Avinash Kadesivalaya | Vijaya Karnataka | Updated: Dec 13, 2021, 8:51 AM
ಜೂನಿಯರ್‌ (6 ಪರುಕ್ಕಿಂತ ಕೆಳಗೆ) ಮತ್ತು ಅದಕ್ಕಿಂತ ಮೇಲ್ಪಟ್ಟ ಕೋಣಗಳ ಸ್ಪರ್ಧೆಯಲ್ಲಿ 221 ಹೊಸ ದಾಖಲೆಯಾಗಿದೆ ಎನ್ನುತ್ತಾರೆ ಮೂಡುಬಿದಿರೆ ಕಂಬಳ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಗುಣಪಾಲ ಕಡಂಬ. 221 ಜೋಡಿ ಕೋಣಗಳಲ್ಲಿ ನೇಗಿಲು ಕಿರಿಯ ವಿಭಾಗ 115 ಜತೆ, ನೇಗಿಲು ಹಿರಿಯ 41 ಜತೆ, 32 ಹಗ್ಗ ಕಿರಿಯ, 21 ಹಗ್ಗ ಹಿರಿಯ, 6 ಅಡ್ಡ ಹಲಗೆ, 6 ಕನೆಹಲಗೆ ವಿಭಾಗದಲ್ಲಿ ಭಾಗವಹಿಸಿವೆ.
ಮಂಗಳೂರು: ಪ್ರಸ್ತುತ ಪ್ರತಿಷ್ಠಿತ ಕಂಬಳಗಳಲ್ಲೊಂದಾದ ಮೂಡುಬಿದಿರೆ ಕೋಟಿ-ಚೆನ್ನಯ ಜೋಡುಕರೆ ಕಂಬಳ ಭಾನುವಾರ ಸಂಜೆ ಸಮಾಪನಗೊಂಡಿದ್ದು, 221ಜೋಡಿ ಕೋಣಗಳು ಪಾಲ್ಗೊಂಡು ಆಧುನಿಕ ಕಂಬಳದಲ್ಲಿ ಅತೀ ಹೆಚ್ಚು ಕೋಣಗಳು ಭಾಗವಹಿಸಿದ ಹೊಸ ದಾಖಲೆ ಸೃಷ್ಟಿಸಿವೆ.
ಆಧುನಿಕ ಕಂಬಳದಲ್ಲಿ ಈ ವರೆಗೆ 218 ಜೋಡಿ ಕೋಣಗಳು ಪಾಲ್ಗೊಂಡಿದ್ದುದು ಅತ್ಯಧಿಕ ದಾಖಲೆಯಾಗಿತ್ತು. ಮೂಡುಬಿದಿರೆಯಲ್ಲಿ ಅತ್ಯಧಿಕ 207 ಕೋಣಗಳು ಭಾಗವಹಿಸಿದ್ದವು. ಈ ಹಿಂದೆ ಪುತ್ತೂರು ಕಂಬಳದಲ್ಲಿ 252 ಜೋಡಿ, ಮೂಡುಬಿದಿರೆ ಕಂಬಳದಲ್ಲಿ 224 ಜೋಡಿ ಕೋಣಗಳು ಭಾಗವಹಿಸಿದ್ದವು. ಆದರೆ ಈ ಸಂದರ್ಭ ಸಬ್‌ಜೂನಿಯರ್‌ ವಿಭಾಗ (3 ವರ್ಷಕ್ಕಿಂತ ಕೆಳಗಿನ) ಅವಕಾಶ ನೀಡಿದ ಕಾರಣ ಸಂಖ್ಯೆ ಹೆಚ್ಚಿತ್ತು. ಆದರೆ ಜೂನಿಯರ್‌ (6 ಪರುಕ್ಕಿಂತ ಕೆಳಗೆ) ಮತ್ತು ಅದಕ್ಕಿಂತ ಮೇಲ್ಪಟ್ಟ ಕೋಣಗಳ ಸ್ಪರ್ಧೆಯಲ್ಲಿ 221 ಹೊಸ ದಾಖಲೆಯಾಗಿದೆ ಎನ್ನುತ್ತಾರೆ ಮೂಡುಬಿದಿರೆ ಕಂಬಳ ಸಮಿತಿಯ ಪ್ರಧಾನ ಕಾರ್ಯದರ್ಶಿ ಗುಣಪಾಲ ಕಡಂಬ. 221 ಜೋಡಿ ಕೋಣಗಳಲ್ಲಿ ನೇಗಿಲು ಕಿರಿಯ ವಿಭಾಗ 115 ಜತೆ, ನೇಗಿಲು ಹಿರಿಯ 41 ಜತೆ, 32 ಹಗ್ಗ ಕಿರಿಯ, 21 ಹಗ್ಗ ಹಿರಿಯ, 6 ಅಡ್ಡ ಹಲಗೆ, 6 ಕನೆಹಲಗೆ ವಿಭಾಗದಲ್ಲಿ ಭಾಗವಹಿಸಿವೆ.
ಕೆಂಪಡಕೆ ದರವನ್ನೂ ಮೀರಿದ ಚಾಲಿ ಬೆಲೆ; ಹಳೆ ಅಡಕೆಗೆ ಮಾರ್ಕೆಟ್‌ನಲ್ಲಿ ಡಿಮ್ಯಾಂಡಪ್ಪೋ ಡಿಮ್ಯಾಂಡ್‌!ಸ್ವರ್ಣ ಪಡೆದ ಭಟ್ಕಳ ಕೋಣಗಳು
ನೇಗಿಲು ಕಿರಿಯ ವಿಭಾಗದ ಫೈನಲ್‌ನಲ್ಲಿ ಭಟ್ಕಳ ಎಚ್‌.ಎನ್‌. ನಿವಾದ ಪಿನ್ನುಪಾಲ್‌ರ ಕೋಣಗಳು (10.17) ಮತ್ತು ತೋಡಾರ್‌ ಪಂಚಶಕ್ತಿ ರಂಜಿತ್‌ ಪೂಜಾರಿ ಕೋಣಗಳು ಭಾಗವಹಿಸಿವೆ. ಇದರಲ್ಲಿ ಭಟ್ಕಳದ ಕೋಣಗಳು ಪ್ರಥಮ ಸ್ಥಾನ ಪಡೆದು ಸ್ವರ್ಣ ಪದಕ ಪಡೆದಿವೆ. ಭಟ್ಕಳ ಕೋಣವನ್ನು ಶಂಕರ್‌ ಭಟ್ಕಳ್‌ ಓಡಿಸಿದರೆ, ತೋಡಾರ್‌ ಕೋಣವನ್ನು ಹೊಕ್ಕಾಡಿಗೋಳಿ ಸುರೇಶ್‌ ಶೆಟ್ಟಿ ಓಡಿಸಿದ್ದಾರೆ. ಮೂಡುಬಿದಿರೆ ಕಂಬಳದಲ್ಲಿ ಅತೀ ಹೆಚ್ಚು ಕೋಣಗಳನ್ನು ಓಡಿಸಿ ಜಯಗಳಿಸಿದ ಹೆಗ್ಗಳಿಕೆ ಪಡೆದ ಭಟ್ಕಳ್‌ ಶಂಕರ್‌ ಮ್ಯಾನ್‌ ಆಫ್‌ ದಿ ಮ್ಯಾಚ್‌ ಆಗಿ ಮೂಡಿದರು.
ಮೂಡುಬಿದಿರೆ ಕಂಬಳ ವಿಶೇಷತೆ
- 65 ಲಕ್ಷ ರೂ. ವೆಚ್ಚದಲ್ಲಿ ನಿರ್ಮಾಣಗೊಂಡ ಆಕರ್ಷಕ ಗುತ್ತಿನ ಮನೆ
- 1 ಲಕ್ಷಕ್ಕೂ ಅಧಿಕ ಮಂದಿಯಿಂದ ಕಂಬಳ ನೇರ ವೀಕ್ಷಣೆ
- 2 ಲಕ್ಷಕ್ಕೂ ಅಧಿಕ ನೇರಪ್ರಸಾರ ವೀಕ್ಷಣೆ
- 7 ಕ್ಯಾಮೆರಾ ಬಿರ್ದ್‌ದ ಕಂಬಳ ಸಿನಿಮಾ ಚಿತ್ರೀಕರಣ
- ಫೈನಲ್‌ನಲ್ಲಿ ವಿಜೇತ ಕೋಣಗಳನ್ನು ಓಡಿಸಿದ 12 ಮಂದಿಗೆ ತಲಾ ಕಾಲು ಪವನ್‌ ಚಿನ್ನ
- ಪ್ರತಿ ತಂಡಕ್ಕೆ 1 ಸಾವಿರ ರೂ. ಗೌರವಧನ
36 ಗಂಟೆಯ ಕಂಬಳ:
ಮೂಡುಬಿದಿರೆ ಕಂಬಳ ಡಿ.11ರಂದು ಬೆಳಗ್ಗೆ 8ಗಂಟೆಯಿಂದ ಆರಂಭವಾಗಿ ಡಿ.12ರ ಸಂಜೆ 6ಗಂಟೆವರೆಗೆ ಮುಂದುವರಿದು ಸುಮಾರು 36 ಗಂಟೆಗಳ ಕಾಲ ನಡೆಯಿತು. 2 ದಿನವೂ ಪ್ರೇಕ್ಷಕರಿಂದ ಗ್ಯಾಲರಿ ತುಂಬಿತ್ತು. 221 ಜೋಡಿ ಕೋಣಗಳು ಭಾಗವಹಿಸಿದ ಕಾರಣ ಸ್ಪರ್ಧೆ ನಿರೀಕ್ಷಿತ ಸಮಯದಲ್ಲಿ ಮುಗಿಸಲು ಸಂಘಟಕರಿಗೆ ಸಾಧ್ಯವಾಗಲಿಲ್ಲ ಎನ್ನುತ್ತಾರೆ ಕಂಬಳ ಸಮಿತಿ ಪ್ರಧಾನ ಕಾರ್ಯದರ್ಶಿ ಗುಣಪಾಲ ಕಡಂಬ.
ತರಕಾರಿ ಇಳುವರಿ ಇಳಿಕೆ, ಗಗನಮುಖಿಯಾದ ಬೆಲೆ; ಟೊಮೆಟೋ, ನುಗ್ಗೆಕಾಯಿ ಮುಟ್ಟಂಗಿಲ್ಲ!
ಮುಂದಿನ ವರ್ಷ ವೀರ ಸ್ಮಾರಕ
ಮೂಡುಬಿದಿರೆ ಕಡಲಕೆರೆ ನಿಸರ್ಗಧಾಮದಲ್ಲಿ ನಡೆಯುವ ಕಂಬಳ ವರ್ಷದಿಂದ ವರ್ಷಕ್ಕೆ ಒಂದಿಲ್ಲೊಂದು ವಿಶೇಷತೆಯನ್ನು ಪಡೆದುಕೊಳ್ಳುತ್ತಾ ಬಂದಿದೆ. ಈ ಬಾರಿ ನೂತನ ಗುತ್ತಿನ ಮನೆ ಆಕರ್ಷಣೀಯವಾಗಿ ರೂಪುಗೊಂಡು ಗಮನಸೆಳೆಯುತ್ತಿದೆ. ರೈತರು ಮತ್ತು ಯೋಧರು ಈ ದೇಶದ ಬೆನ್ನೆಲುಬಾಗಿರುವವರು. ಈ ಕಾರಣದಿಂದ ವೀರ ಯೋಧರ ಗೌರವಾರ್ಥ ಕಂಬಳ ನಡೆಯುವ ಕಡಲಕೆರೆಯಲ್ಲಿ ಮುಂದಿನ ವರ್ಷ ಕಂಬಳದೊಳಗೆ ‘ವೀರ ಜವಾನ್‌’ ಸ್ಮಾರಕ ನಿರ್ಮಾಣ ಮಾಡುವುದಾಗಿ ಶಾಸಕ ಉಮಾನಾಥ್‌ ಕೋಟ್ಯಾನ್‌ ಘೋಷಿಸಿದ್ದಾರೆ.
ಸಮೀಪದ ನಗರಗಳ ಸುದ್ದಿ
Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಕೀವರ್ಡ್ಸ್‌
Kannada News from Vijaya Karnataka, TIL Network