ಹೈಲೈಟ್ಸ್‌:
- ನಟಿ ಭಾಮಾ ಬಗ್ಗೆ ಹಬ್ಬಿತ್ತು ಸುಳ್ಳು ಸುದ್ದಿ
- ವದಂತಿಗಳಿಗೆ ಸ್ಪಷ್ಟನೆ ನೀಡಿದ ನಟಿ ಭಾಮಾ
- ನಾನು ಆರೋಗ್ಯವಾಗಿದ್ದೇನೆ ಎಂದ ‘ರಾಗಾ’ ನಾಯಕಿ ಭಾಮಾ
ನಟಿ ಭಾಮಾ ಅವರ ಸೋಷಿಯಲ್ ಮೀಡಿಯಾ ಪೋಸ್ಟ್
‘’ಇತ್ತೀಚೆಗಷ್ಟೇ ನನ್ನ ಹೆಸರಿನಲ್ಲಿ ಸಾಮಾಜಿಕ ಜಾಲತಾಣಗಳಲ್ಲಿ ಕೆಲವು ವದಂತಿಗಳು ಹರಿದಾಡುತ್ತಿವೆ. ನಾನು ಮತ್ತು ನನ್ನ ಕುಟುಂಬ ಉತ್ತಮ ಆರೋಗ್ಯದಲ್ಲಿದ್ದೇವೆ ಎಂದು ನನ್ನ ಮತ್ತು ನನ್ನ ಕುಟುಂಬದ ಬಗ್ಗೆ ಕಾಳಜಿ ಹೊಂದಿರುವವರಿಗೆ ಈ ಮೂಲಕ ತಿಳಿಸುತ್ತಿದ್ದೇನೆ. ನಿಮ್ಮೆಲ್ಲರ ಪ್ರೀತಿಗೆ ಧನ್ಯವಾದಗಳು’’ ಎಂದು ನಟಿ ಭಾಮಾ ಸೋಷಿಯಲ್ ಮೀಡಿಯಾದಲ್ಲಿ ಬರೆದುಕೊಂಡಿದ್ದಾರೆ. ಆ ಮೂಲಕ ಎಲ್ಲಾ ರೂಮರ್ಸ್‌ಗೆ ನಟಿ ಭಾಮಾ ಬ್ರೇಕ್ ಹಾಕಿದ್ದಾರೆ.
ಮೊದಲ ಬಾರಿಗೆ ಮಗಳ ಫೋಟೋ ರಿವೀಲ್ ಮಾಡಿದ ‘ಶೈಲೂ’ ಸಿನಿಮಾ ನಟಿ ಭಾಮಾ; ಏನು ವಿಶೇಷ?
ನಟಿ ಭಾಮಾ ಬಗ್ಗೆ ಕೇಳಿಬಂದ ರೂಮರ್ಸ್ ಏನು?
‘’ಮಲಯಾಳಂನ ಖ್ಯಾತ ನಟಿಯೊಬ್ಬರು ಆತ್ಮಹತ್ಯೆಗೆ ಯತ್ನಿಸಿದ್ದಾರೆ.. ನಿದ್ರೆ ಮಾತ್ರೆಗಳನ್ನು ಸೇವಿಸಿದ್ದ ಜನಪ್ರಿಯ ನಟಿಯೊಬ್ಬರನ್ನು ಖಾಸಗಿ ಆಸ್ಪತ್ರೆಗೆ ದಾಖಲು ಮಾಡಲಾಗಿದೆ’’ ಎಂಬ ವದಂತಿಗಳು ಸೋಷಿಯಲ್ ಮೀಡಿಯಾದಲ್ಲಿ ಕೇಳಿಬಂದಿತ್ತು. ಇದಾದ ಬಳಿಕ ಆ ನಟಿ ಬೇರಾರೂ ಅಲ್ಲ.. ನಟಿ ಭಾಮಾ ಅವರೇ ಎಂಬ ಮಾತುಗಳು ಕೂಡ ಕೇಳಿಬಂದಿದ್ದವು.
ರಾಗ ನನ್ನ ಲೈಫ್‌ ಟೈಮ್‌ ರೋಲ್‌ ಎಂದ ಭಾಮಾ
ಈ ಗಾಸಿಪ್ ನಟಿ ಭಾಮಾ ಅವರ ಕಿವಿಗೂ ಬಿದ್ದಿದ್ದು, ವದಂತಿಗೆ ಶುಭಂ ಹಾಡಲು ಸೋಷಿಯಲ್ ಮೀಡಿಯಾದ ಮೂಲಕ ಸ್ಪಷ್ಟನೆ ನೀಡಿದ್ದಾರೆ. ಆ ಮೂಲಕ ಗಾಸಿಪ್ ಹಬ್ಬಿಸಿದವರ ಬಾಯಿಗೆ ನಟಿ ಭಾಮಾ ಬೀಗ ಜಡಿದಿದ್ದಾರೆ.
ಹೆಣ್ಣು ಮಗುವಿಗೆ ತಾಯಿಯಾದ ‘ಶೈಲೂ’ ನಟಿ ಭಾಮಾ
ನಟಿ ಭಾಮಾ
ಮೇ 23, 1988 ರಂದು ಜನಿಸಿದವರು ನಟಿ ಭಾಮಾ. ಇವರ ನಿಜನಾಮ ರೇಖಿತಾ. 2007ರಲ್ಲಿ ‘ನಿವೇದ್ಯಂತ’ ಚಿತ್ರದ ಮೂಲಕ ಮಲಯಾಳಂ ಚಿತ್ರರಂಗಕ್ಕೆ ನಟಿ ಭಾಮಾ ಕಾಲಿಟ್ಟರು. ಬಳಿಕ ‘ಸೈಕಲ್’, ‘ಒನ್ ವೇ ಟಿಕೆಟ್’, ‘ಕಲರ್ಸ್’, ‘ಒರು ಬ್ಲಾಕ್ ಅಂಡ್ ವೈಟ್ ಕುಡುಂಬಂ’, ‘ನೀಲಾಂಬರಿ’, ‘ಕಾಲೇಜ್ ಡೇಸ್’, ‘ಹಸ್ಬೆಂಡ್ಸ್ ಇನ್ ಗೋವಾ’, ‘ಡಿ ಕಂಪನಿ’, ‘ರಾಮಾನುಜನ್’ ಮುಂತಾದ ಸಿನಿಮಾಗಳಲ್ಲಿ ನಟಿ ಭಾಮಾ ಅಭಿನಯಿಸಿದ್ದಾರೆ.
ರಾಕಿಂಗ್ ಸ್ಟಾರ್ ಯಶ್ ನಟನೆಯ ‘ಮೊದಲಾಸಲ’ ಚಿತ್ರದ ಮೂಲಕ ಕನ್ನಡ ಚಿತ್ರರಂಗಕ್ಕೆ ನಟಿ ಭಾಮಾ ಕಾಲಿಟ್ಟರು. ಗೋಲ್ಡನ್ ಸ್ಟಾರ್ ಗಣೇಶ್ ಅಭಿನಯದ ‘ಶೈಲೂ’, ‘ಆಟೋ ರಾಜಾ’, ‘ಒಂದು ಕ್ಷಣದಲ್ಲಿ’, ‘ಬರ್ಫಿ’, ‘ಅಂಬರ’, ‘ಅರ್ಜುನ’, ‘ರಾಗಾ’ ಸಿನಿಮಾಗಳಲ್ಲಿ ನಟಿ ಭಾಮಾ ಮಿಂಚಿದ್ದಾರೆ.
2020ರಲ್ಲಿ ಉದ್ಯಮಿ ಅರುಣ್ ಜಗದೀಶ್ ಅವರನ್ನು ನಟಿ ಭಾಮಾ ವಿವಾಹವಾದರು. ಈ ದಂಪತಿಗೆ ಹೆಣ್ಣು ಮಗುವಿದೆ. ಮದುವೆಯಾದ ನಂತರ ಬಣ್ಣದ ಬದುಕಿನಿಂದ ನಟಿ ಭಾಮಾ ಕೊಂಚ ದೂರ ಉಳಿದಿದ್ದಾರೆ.
Read more
[wpas_products keywords=”deal of the day party wear dress for women stylish indian”]