ಹೈಲೈಟ್ಸ್‌:
- ಭಾರತ ಹಾಗೂ ದಕ್ಷಿಣ ಆಫ್ರಿಕಾ ನಡುವಣ ಮೂರು ಪಂದ್ಯಗಳ ಟೆಸ್ಟ್‌ ಕ್ರಿಕೆಟ್‌ ಸರಣಿ.
- ಕೇಪ್ ಟೌನ್‌ನಲ್ಲಿ ನಡೆಯುತ್ತಿರುವ ಮೂರನೇ ಟೆಸ್ಟ್‌ನಲ್ಲಿ ಸೆಣಸುತ್ತಿರುವ ತಂಡಗಳು.
- ಮೂರನೇ ಟೆಸ್ಟ್‌ ಪ್ರಥಮ ಇನಿಂಗ್ಸ್‌ನಲ್ಲಿ 210 ರನ್‌ಗಳಿಗೆ ದಕ್ಷಿಣ ಆಫ್ರಿಕಾ ಆಲ್‌ಔಟ್‌.
ಪ್ರಥಮ ಇನಿಂಗ್ಸ್‌ನಲ್ಲಿ 13 ರನ್‌ಗಳ ಅಲ್ಪ ಮುನ್ನಡೆ ಪಡೆದ ಭಾರತ ತಂಡ ಎರಡನೇ ದಿನದಾಟದ ಅಂತ್ಯಕ್ಕೆ ಎರಡು ವಿಕೆಟ್‌ ಕಳೆದುಕೊಂಡು 57 ರನ್‌ ಗಳಿಸಿದ್ದು, 71 ರನ್‌ ಮುನ್ನಡೆಯಲ್ಲಿದೆ. ಇಂದು ಬ್ಯಾಟಿಂಗ್‌ ಮುಂದುವರಿಸಲಿರುವ ವಿರಾಟ್ ಕೊಹ್ಲಿ(14*) ಹಾಗೂ ಚೇತೇಶ್ವರ್ ಪೂಜಾರ(9*) ಜೋಡಿಯಿಂದ ದೊಡ್ಡ ಮೊತ್ತದ ಜೊತೆಯಾಟದ ನಿರೀಕ್ಷೆ ಇದೆ.
ಭಾರತ ಕೇಪ್ ಟೌನ್ ಟೆಸ್ಟ್‌ ಗೆಲ್ಲಬೇಕೆಂದರೆ ಎದುರಾಳಿ ದಕ್ಷಿಣ ಆಫ್ರಿಕಾ ತಂಡಕ್ಕೆ 300ಕ್ಕಿಂತ ಹೆಚ್ಚಿನ ಮೊತ್ತದ ಗುರಿ ನೀಡಬೇಕಾದ ಅಗತ್ಯವಿದೆ. ಈ ನಿಟ್ಟಿನಲ್ಲಿ ಟೀಮ್‌ ಇಂಡಿಯಾದಲ್ಲಿ ಯಾವುದಾದರೂ ಒಂದು ಜೋಡಿಯಿಂದ ಮೂರಂಕಿ ಜೊತೆಯಾಟ ಮೂಡಿಬರಬೇಕಾಗಿದೆ.
ಭಾರತ Vs ದಕ್ಷಿಣ ಆಫ್ರಿಕಾ 3ನೇ ಟೆಸ್ಟ್‌ ಸ್ಕೋರ್‌ಕಾರ್ಡ್
ಬುಮ್ರಾ5 ವಿಕೆಟ್‌ ಸಾಧನೆ: ಪಂದ್ಯದ ಪ್ರಥಮ ಇನಿಂಗ್ಸ್‌ನಲ್ಲಿ ಜಸ್‌ಪ್ರಿತ್‌ ಬುಮ್ರಾ ಮಾರಕ ಬೌಲಿಂಗ್‌ ದಾಳಿ ನಡೆಸಿದ್ದರು. ಪಂದ್ಯದ ಆರಂಭಿಕ ದಿನವಾದ ಮಂಗಳವಾರ ನಾಯಕ ಡೀನ್ ಎಲ್ಗರ್ ವಿಕೆಟ್‌ ಕಿತ್ತಿದ್ದ ಬುಮ್ರಾ, ಬುಧವಾರ ಏಡೆನ್ ಮಾರ್ಕ್ರಮ್(8), ಕೀಗನ್ ಪೀಟರ್ಸನ್(72), ಮಾರ್ಕೊ ಯೆನ್ಸನ್‌(7) ಹಾಗೂ ಲುಂಗಿ ಎನ್ಗಿಡಿ(3) ವಿಕೆಟ್‌ಗಳನ್ನು ಕಬಳಿಸಿದರು. ಆ ಮೂಲಕ ದಕ್ಷಿಣ ಆಫ್ರಿಕಾ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 210 ರನ್‌ಗಳಿಗೆ ಆಲ್‌ಔಟ್‌ ಮಾಡುವಲ್ಲಿ ಭಾರತಕ್ಕೆ ನೆರವಾಗಿದ್ದರು. ಹರಿಣಗಳ ಪರ ಕೀಗನ್ ಪೀಟರ್ಸನ್(72) ಗರಿಷ್ಠ ಸ್ಕೋರರ್‌ ಎನಿಸಿಕೊಂಡಿದ್ದರು.
ವಿರಾಟ್ ಕೊಹ್ಲಿ ಅರ್ಧಶತಕ: ಮೊದಲನೇ ದಿನ ವಿರಾಟ್ ಕೊಹ್ಲಿ ಬ್ಯಾಟಿಂಗ್‌ ಆಕರ್ಷಕವಾಗಿತ್ತು. ಟಾಸ್‌ ಗೆದ್ದು ಮೊದಲು ಬ್ಯಾಟ್‌ ಮಾಡಿದ್ದ ಭಾರತ ತಂಡದ ಪರ ವಿರಾಟ್ ಕೊಹ್ಲಿ ಶಿಸ್ತುಬದ್ಧ ಬ್ಯಾಟಿಂಗ್‌ ಪ್ರದರ್ಶನ ತೋರಿದ್ದರು. ಎದುರಿಸಿದ್ದ 201 ಎಸೆತಗಳಲ್ಲಿ 79 ರನ್‌ ಗಳಿಸಿದ್ದರು. ಆ ಮೂಲಕ ಭಾರತ ತಂಡ ಪ್ರಥಮ ಇನಿಂಗ್ಸ್‌ನಲ್ಲಿ 223 ರನ್‌ ದಾಖಲಿಸುವಲ್ಲಿ ಮಹತ್ತರ ಪಾತ್ರವಹಿಸಿದ್ದರು.
ಸಂಕ್ಷಿಪ್ತ ಸ್ಕೋರ್‌(ಎರಡನೇ ದಿನದಾಟದ ಅಂತ್ಯಕ್ಕೆ)
ಭಾರತ: ಪ್ರಥಮ ಇನಿಂಗ್ಸ್‌ನಲ್ಲಿ 77.3 ಓವರ್‌ಗಳಿಗೆ 223/10 (ವಿರಾಟ್ ಕೊಹ್ಲಿ 79, ಚೇತೇಶ್ವರ್ ಪೂಜಾರ 43, ರಿಷಭ್ ಪಂತ್ 27; ಕಗಿಸೊ ರಬಾಡ 73ಕ್ಕೆ 4, ಮಾರ್ಕೊ ಯೆನ್ಸನ್‌ 55 ಕ್ಕೆ 3, ಡುವಾನ್‌ ಒಲಿವಿಯರ್ 42 ಕ್ಕೆ 1, ಕೇಶವ್ ಮಹಾರಾಜ್ 14ಕ್ಕೆ 1, ಲುಂಗಿ ಎನ್ಗಿಡಿ 33ಕ್ಕೆ 1)
ದಕ್ಷಿಣ ಆಫ್ರಿಕಾ: ಪ್ರಥಮ ಇನಿಂಗ್ಸ್‌ 76.3 ಓವರ್‌ಗಳಿಗೆ 210/10 (ಕೀಗನ್ ಪೀಟರ್ಸನ್ 72, ಕೇಶವ್ ಮಹಾರಾಜ್ 25, ರಾಸಿ ವ್ಯಾನ್ ಡೆರ್ ಡುಸ್ಸೆನ್ 21, ತೆಂಬಾ ಬವೂಮ 28; ಜಸ್‌ಪ್ರಿತ್‌ ಬುಮ್ರಾ 42 ಕ್ಕೆ 5, ಉಮೇಶ್ ಯಾದವ್ 64 ಕ್ಕೆ 2, ಮೊಹಮ್ಮದ್ ಶಮಿ39 ಕ್ಕೆ 2, ಶಾರ್ದುಲ್ ಠಾಕೂರ್ 37ಕ್ಕೆ 1)
ಭಾರತ: ದ್ವಿತೀಯ ಇನಿಂಗ್ಸ್‌ 17 ಓವರ್‌ಗಳಿಗೆ 57/.2 (ವಿರಾಟ್ ಕೊಹ್ಲಿ 14*, ಚೇತೇಶ್ವರ್ ಪೂಜಾರ 9*; ಕಗಿಸೊ ರಬಾಡ 25 ಕ್ಕೆ 1, ಮಾರ್ಕೊ ಯೆನ್ಸನ್‌ 7 ಕ್ಕೆ 1)
ಉಭಯ ತಂಡಗಳ ಪ್ಲೇಯಿಂಗ್‌ XI
ಭಾರತ: ಕೆಎಲ್ ರಾಹುಲ್, ಮಯಾಂಕ್ ಅಗರ್ವಾಲ್, ಚೇತೇಶ್ವರ್ ಪೂಜಾರ, ವಿರಾಟ್ ಕೊಹ್ಲಿ(ಸಿ), ಅಜಿಂಕ್ಯ ರಹಾನೆ, ರಿಷಭ್ ಪಂತ್(ಪ), ರವಿಚಂದ್ರನ್ ಅಶ್ವಿನ್, ಶಾರ್ದೂಲ್ ಠಾಕೂರ್, ಮೊಹಮ್ಮದ್ ಶಮಿ, ಜಸ್ಪ್ರೀತ್ ಬುಮ್ರಾ, ಉಮೇಶ್ ಯಾದವ್
ದಕ್ಷಿಣ ಆಫ್ರಿಕಾ: ಡೀನ್ ಎಲ್ಗರ್(ನಾಯಕ), ಏಡೆನ್ ಮಾರ್ಕ್ರಮ್, ಕೀಗನ್ ಪೀಟರ್ಸನ್, ರಾಸ್ಸೀ ವ್ಯಾನ್ ಡೆರ್ ಡುಸ್ಸೆನ್, ತೆಂಬಾ ಬವೂಮ, ಕೈಲ್‌ ವೆರಿನೆ (ವಿಕೆಟ್‌ ಕೀಪರ್‌), ಮಾರ್ಕೊ ಯೆನ್ಸೆನ್, ಕಗಿಸೊ ರಬಾಡ, ಕೇಶವ್ ಮಹಾರಾಜ್, ಡುವಾನ್‌ ಒಲಿವಿಯರ್, ಲುಂಗಿ ಎನ್ಗಿಡಿ.
Read more
[wpas_products keywords=”deal of the day gym”]