ಅಕ್ಟೋಬರ್ ತಿಂಗಳ ಕೊನೆಯ ದಿನವಾದ ಮೂವತ್ತೊಂದನೆಯ ತಾರೀಖು ‘ಹ್ಯಾಲೋವೀನ್’ ಎಂದು ಆಚರಿಸಲಾಗುತ್ತದೆ. Halloween ಎಂಬುದು ಪೂರ್ವಜರ ದಿನವಲ್ಲ. ಕೆಲವರು ನಮ್ಮಲ್ಲಿ ಮಹಾಲಯ ಇದ್ದಂತೆ ಅಮೇರಿಕಾದಲ್ಲಿ ಹ್ಯಾಲೋವೀನ್ ಎನ್ನುತ್ತಾರೆ. ಇದು ಸರಿಯಲ್ಲ. ಮೊದಲಿಗೆ ಈ ಆಚರಣೆ ಅಮೇರಿಕಾದಲ್ಲಿ ಹುಟ್ಟಿಕೊಂಡಿದ್ದಲ್ಲ ಬದಲಿಗೆ ಯುರೋಪ್‌ನಲ್ಲಿ. ಅಲ್ಲಿಂದ ಈ ಕಡೆ ಬಂದವರು ಹಬ್ಬವನ್ನೂ ತಂದರು. ಆಗಲೇ ಹೇಳಿದ ‘ವ್ಯಾಲೆಂಟೈನ್ಸ್ ಡೇ ‘ ಭಾರತದಲ್ಲಿ ಆಚರಿಸಲು ಆರಂಭವಾಗಿದ್ದೂ ಇದೇ ರೀತಿಯೇ. ಒಂದು ಸರಿ ಎಂದರೆ ಮತ್ತೊಂದೂ ಸರಿಯೇ. ಅದು ತಪ್ಪು ಎಂದರೆ ಇದೂ ತಪ್ಪು. ಒಟ್ಟಾರೆ ಹೇಳಿದರೆ, ಹಕ್ಕಿಗಳು, ಕ್ರಿಮಿ ಕೀಟಗಳ ಜಾತಿಯಲ್ಲಿನ ಪದ್ಧತಿಯಂತೆಯೇ ಮನುಜನ ಆಟವೂ.
ಒಂದು ಹಬ್ಬವು ಅಲ್ಲಿನ ಹವಾಮಾನ, ಸಂಪ್ರದಾಯ, ನಂಬಿಕೆ, ಬೆಳೆ ಇತ್ಯಾದಿಗಳ ಆಧಾರದ ಮೇಲೆ ಹುಟ್ಟುಕೊಂಡಿರುತ್ತದೆ. ಹೀಗಾಗಿ ಒಂದೆಡೆಯಿಂದ ಮತ್ತೊಂದೆಡೆ ಒಯ್ದ ಹಬ್ಬವು ಆ ಮತ್ತೊಂದು ಪ್ರಾಂತ್ಯದಲ್ಲಿ ಸರಿ ತೂಗುವುದೋ ಇಲ್ಲವೋ ಹೇಳಲಾಗದು. ಸರಿ ಎನಿಸಿದರೂ, ಅದಕ್ಕೊಂದು ಮೌಲ್ಯವಿದ್ದು, ಹುಚ್ಚುತನ ಮತ್ತು ಅತಿರೇಕಗಳಿಗೆ ಹೋಗದೇ ಸಲ್ಲುವ ಚೌಲತ್ತಿನಲ್ಲಿದ್ದರೆ ಯಾವುದೇ ಹಬ್ಬವೂ ಅನುಕರಣೀಯ.
Halloween ಎಂಬುದು ಸತ್ತವರು ಪ್ರೇತಾತ್ಮವಾಗಿ ಎದ್ದು ಬಂದು ಮಂದಿಗೆ ಕಿರುಕುಳ ಕೊಡುವರೆಂದೂ, ಬೆಳೆಯನ್ನು ಹಾಳು ಮಾಡುತ್ತಾರೆ ಎಂದು ನಂಬಿಕೆ ಇದೆ. ಹಾಗೆ ಎದ್ದು ಬಂದ ಪ್ರೇತಾತ್ಮಗಳು ತಮ್ಮನ್ನು ಗುರುತು ಹಿಡಿಯದೇ ಇರಲಿ ಎಂದೇ ಅಂದಿನ ರಾತ್ರಿ ಭಯ ಹುಟ್ಟಿಸುವ ವೇಷ ಧರಿಸುತ್ತಾರೆ. ಜೊತೆಗೆ ದೆವ್ವಗಳಂತೆಯೇ ವೇಷ ಧರಿಸಿಕೊಂಡು ತಾವೂ ಪ್ರೇತಾತ್ಮಗಳೇ ಎಂಬಂತೆ ಬಿಂಬಿಸಿಕೊಳ್ಳುತ್ತಾರೆ. ಮಕ್ಕಳು ವಿವಿಧ ರೀತಿಯಲ್ಲಿ ಅಲಂಕರಿಸಿಕೊಂಡು ಆ ಸಂಜೆ ಮನೆ ಮನೆಗೂ ಹೋಗಿ ಚಾಕಲೇಟ್ ಪಡೆದುಕೊಂಡು ಬರುತ್ತಾರೆ. ಯಾವ ಮನೆಯ ಮುಂದೆ ದೀಪಗಳನ್ನು ಹಾಕಿ, ಹ್ಯಾಲೋವೀನ್ ಥೀಮ್ ನಂತೆ ಅಲಂಕಾರ ಮಾಡಿದ್ದರೆ ಮಾತ್ರ ಮಕ್ಕಳು ಅವರ ಮನೆಯ ಬಾಗಿಲು ಬಡಿದು ಚಾಕಲೇಟ್ ಪಡೆದುಕೊಳ್ಳೋದು. ಇಲ್ಲವಾದರೆ ಅವರ ಮನೆಗೇ ಬರುವುದಿಲ್ಲ. ಹ್ಯಾಲೋವೀನ್ ಥೀಮ್‌ನಂತೆ ಅಲಂಕಾರ ಮಾಡಿಯೂ ಚಾಕಲೇಟ್ ನೀಡಲಿಲ್ಲ ಎಂದರೆ ಆ ಮನೆಯವರ ಮೇಲೆ ಮಕ್ಕಳು ಟ್ರಿಕ್ ಮಾಡಿ ಸತಾಯಿಸುತ್ತಾರೆ. ‘ಟ್ರಿಕ್ ಆರ್ ಟ್ರೀಟ್’ ಎಂಬುದರ ಹಿಂದಿನ ಅರ್ಥವಿದು. ಮಕ್ಕಳು ಹೀಗೆ ಸತಾಯಿಸುವುದನ್ನು ನಾನು ಕಂಡಿಲ್ಲ.
ಶೂಟೌಟ್‌ನಿಂದ ಹಿಡಿದು ಆರ್ಥಿಕ ಕುಸಿತದವರೆಗೆ.. ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 35
ನನ್ನ ಮಗ ರಾಯನೂ ಹುಲಿ ವೇಷ, spiderman, starwarsನ ಡಾರ್ತ್ ವೇಡರ್ ವೇಷ, ಹೀಗೆ ಹಲವಾರು ಕಾಸ್ಟ್ಯೂಮ್ ಧರಿಸಿ ಆರಂಭದಲ್ಲಿ ನನ್ನಾಕೆಯೊಂದಿಗೆ, ಆ ನಂತರ ಸ್ನೇಹಿತರೊಂದಿಗೆ ಮನೆ ಮನೆಗೂ ಹೋಗಿ ಚಾಕಲೇಟ್ ಹೊತ್ತುಕೊಂಡು ಬಂದಿದ್ದಿದೆ.
Halloween ದಿನದ ನಂತರ ಬರುವುದೇ ನಮ್ಮ ಕನ್ನಡ ರಾಜ್ಯೋತ್ಸವದ ದಿನ. ನವೆಂಬರ್ ಒಂದನೆಯ ತಾರೀಖು ಅಮೇರಿಕಾದಲ್ಲಿ All Saints Day ಎಂದು ಆಚರಿಸಲಾಗುತ್ತದೆ. ನಾ ಕಂಡಂತೆ ಇದನ್ನು ಮನೆ ಮನೆಯಲ್ಲಿ ಆಚರಿಸದೇ ಹೋದರೂ ಚರ್ಚ್‌ಗಳಲ್ಲಿ Service ರೂಪದಲ್ಲಿ ‘ಸಂತರ ದಿನ’ವನ್ನು ನಡೆಸಲಾಗುತ್ತದೆ. ಕಾಕತಾಳೀಯವಾಗಿ ಎರಡೂ ಶುಭ ದಿನಗಳೇ ಸರಿ.
ಉದ್ಯೋಗ ಕಳೆದುಕೊಂಡರೂ ಆತ್ಮವಿಶ್ವಾಸ ಕಳೆದುಕೊಳ್ಳಬಾರದು..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 36
ನವೆಂಬರ್ ಮತ್ತು ಡಿಸೆಂಬರ್ ತಿಂಗಳ ವಿಶೇಷತೆ ಏನಪ್ಪಾ ಎಂದರೆ ದಾನ ಧರ್ಮ. ನವೆಂಬರ್ ತಿಂಗಳ ಈ ವಿಶೇಷತೆಯಲ್ಲೊಂದು ತಿಂಗಳಿಡೀ ನಡೆಯುತ್ತದೆ. ಗಂಡಸರಲ್ಲಿ ಕಾಣಿಸಿಕೊಳ್ಳುವ ಹಲವು ರೀತಿ ಕ್ಯಾನ್ಸರ್‌ಗಳ ಬಗ್ಗೆ, ಮಾನಸಿಕ ಅಸ್ವಸ್ಥತೆಯ ಬಗ್ಗೆ ಮತ್ತು ಆತ್ಮಹತ್ಯೆಯ ಬಗ್ಗೆ ಅರಿವು ಮೂಡಿಸುವ ಸಲುವಾಗಿ ಹುಟ್ಟಿಕೊಂಡ ಒಂದು ಫೌಂಡೇಶನ್ “Movember Foundation”. ಏನಿದು ಮೊವೆಂಬೆರ್?
ನವೆಂಬರ್ ತಿಂಗಳಲ್ಲಿ moustache ಅಥವಾ ಮೀಸೆ ಬೆಳೆಸುವ ಅಭಿಯಾನವೇ Movember. ಇದರ ಆಚರಣೆ ಹೇಗೆ? ನವೆಂಬರ್ ಆರಂಭದಲ್ಲಿ ಕ್ಲೀನ್ ಆಗಿ ಶೇವ್ ಮಾಡಿಕೊಂಡ ಮೇಲೆ ಆ ತಿಂಗಳು ಪೂರಾ ಶೇವ್ ಮಾಡದೆ ಇರೋದು. ಪುರುಚಲು ಗಡ್ಡ, ನೀಲ ಗಡ್ಡ, ಜಟೆಯ ಗಡ್ಡ, ತೆಳ್ಳಗಿನ ಮೀಸೆ, ದಪ್ಪನೆಯ ಮೀಸೆ ಒಟ್ಟಾರೆ ಏನೋ ಒಂದು. ಬೋಳಿಸಿ-ಬೆಳೆಸಿ-ಬೋಳಿಸಿ ಒಟ್ಟುಗೂಡಿಸಿ ಕ್ಯಾನ್ಸರ್ ಅಥವಾ ಮತ್ಯಾವುದಾದರೂ ಫೌಂಡೇಶನ್‌ಗೆ ದಾನ ಕೊಡುವುದು ಒಂದು ಹವ್ಯಾಸ. ಈ ಹಣವನ್ನು ರಿಸರ್ಚ್‌ಗಳಿಗೆ, ಬಡವರ ಕ್ಯಾನ್ಸರ್ ಚಿಕಿತ್ಸೆಗೆ ಮತ್ತಿತರ ಉಪಯುಕ್ತ ಬೇಕುಗಳಿಗೆ ಬಳಸಿಕೊಳ್ಳಲಾಗುತ್ತದೆ.
‘ಮುಂಗಾರು ಮಳೆ’ ಮನ ತಣಿಸಿದ ಸನ್ನಿವೇಶ: ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 37
ನವೆಂಬರ್ ತಿಂಗಳ ಪ್ರಮುಖ ಆಚರಣೆ ಎಂದರೆ ಥ್ಯಾಂಕ್ಸ್ ಗಿವಿಂಗ್ (Thanksgiving). ಪ್ರಮುಖವಾಗಿ ಈ ಹಬ್ಬದ ಆಚರಣೆಯ ಉದ್ದೇಶವೇ ಹಿಂದಿನ ವರ್ಷದಲ್ಲಿ ಉತ್ತಮ ಬೆಳೆಯನ್ನು ನೀಡಿದ ದೈವಕ್ಕೆ ವಂದಿಸುವ ಅಥವಾ ಧನ್ಯವಾದಗಳನ್ನು ಅರ್ಪಿಸುವ ದಿನ. ಈ ಆಚರಣೆಯಂದು ಸಂಸಾರಗಳು ಒಗ್ಗೂಡಿ ಸಂಜೆ ಅದ್ಭುತವಾದ ಹಬ್ಬದಡಿಗೆಯನ್ನು ಊಟ ಮಾಡುತ್ತಾರೆ.
ಟರ್ಕಿಯನ್ನು ತಿನ್ನುತ್ತಾರೋ, ವೈನ್ ಕುಡಿಯುತ್ತಾರೋ ಅದನ್ನು ಬದಿಗೆ ಹಾಕಿ. ಆದರೆ ಅಪ್ಪ – ಅಮ್ಮ ಒಂದೆಡೆಯಿದ್ದು, ಮಕ್ಕಳು ಮದುವೆಯಾಗಿಯೋ ಅಥವಾ ಕೆಲಸದ ಮೇಲೋ ದೂರವಿರುವ ಸಂದರ್ಭಗಳಲ್ಲಿ, ಮಕ್ಕಳೆಲ್ಲರೂ ಅಪ್ಪ – ಅಮ್ಮನೊಂದಿಗೆ ಜೊತೆಗೂಡಿ ಆಚರಿಸುವ ಈ ಹಬ್ಬ ವಿಶೇಷವೇ ತಾನೇ? ಹಬ್ಬ ಎಂದರೆ ಬಂಧು-ಬಳಗದವರೊಡನೆ ಆಚರಿಸುವುದು ತಾನೇ? ಈ ಥ್ಯಾಂಕ್ಸ್ ಗಿವಿಂಗ್ ಎಂಬುದು ಅಪ್ಪ – ಅಮ್ಮ – ಅಕ್ಕ – ತಂಗಿ – ಅಣ್ಣ – ತಮ್ಮರೊಡನೆ ಆಚರಿಸುವ ಸಂಭ್ರಮ. ಇಲ್ಲಿನ ಮತ್ತೊಂದು ವಿಷಯ ಏನಪ್ಪಾ ಎಂದರೆ, ಈ ಆಚರಣೆ ಕೇವಲ ಅಮೆರಿಕಕ್ಕೆ ಸೀಮಿತವಾಗದೇ, ಆಸ್ಟ್ರೇಲಿಯಾ, ಬ್ರೆಜಿಲ್, ಕೆನಡಾ ಮತ್ತಿತರ ದೇಶಗಳಲ್ಲೂ ಆಚರಣೆ ಮಾಡುತ್ತಾರೆ.
‘ಸಂಪದ’ ಬರಹ ಯಾನದ ಜೊತೆ ‘ಕಲಿ ನಲಿ’..! ಶ್ರೀನಾಥ್ ಭಲ್ಲೆ ಅಮೆರಿಕ ಅನುಭವ ಕಥನ – ಭಾಗ 38
ಥ್ಯಾಂಕ್ಸ್ ಗಿವಿಂಗ್ ಎಂಬುದು ಇಂಥಾ ದಿನಾಂಕ ಎಂದು ಆಚರಿಸದೇ, ನವೆಂಬರ್ ತಿಂಗಳ ಕೊನೆಯ ಗುರುವಾರದಂದು ಆಚರಿಸಲಾಗುತ್ತದೆ. ಈ ಹಬ್ಬಕ್ಕೂ ಡಿಸೆಂಬರ್ ತಿಂಗಳ ಕ್ರಿಸ್ಮಸ್ ಹಬ್ಬಕ್ಕೂ ಹೆಚ್ಚು ಕಮ್ಮಿ ಒಂದು ತಿಂಗಳ ಅಂತರ. ಥ್ಯಾಂಕ್ಸ್ ಗಿವಿಂಗ್‌ನ ಮತ್ತೊಂದು ವಿಶೇಷ ಎಂದರೆ ಆ ದಿನದ ನಂತರ ಕ್ರಿಸ್ಮಸ್ ಹಬ್ಬದ ಸ್ವಾಗತಕ್ಕೆಂದು ಮನೆಗಳಲ್ಲಿ ದೀಪಾಲಂಕಾರ ಮಾಡಬಹುದು. Holiday Season ಎಂದು ಮನದಲ್ಲಿ ಮೂಡುವುದು ಈ ಅಲಂಕಾರಗಳಿಂದಲೇ.
ಥ್ಯಾಂಕ್ಸ್ ಗಿವಿಂಗ್ ದಿನದ ನಂತರದ್ದೇ Black Friday. ಅಂದಿನ ದಿನಗಳ ಪದ್ದತಿಯಂತೆ ಬೆಳಗಿನ ಝಾವ ನಾಲ್ಕಕ್ಕೆ ಅಂಗಡಿ ಬಾಗಿಲು ತೆರೆದು ವ್ಯಾಪಾರ ಆರಂಭ. ಆ ಹಗಲು ಹಲವಾರು ವಸ್ತುಗಳು ರಿಯಾಯಿತಿ ದರಕ್ಕೆ ದೊರೆಯುತ್ತದೆ. ಜನರು ಹಿಂದಿನ ದಿನದ ರಾತ್ರಿಯಿಂದಲೇ ತಮ್ಮಿಷ್ಟದ ಅಂಗಡಿಯ ಮುಂದೆ ಸಾಲು ನಿಲ್ಲತೊಡಗುತ್ತಾರೆ. ಮೊದಲಿಗೆ, ಸಾಮಾನ್ಯವಾಗಿ, ಎಲ್ಲ ಪ್ರಾಂತ್ಯಗಳಲ್ಲೂ ನವೆಂಬರ್ ಥಂಡಿ. ಹೀಗಿರುವಾಗಲೂ ಮಂದಿ, ದಪ್ಪನೆಯ ಬಟ್ಟೆಗಳನ್ನು ಧರಿಸಿ ಸಾಲಲ್ಲಿ ನಿಲ್ಲುತ್ತಾರೆ. ಆ ಮರುದಿನದ ಭರಾಟೆ ನೋಡುವುದೇ ಮಜಾ.
ಅಮೆರಿಕದ ಶಿಕ್ಷಣ ಪದ್ದತಿ ಭಾರತಕ್ಕಿಂಥಾ ಎಷ್ಟೊಂದು ಭಿನ್ನ..! ಶ್ರೀನಾಥ್ ಭಲ್ಲೆ ಅನುಭವ ಕಥನ – ಭಾಗ 39
ಕ್ರಿಸ್ಮಸ್ ಹಬ್ಬಕ್ಕೆ, ತಮ್ಮ ಜನಕ್ಕೆ ಉಡುಗೊರೆ ನೀಡುವುದು ಸಂಪ್ರದಾಯ. ಇದಕ್ಕೆಂದೇ ದರ ಕಡಿಮೆಯಿರುವಾಗ ಉಡುಗೊರೆ ತೆಗೆದಿಟ್ಟುಕೊಳ್ಳುವುದು ಒಂದು ಪರಿಪಾಠ. ಎಲ್ಲರೂ ಹೀಗೆಯೇ ಅಲ್ಲ ಅಲ್ಲವೇ? ಕ್ರಿಸ್ಮಸ್ ಹಿಂದಿನ ರಾತ್ರಿಯೂ ಅಂಗಡಿಗಳನ್ನು ತಿರುಗುವ ಮಂದಿಯೂ ಇಲ್ಲದೇನಿಲ್ಲ. ಈ ಪರಿಪಾಠವನ್ನು ಇಂದಿನ ದಿನಗಳು ವ್ಯಾಪಾರ ಮಾಡಿರುವುದು ಅವರವರ ಉಳಿವಿನ ಪ್ರಶ್ನೆ. ನೀವು ನಾಲ್ಕಕ್ಕೆ ಅಂಗಡಿ ಬಾಗಿಲು ತೆರೆದರೆ ನಾವು ಮೂರುಘಂಟೆಗೇ ತೆಗೆಯುತ್ತೇವೆ ಎಂದು ಶುರುವಾದ ಪೈಪೋಟಿಯು, ಇಂದು ಹಬ್ಬದ ಮಧ್ಯಾಹ್ನವೇ ವ್ಯಾಪಾರ ಶುರು ಮಾಡುವ ಹಂತಕ್ಕೆ ಬಂದಿದೆ. ಇದರಿಂದಾಗಿ ಹಬ್ಬದ ಮಹತ್ವದಲ್ಲಿ ಇಳಿಕೆ ಕಂಡು ಬಂದಿದೆ ಎಂಬ ದೂರು ಎಲ್ಲೆಲ್ಲೂ ಕೇಳಿಬರುತ್ತಿದೆ.
ಶ್ಲೋಕಗಳನ್ನು, ಮಂತ್ರಗಳನ್ನು ಚಿಕ್ಕ ವಯಸ್ಸಿನಲ್ಲೇ ಕಲಿಯಬೇಕಂತೆ. ಆಗ ಸಲೀಸಾಗಿ ಬಾಯಿ ಪಾಠವಾಗಿ ಅಚ್ಚಳಿಯದೇ ಉಳಿಯುತ್ತದೆ. ಆದರೆ ಕಲಿತಿದ್ದರ ಅರ್ಥ ಗೊತ್ತಿರುವುದೇ? ಬಹುಶ: ಇಲ್ಲ. ವಯಸ್ಸೇರಿದಂತೆ, ಜ್ಞಾನ ಬೆಳೆದಂತೆ, ಕಲಿತ ವಿದ್ಯೆಯ ಅರ್ಥವೂ ಗೋಚರವಾಗುತ್ತದೆ. ಈ ಮಾತು ಈಗೇಕೆ ಹೇಳಿದೆ ಎಂದರೆ, ಈವರೆಗೂ ನಾನು ಹೇಳಿರುವ ವಿಚಾರಗಳು ನೀವು ಕೇಳಿರುತ್ತೀರಿ ಮತ್ತು ಆಚರಿಸುವುದನ್ನು ಕಂಡಿರುತ್ತೀರಿ. ಈಗ ಅದರ ಹಿಂದಿನ ಅರ್ಥವನ್ನು ಅರಿಯುವ ಸಮಯ. ಜ್ಞಾನ ಬೆಳೆದಷ್ಟೂ ಒಳ್ಳೆಯದೇ, ಯಾವಾಗ ಬಳಕೆಯಾಗುತ್ತದೋ ಯಾರಿಗೆ ಗೊತ್ತು?
ಮುಂದಿನ ಸಂಚಿಕೆಯಲ್ಲಿ ಕ್ರಿಸ್ಮಸ್ ಮತ್ತು ಹೊಸ ವರ್ಷದ ಆಚರಣೆಯ ಬಗ್ಗೆ ಒಂದಷ್ಟು ಮಾತನಾಡೋಣ.
ಅಮೆರಿಕದ ಮಹಾ ಚಳಿಯಲ್ಲಿ ಸ್ನೋ ಸಂಭ್ರಮ..! ಶ್ರೀನಾಥ್ ಭಲ್ಲೆ ಅನುಭವ ಕಥನ – ಭಾಗ 40
Read more
[wpas_products keywords=”deal of the day sale today offer all”]