ಕರ್ನಾಟಕದಲ್ಲಿ 860 ಶಾಲಾ ಮಕ್ಕಳು 85 ಶಿಕ್ಷಕರಿಗೆ ತಗುಲಿದ ಕೊರೊನಾ ಮಹಾಮಾರಿ!

ಬೆಂಗಳೂರು: ರಾಜ್ಯಾದ್ಯಂತ ಜ.10ರ ವೇಳೆಗೆ 1ರಿಂದ 10ನೇ ತರಗತಿವರೆಗಿನ ಒಟ್ಟು 860 ಶಾಲಾ ವಿದ್ಯಾರ್ಥಿಗಳು ಹಾಗೂ 85 ಶಿಕ್ಷಕರು ಕೋವಿಡ್‌ ಸೋಂಕಿಗೀಡಾಗಿರುವುದು ಕಂಡುಬಂದಿದೆ. ಕೊಪ್ಪಳ, ಬಾಗಲಕೋಟೆ, ರಾಯಚೂರು, ವಿಜಯಪುರ, ಯಾದಗಿರಿ ಶೈಕ್ಷಣಿಕ ಜಿಲ್ಲೆಗಳನ್ನು ಹೊರತುಪಡಿಸಿ, ಉಳಿದ ಎಲ್ಲಾ ಜಿಲ್ಲೆಗಳಲ್ಲೂ ವಿದ್ಯಾರ್ಥಿಗಳು ಮತ್ತು ಶಿಕ್ಷಕರಿಗೆ ಸೋಂಕು ತಗುಲಿದೆ.

ಬೆಳಗಾವಿ ಜಿಲ್ಲೆಯಲ್ಲಿ ಒಟ್ಟು 160 ವಿದ್ಯಾರ್ಥಿಗಳಿಗೆ ಸೋಂಕು ತಗುಲಿದ್ದು, ಯಾವುದೇ ಶಿಕ್ಷಕರಲ್ಲಿ ಸೋಂಕು ಕಂಡು ಬಂದಿಲ್ಲ. ಬಳ್ಳಾರಿ ಜಿಲ್ಲೆಯಲ್ಲಿ 3 ವಿದ್ಯಾರ್ಥಿಗಳಿಗೆ, ಬೆಳಗಾವಿ ಚಿಕ್ಕೋಡಿ ಶೈಕ್ಷಣಿಕ ಜಿಲ್ಲೆಯಲ್ಲಿ 13 ವಿದ್ಯಾರ್ಥಿಗಳು ಮತ್ತು ಓರ್ವ ಶಿಕ್ಷಕನಿಗೆ ಸೋಂಕು ತಗುಲಿದೆ. ಬೆಂಗಳೂರು ಗ್ರಾಮಾಂತರ ಜಿಲ್ಲೆಯಲ್ಲಿ 21 ಮಕ್ಕಳು, 3 ಶಿಕ್ಷಕರು, ಬೆಂಗಳೂರು ಉತ್ತರ ಜಿಲ್ಲೆಯಲ್ಲಿ ಓರ್ವ ವಿದ್ಯಾರ್ಥಿ, ಬೆಂಗಳೂರು ದಕ್ಷಿಣ ಜಿಲ್ಲೆಯಲ್ಲಿ 29 ವಿದ್ಯಾರ್ಥಿಗಳು, 7 ಶಿಕ್ಷಕರು, ಬೀದರ್‌ ಜಿಲ್ಲೆಯಲ್ಲಿ ಇಬ್ಬರು ವಿದ್ಯಾರ್ಥಿಗಳು ಹಾಗೂ 3 ಶಿಕ್ಷಕರು, ಚಾಮರಾಜನಗರ ಜಿಲ್ಲೆಯಲ್ಲಿ 18 ವಿದ್ಯಾರ್ಥಿಗಳು, ಚಿಕ್ಕಬಳ್ಳಾಪುರ ಜಿಲ್ಲೆಯಲ್ಲಿ 12 ಮಕ್ಕಳು ಸೋಂಕಿಗೀಡಾಗಿದ್ದಾರೆ.

ಚಿಕ್ಕಮಗಳೂರು ಜಿಲ್ಲೆಯಲ್ಲಿ 144 ವಿದ್ಯಾರ್ಥಿಗಳು ಹಾಗೂ 16 ಶಿಕ್ಷಕರು, ಚಿತ್ರದುರ್ಗ ಜಿಲ್ಲೆಯಲ್ಲಿ 8 ಮಕ್ಕಳು, ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ 5 ಮಕ್ಕಳು, 2 ಶಿಕ್ಷಕರು, ದಾವಣಗೆರೆ 33 ಮಕ್ಕಳು, ಓರ್ವ ಶಿಕ್ಷಕ, ಧಾರವಾಡ 46 ಮಕ್ಕಳು, 3 ಶಿಕ್ಷಕರು, ಗದಗದ 2 ವಿದ್ಯಾರ್ಥಿಗಳು, 2 ಶಿಕ್ಷಕರು, ಹಾಸನ 29 ವಿದ್ಯಾರ್ಥಿಗಳು, 24 ಶಿಕ್ಷಕರು, ಹಾವೇರಿಯಲ್ಲಿ ಓರ್ವ ವಿದ್ಯಾರ್ಥಿ, ಕಲಬುರಗಿಯಲ್ಲಿ 3 ಮಕ್ಕಳು, ಕೊಡಗಿನಲ್ಲಿ 42 ವಿದ್ಯಾರ್ಥಿಗಳು, 6 ಶಿಕ್ಷಕರು, ಕೋಲಾರ ಜಿಲ್ಲೆಯಲ್ಲಿ 3 ಮಕ್ಕಳಲ್ಲಿಕೋವಿಡ್‌ ವೈರಸ್‌ ಕಾಣಿಸಿಕೊಡಿದೆ.

ಕರ್ನಾಟಕದಾದ್ಯಂತ ಮಂಗಳವಾರ 14,473 ಕೊರೊನಾ ಪ್ರಕರಣ..! ಬೆಂಗಳೂರಲ್ಲೇ 10,800 ಕೇಸ್..!

ಮಂಡ್ಯ ಜಿಲ್ಲೆಯಲ್ಲಿ 65 ವಿದ್ಯಾರ್ಥಿಗಳು, ಓರ್ವ ಶಿಕ್ಷಕ, ಮೈಸೂರು ಜಿಲ್ಲೆಯಲ್ಲಿ 62 ಮಕ್ಕಳು, ನಾಲ್ವರು ಶಿಕ್ಷಕರು, ರಾಮನಗರ ಜಿಲ್ಲೆಯಲ್ಲಿ 11 ಮಕ್ಕಳು, ಓರ್ವ ಶಿಕ್ಷಕ, ಶಿವಮೊಗ್ಗ 14 ವಿದ್ಯಾರ್ಥಿಗಳು, 2 ಶಿಕ್ಷಕರು, ತುಮಕೂರು-ಮಧುಗಿರಿ 37 ಮಕ್ಕಳು, 3 ಶಿಕ್ಷಕರು, ತುಮಕೂರು ಜಿಲ್ಲೆಯಲ್ಲಿ19 ವಿದ್ಯಾರ್ಥಿಗಳು, 4 ಶಿಕ್ಷಕರು, ಉಡುಪಿ 17 ಮಕ್ಕಳು, ಓರ್ವ ಶಿಕ್ಷಕ, ಉತ್ತರ ಕನ್ನಡ-ಶಿರಸಿ ಜಿಲ್ಲೆಯಲ್ಲಿ 51 ವಿದ್ಯಾರ್ಥಿಗಳು ಹಾಗೂ ಉತ್ತರ ಕನ್ನಡ ಜಿಲ್ಲೆಯಲ್ಲಿ 9 ಮಕ್ಕಳು ಸೋಂಕಿಗೆ ಸಿಲುಕಿದ್ದಾರೆ.