘ಮದುವೆ, ಮಕ್ಕಳು ಇತ್ಯಾದಿ ಕಾರಣಗಳಿಂದ ಉದ್ಯೋಗ ಬಿಟ್ಟರೂ ಮನೆಯಲ್ಲಿದ್ದುಕೊಂಡು ಭವಿಷ್ಯದ ಡಿಜಿಟಲ್‌ ಕೌಶಲಗಳನ್ನು ಕಲಿಯುತ್ತಿರುವುದು ಅವಶ್ಯಕ. ಉದ್ಯೋಗ ಕ್ಷೇತ್ರದಲ್ಲಿ ಆಗುತ್ತಿರುವ ಬದಲಾವಣೆಗೆ ತಕ್ಕಂತೆ ಅಪ್‌ಡೇಟ್‌ ಆಗಿದ್ದರೆ ಮರಳಿ ಉದ್ಯೋಗಕ್ಕೆ ಸೇರುವುದು ಸುಲಭವಾಗಬಹುದು’ ಎಂದು ಉದ್ಯೋಗ ತಜ್ಞರು ಸಲಹೆ ನೀಡಿದ್ದಾರೆ.
Read more…
[wpas_products keywords=”deal of the day”]