ಬಿಪಿನ್ ರಾವತ್ ನಿಧನದ ಬಗ್ಗೆ ತನಿಖೆ ಆಗಬೇಕು; ಸಿದ್ದರಾಮಯ್ಯ ಆಗ್ರಹಕ್ಕೆ ಈಶ್ವರಪ್ಪ ಸಹಮತ

ಬೆಳಗಾವಿ: ಸಿಡಿಎಸ್ ಬಿಪಿನ್ ರಾವತ್ ಹೆಲಿಕಾಪ್ಟರ್ ಅಪಘಾತದ ಬಗ್ಗೆ ತನಿಖೆ ಆಗಬೇಕು ಎಂದು ವಿರೋಧ ಪಕ್ಷದ ನಾಯಕ ಸಿದ್ದರಾಮಯ್ಯ ಆಗ್ರಹಿಸಿದ್ದಾರೆ.

ವಿಧಾನಸಭೆಯಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ ಸೂಚಿಸಿ ಸ್ವೀಕರ್ ಕಾಗೇರಿ ಮಂಡಿಸಿದ ನಿರ್ಣಯ ಬೆಂಬಲಿಸಿ ಮಾತನಾಡಿದ ಅವರು, ಸಿಡಿಎಸ್ ಬಿಪಿನ್ ರಾವತ್ ಹೆಲಿಕಾಪ್ಟರ್ ಅಪಘಾತದ ಬಗ್ಗೆ ತನಿಖೆ ಆಗಬೇಕು. ಈ ಬಗ್ಗೆ ಸಂಶಯ ಇದೆ. ರಷ್ಯನ್ ನಿರ್ಮಿಸಿದ ಹೆಲಿಕಾಪ್ಟರ್ ಅದು. ಅಪಘಾತದ ಕಾರಣ ಏನು ಎಂಬುವುದು ತಿಳಿಯಬೇಕು. ಅಡ್ವಾನ್ಸ್ ಇಂಜಿನ್ ಹೆಲಿಕಾಪ್ಟರ್ ಅಪಘಾತದಿಂದ ಸತ್ತಿದ್ದಾರೆ ಎಂಬುವುದೇ ಆಶ್ಚರ್ಯ ಎಂದ ಅವರು, ನಾನು ಯಾರ ಕೈವಾಡ ಇದೆ ಎಂಬ ಶಂಕೆ ಪಡಲ್ಲ ಆದರೆ ಹೇಗೆ ಸತ್ರು,ಅಪಘಾತ ಹೇಗಾಯ್ತು ಎಂಬುವುದು ನಿಗೂಢವಾಗಿದೆ. ಈ ಬಗ್ಗೆ ಜನರಿಗೆ ಗೊತ್ತಾಗಬೇಕು ಎಂದು ಸಿದ್ದರಾಮಯ್ಯ ಆಗ್ರಹಿಸಿದರು.
ದೇಶದಲ್ಲಿ ಈವರೆಗೂ ನಡೆದ ಹೆಲಿಕಾಪ್ಟರ್ ದುರಂತಗಳ ಹಿಂದಿದೆ ಕರಾಳ ಚರಿತ್ರೆ!
ಇನ್ನು ಇದೇ ಸಂದರ್ಭದಲ್ಲಿ ನಟ ಪವರ್‌ಸ್ಟಾರ್‌ ಪುನೀತ್ ರಾಜ್‌ ಕುಮಾರ್ ಅವರಿಗೆ ಸಂತಾಪ ಸೂಚಿಸಿ, ಪುನೀತ್ ಕೇವಲ ರಾಜ್ ಕುಮಾರ್ ಮಗ ಎನ್ನುವ ಕಾರಣಕ್ಕೆ ಫೇಮಸ್ ಆಗಿದ್ದಲ್ಲ. ಅವರದ್ದೇ ಆದ ವ್ಯಕ್ತಿತ್ವ ರೂಪಿಸಿಕೊಂಡಿದ್ರು. ದಿನ ಎರಡು ತಾಸು ವರ್ಕೌಟ್ ಮಾಡ್ತಾ ಇದ್ರು. ಅವರು ಸಾಯ್ತಾರೆ ಎನ್ನುವ ನಿರೀಕ್ಷೆ ಯಾರಿಗೂ ಇರಲಿಲ್ಲ. ಇನ್ನೂ ದೀರ್ಘಕಾಲದವರೆಗೆ ಬದುಕಬೇಕಿದ್ದವರು. ಸರ್ಕಾರದ ಅನೇಕ ರಾಯಬಾರಿಯಾಗಿ ಕೆಲಸ ಮಾಡ್ತಾ ಇದ್ರು. ಪುಕ್ಕಟೆ ಆಗಿ ಕೆಲಸ ಮಾಡ್ತಾ ಇದ್ರು. ನನ್ನನ್ನು ಮಾಮ ಅಂತ ಕರೆತಾ ಇದ್ರು ಎಂದು ನೆನಪಿಸಿಕೊಂಡರು. ಇನ್ನು ಪುನೀತ್ ರಾಜ್‌ಕುಮಾರ್ ಅವರ ಒತ್ತಾಯಕ್ಕೆ ರಾಜಕುಮಾರ ಸಿನಿಮಾ ಮೈಸೂರಿನಲ್ಲಿ ನೋಡಿದ್ದೆ. ಪುನೀತ್‌ಗೆ ಪುನೀತ್ ಮಾತ್ರ ಸಾಟಿ ಎಂದು ಸಿದ್ದರಾಮಯ್ಯ ಶ್ಲಾಘಿಸಿದರು.
Mi-17V5 ಹೆಲಿಕಾಪ್ಟರ್‌; ಏನಿದರ ವಿಶೇಷತೆ? ಉಳಿವಿನ ಅಸೀಮ ಸಾಮರ್ಥ್ಯವಿದ್ದರೂ ಉರಿದಿದ್ದು ಏಕೆ?
ಬಿಪಿನ್ ರಾವತ್ ಸಾವಿನ ತನಿಖೆಗೆ ಈಶ್ವರಪ್ಪ ಆಗ್ರಹ
ಇನ್ನು ಸಿಡಿಎಸ್ ಬಿಪಿನ್ ರಾವತ್ ಸಾವಿನ ಬಗ್ಗೆ ತನಿಖೆಗೆ ಸಚಿವ ಕೆಎಸ್‌ ಈಶ್ವರಪ್ಪ ಕೂಡ ಆಗ್ರಹಿಸಿದ್ದಾರೆ. ವಿಧಾನಸಭೆಯಲ್ಲಿ ಅಗಲಿದ ಗಣ್ಯರಿಗೆ ಸಂತಾಪ ಸೂಚನೆ ನಿರ್ಣಯ ಬೆಂಬಲಿಸಿ ಮಾತನಾಡಿದ ಅವರು, ಸಿದ್ದರಾಮಯ್ಯ ಮಾತಿಗೆ ಸಹಮತ ವ್ಯಕ್ತಪಡಿಸಿದರು. ಅಪಘಾತದ ಬಗ್ಗೆ ತನಿಖೆ ಆಗಬೇಕು ಇಲ್ಲಂದ್ರೆ ಪ್ರಪಂಚದಲ್ಲಿ ಅಸಮಾಧಾನ ಹಾಗೆ ಉಳಿಯುತ್ತದೆ. ಕೆಲವರು ಸಿಡಿಎಸ್ ನಿಧನದ ಬಗ್ಗೆ ವಿಕೃತ ಹೇಳಿಕೆ ಟ್ವೀಟ್ ಮಾಡಿದ್ದಾರೆ. ಇದನ್ನು ಸಿಎಂ ಬಸವರಾಜ ಬೊಮ್ಮಾಯಿ ಖಂಡನೆ ಮಾಡಿದ್ದಾರೆ ಎಂದರು.
ಮುಂದಿನ ದಿನಗಳಲ್ಲಿ ಲವ್‌ ಜಿಹಾದ್ ನಿಷೇಧ ಕಾಯ್ದೆ ಕೂಡ ಜಾರಿಗೆ ತರುತ್ತೇವೆ; ವಿ.ಸುನೀಲ್ ಕುಮಾರ್
ಹೆಲಿಕಾಪ್ಟರ್ ಅಪಘಾತದ ಬಗ್ಗೆ ಸುಪ್ರೀಂ ಕೋರ್ಟ್ ಜಡ್ಜ್ ನಿಗಾದಲ್ಲಿ ತನಿಖೆ ಮಾಡಿದರೆ ಸೂಕ್ತ ಎಂದ ಈಶ್ವರಪ್ಪ, ಆದಷ್ಟು ಬೇಗ ತನಿಖೆ ಆಗಬೇಕು, ದುಷ್ಟ ಶಕ್ತಿ ಇದರ ಹಿಂದೆ ಇದ್ದರೆ ಶಿಕ್ಷೆ ಆಗಬೇಕು ಎಂದು ಹೇಳಿದರು. ಬಿಪಿನ್ ರಾವತ್ ಭಾರತದ ಬಾಹುಬಲಿ. ರಾವತ್ ಹೆಸರು ಕೇಳುತ್ತಿದ್ದಂತೆ ಶತ್ರುಗಳ ಎದೆ ನಡುಗುತ್ತಿತ್ತು.ರಕ್ಷಣಾ ವ್ಯವಸ್ಥೆ ಈ ಮಹಾನ್ ವ್ಯಕ್ತಿಯ ಕೈಯಲ್ಲಿತ್ತು, ಅವರು ದೊಡ್ಡ ಚಾಣಕ್ಯ. ಅವರ ಸಾವು ದೊಡ್ಡ ದುರಂತ. ಬಿಪಿನ್ ರಾವತ್ ಮಾತು ತೀಕ್ಷ್ಣವಾಗಿತ್ತು, ತಪ್ಪು ಮಾಡಿದರೆ ನೇರ ಛೀಮಾರಿ ಹಾಕುತ್ತಿದ್ದರು ಎಂದು ಈಶ್ವರಪ್ಪ ಹೇಳಿದರು.