800 ಕೋಟಿ ರೂ. ಬೆಲೆ ಬಾಳುವ ಪಟೌಡಿ ಮನೆಯಲ್ಲಿ ಒಂದು ಕಾಲದಲ್ಲಿ ವಿದ್ಯುತ್ ಇರಲಿಲ್ಲ: ನಟಿ ಸೋಹಾ ಅಲಿ ಖಾನ್

ನಟ ಸೈಫ್ ಅಲಿ ಖಾನ್ ಸಹೋದರಿಯೂ ಆಗಿರುವ ನಟಿ ಸೋಹಾ ಅಲಿ ಖಾನ್, ಅವರ ಪೂರ್ವಜರಿಗೆ ಸೇರಿದ ಪಟೌಡಿ ಮನೆತನಕ್ಕೆ ಸೇರಿದ ಅರಮನೆಯನ್ನು ಸ್ಮರಿಸಿಕೊಂಡಿದ್ದಾರೆ. ಪಟೌಡಿ ಮನೆಗೆ ಭೇಟಿ ಕೊಟ್ಟರೆ ತಂದೆಯ ನೆನಪಾಗುವುದು, ಇನ್ನಷ್ಟು ತಂದೆ ನೆನಪಾಗುವುದು ಎಂದಿದ್ದಾರೆ.

ಸೋಹಾ ಅವರು ಮಗಳು ಇನಾಯಾ ನೌಮಿ ಕೆಮ್ಮು ಜೊತೆಗೆ ಪಟೌಡಿ ಮನೆಗೆ ಭೇಟಿ ಕೊಟ್ಟಿದ್ದಾರೆ. ಅಲ್ಲಿ ಅಮ್ಮ-ಮಗಳಿಬ್ಬರು ಒಂದಷ್ಟು ಸಮಯ ಕಳೆದಿದ್ದಾರೆ, ಅಲ್ಲಿಯೇ ಬೆಳೆಯಲಾಗಿರುವ ತರಕಾರಿಯಿಂದ ಸಲಾಡ್ ಮಾಡಿಸಿಕೊಂಡು ತಿಂದಿದ್ದಾರೆ.

ಪೂರ್ವಜರಿಂದ ಬಂದ ಪಟೌಡಿ ಅರಮನೆಯನ್ನು ಮರು ಖರೀದಿ ಮಾಡಿಲ್ಲ: ನಟ ಸೈಫ್ ಅಲಿ ಖಾನ್

“ಪಟೌಡಿ ಮನೆಯ ಮುಂದಿರುವ ಹಸಿರು, ದೊಡ್ಡ ದೊಡ್ಡ ರೂಮ್‌ಗಳು ನನಗೆ ತುಂಬ ಇಷ್ಟ. ನಾನು ತಂದೆ ಜೊತೆಗೆ ತುಂಬ ಕ್ಲೋಸ್ ಆಗಿದ್ದೆ, ಅದು ಅವರ ಮನೆ. ಹೀಗಾಗಿ ಹೋಗಿ ಅಲ್ಲಿ ಒಂದಷ್ಟು ಸಮಯ ಕಳೆಯುತ್ತೇನೆ. ಆ ಮನೆಗೂ ನನಗೂ ಈ ರೀತಿಯ ಕನೆಕ್ಷನ್ ಇದೆ ಎಂದು ಹೇಳಬಹುದು, ಅಲ್ಲಿಯೇ ಬೆಳೆದಿದ್ದರಿಂದ ಸಾಕಷ್ಟು ನೆನಪುಗಳಿವೆ. ನಾವು ಮಕ್ಕಳಾಗಿ ಭೇಟಿ ನೀಡಿದ್ದಾಗ ಅಲ್ಲಿ ವಿದ್ಯುತ್ ಇರಲಿಲ್ಲ, ಸೊಳ್ಳೆ ಪರದೆ ಹಾಕಿಕೊಂಡು ನಾವು ಹೊರಗಡೆ ಮಲಗುತ್ತಿದ್ದೆವು. ಈಗ ಅಲ್ಲಿ ಎಸಿಯೂ ಇದೆ. ಆದರೆ ಆಗ ಎಸಿ, ಮೊಬೈಲ್ ಪೋನ್ ಕೂಡ ಇರಲಿಲ್ಲ. ಅವೆಲ್ಲವೂ ಬಂದ್ ಆಗಿತ್ತು” ಎಂದು ಸೋಹಾ ಅಲಿ ಖಾನ್ ಹೇಳಿದ್ದಾರೆ.

5000 ಕೋಟಿ ರೂಪಾಯಿ ಪೂರ್ವಜರ ಆಸ್ತಿ ಪಡೆಯುವ ಅದೃಷ್ಟ ಸೈಫ್ ಅಲಿ ಖಾನ್ ಮಕ್ಕಳಿಗಿಲ್ಲ?

“ನಾವು ಅಲ್ಲಿ ಕ್ರಿಕೆಟ್ ಆಡುತ್ತೇವೆ, ತರಕಾರಿ ಬೆಳೆಯುತ್ತೇವೆ, ನನ್ನ ಮಗಳು ಕೂಡ ಅಲ್ಲಿ ಹೋಗಿ ಗಿಡ ನೆಡುತ್ತಾಳೆ. ಬಟಾಟೆ, ಕ್ಯಾರೆಟ್ ಕೂಡ ಆಯ್ದುಕೊಂಡು ಬರುತ್ತಾಳೆ. ಸೌತೇಕಾಯಿ, ಕ್ಯಾರೆಟ್ ಬಳಸಿ ಅಲ್ಲಿ ಸಲಾಡ್ ಕೂಡ ಮಾಡಿದ್ದೇವೆ. ಅಲ್ಲಿ ನವಿಲು, ನಾಯಿಗಳು, ಇವೆ ಹಾವು ಬರತ್ತೆ. ಅದೊಂದು ಸುಂದರ ಪ್ರಕೃತಿ” ಎಂದು ಸೋಹಾ ಅಲಿ ಖಾನ್ ಹೇಳಿದ್ದಾರೆ.

ಓಟಿಟಿಗೆ ಸೋಹಾ ಅಲಿ ಖಾನ್ ಎಂಟ್ರಿ
ಸೋಹಾ ಅಲಿ ಖಾನ್ ಅವರು ಪತಿ ಕುನಾಲ್ ಕೆಮ್ಮು, ಮಗಳು ಇನಾಯಾ, ತಾಯಿ ಶರ್ಮಿಳಾ ಠಾಗೋರ್ ಜೊತೆ ಪಟೌಡಿ ಅರಮನೆಯಲ್ಲಿ ಕ್ರಿಸ್‌ಮಸ್ ಆಚರಣೆ ಮಾಡಿದ್ದಾರೆ. ಪೂರ್ವಜರ ಮನೆಯಲ್ಲಿ ಒಂದಷ್ಟು ದಿನಗಳ ಕಾಲ ಹಾಲಿಡೇ ಕೂಡ ಕಳೆದಿದ್ದಾರೆ. ಸೋಹಾ ಅವರು Kaun Banegi Shikharwati ಮೂಲಕ ಓಟಿಟಿಗೆ ಕಾಲಿಟ್ಟಿದ್ದಾರೆ. ಅದರಲ್ಲಿ ಅವರು ರಾಣಿ ಪಾತ್ರ ಮಾಡಿದ್ದಾರೆ.

ಪಟೌಡಿ ಮನೆ ಹೇಗಿದೆ?
ಹರಿಯಾಣದ ಗುರುಗಾವ್‌ನಲ್ಲಿ ಪಟೌಡಿ ಮನೆತನದ ಅರಮನೆ ಇದೆ. ಪಟೌಡಿ ಅರಮನೆಯು 10 ಎಕರೆ ವಿಸ್ತಾರದಿಂದ ಕೂಡಿದೆ. ಅಲ್ಲಿ 150 ಕೊಠಡಿ, 7 ಡ್ರೆಸ್ಸಿಂಗ್ ರೂಮ್, 7 ಬೆಡ್‌ರೂಮ್, 7 ಬಿಲಿಯರ್ಡ್ ರೂಮ್ ಇವೆ. ಸೈಫ್ ಅಲಿ ಖಾನ್ ತಂದೆ ಕ್ರಿಕೆಟರ್ ಮಾನ್ಸೂರ್ ಅಲಿ ಖಾನ್ ಅವರಿಗೆ ಸೇರಿದ ಅರಮನೆ ಅದು. ಈ ಅರಮನೆಗೆ 800 ಕೋಟಿ ರೂಪಾಯಿ ಮೌಲ್ಯವಿದೆ ಎಂದು ವರದಿಯಾಗಿದೆ.