ಚಿತ್ರಗಳು: ಮದರಂಗಿಯ ರಂಗಿನಲ್ಲಿ ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್

ಬಾಲಿವುಡ್ ನಟಿ ಕತ್ರಿನಾ ಕೈಫ್ (Katrina Kaif) ಹಾಗೂ ವಿಕ್ಕಿ ಕೌಶಲ್ (Vicky Kaushal) ದಾಂಪತ್ಯ ಜೀವನಕ್ಕೆ ಕಾಲಿರಿಸಿದ್ದಾರೆ. ಡಿಸೆಂಬರ್ 9 ರಂದು ರಾಜಸ್ಥಾನದ (Rajasthan) ಸಿಕ್ಸ್ ಸೆನ್ಸಸ್ ಫೋರ್ಟ್ ಹೋಟೆಲ್‌ನಲ್ಲಿ ಕತ್ರಿನಾ ಕೈಫ್ ಹಾಗೂ ವಿಕ್ಕಿ ಕೌಶಲ್ ವಿವಾಹ ಮಹೋತ್ಸವ ಅದ್ಧೂರಿಯಾಗಿ ಜರುಗಿತು. ಮದುವೆ ಮುಗಿದ ಬಳಿಕ ಕಲ್ಯಾಣ ಮಹೋತ್ಸವದ ಫೋಟೋಗಳನ್ನು ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದರು. ತಮಗೆ ಆಶೀರ್ವಾದ ಮಾಡುವಂತೆ ಅಭಿಮಾನಿಗಳಲ್ಲಿ ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್ ಕೋರಿಕೊಂಡಿದ್ದರು.

ಬಳಿಕ ಹಳದಿ ಸಮಾರಂಭದ ಫೋಟೋಗಳನ್ನು ಶೇರ್ ಮಾಡಿಕೊಂಡಿದ್ದ ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್ ಇದೀಗ ಮೆಹೆಂದಿ ಸಮಾರಂಭದ ಫೋಟೋಗಳನ್ನು ಹಂಚಿಕೊಂಡಿದ್ದಾರೆ. ಮದರಂಗಿಯ ರಂಗಿನಲ್ಲಿ ಮದುಮಗಳು ಕತ್ರಿನಾ ಕೈಫ್ ಸಂಭ್ರಮ ಪಡುತ್ತಿರುವ ಹಾಗೂ ವರ ವಿಕ್ಕಿ ಕೌಶಲ್ ಕುಣಿದು ಕುಪ್ಪಳಿಸುತ್ತಿರುವ ಫೋಟೋಗಳು ಇದೀಗ ಸೋಷಿಯಲ್ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿವೆ.

ಮದುವೆಯ ದಿನ ವಧು ಕತ್ರಿನಾ ಕೈಫ್ ತೊಟ್ಟಿದ್ದ ಕೆಂಪು ಬಣ್ಣದ ಸಬ್ಯಸಾಚಿ ಲೆಹೆಂಗಾದ ಬೆಲೆ ಎಷ್ಟು ಅಂತೀರಾ?
ತಮ್ಮ ಮೆಹೆಂದಿ ಸಮಾರಂಭಕ್ಕೆ ಖ್ಯಾತ ಸೆಲೆಬ್ರಿಟಿ ಫ್ಯಾಶನ್ ಡಿಸೈನರ್ ಸಬ್ಯಸಾಚಿ ಮುಖರ್ಜಿ ಡಿಸೈನ್ ಮಾಡಿದ್ದ ಉಡುಪುಗಳನ್ನೇ ವರ ವಿಕ್ಕಿ ಕೌಶಲ್ ಹಾಗೂ ವಧು ಕತ್ರಿನಾ ಕೈಫ್ ಧರಿಸಿದ್ದರು. ಬಹು ಬಣ್ಣದ ಮಟ್ಕಾ ರೇಷ್ಮೆಯಲ್ಲಿ ಸಿದ್ಧಪಡಿಸಿದ್ದ ಲೆಹೆಂಗಾ ಹಾಗೂ ಹಳದಿ ಬಣ್ಣದ ದುಪಟ್ಟಾವನ್ನು ಮದುಮಗಳು ಕತ್ರಿನಾ ಕೈಫ್ ತೊಟ್ಟಿದ್ದರು. ಮಹೆಂದಿ ಸಮಾರಂಭಕ್ಕೆ ಪಚ್ಚೆ, ವಜ್ರ, ಮುತ್ತುಗಳು, ರೂಬಿ ಸೇರಿದಂತೆ ನವರತ್ನಗಳನ್ನೊಳಗೊಂಡ ಸಬ್ಯಸಾಚಿಯ ಹೆರಿಟೇಜ್ ಆಭರಣಗಳನ್ನು ವಧು ಕತ್ರಿನಾ ಕೈಫ್ ಧರಿಸಿದ್ದರು. ಇನ್ನೂ ವರ ವಿಕ್ಕಿ ಕೌಶಲ್ ಕೂಡ ಹಸಿರು ಬಣ್ಣದ ಕುರ್ತಾ ಧರಿಸಿದ್ದರು.

Vicky Kaushal-Katrina Kaif Wedding: ಮದುವೆಯ ಫೋಟೋಗಳನ್ನು ಹಂಚಿಕೊಂಡ ಕತ್ರಿನಾ, ವಿಕ್ಕಿ
17 ಲಕ್ಷ ರೂಪಾಯಿ ಮೌಲ್ಯದ ಲೆಹೆಂಗಾ
ರಾಜಸ್ಥಾನದ ಐತಿಹಾಸಿಕ ಬಾರ್ವಾರ ಕೋಟೆಯಲ್ಲಿ ಮದುವೆಯಾದ ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್.. ಮದುವೆಯ ಉಡುಪಿನಲ್ಲಿ ಥೇಟ್ ರಾಜ ರಾಣಿಯಂತೆಯೇ ಕಾಣುತ್ತಿದ್ದರು. ಪಂಜಾಬಿ ಸಂಪ್ರದಾಯದಂತೆ ವಿವಾಹ ಮಹೋತ್ಸವ ನಡೆದಿದ್ದು, ಮದುವೆಗೆ ಕೆಂಪು ಬಣ್ಣದ ಸಬ್ಯಸಾಚಿ ಡಿಸೈನರ್ ಲೆಹೆಂಗಾವನ್ನು ಕತ್ರಿನಾ ಕೈಫ್ ಧರಿಸಿದ್ದರು. ಇನ್ನೂ, ವರ ವಿಕ್ಕಿ ಕೌಶಲ್ ಐವೆರಿ ಹಾಗೂ ಗೋಲ್ಡ್ ಬಣ್ಣದ ಶೇರ್ವಾನಿ ತೊಟ್ಟಿದ್ದರು. ವರದಿಗಳ ಪ್ರಕಾರ, ಮದುವೆಗೆ ವಧು ಕತ್ರಿನಾ ಕೈಫ್ ತೊಟ್ಟಿದ್ದ ಕೆಂಪು ಬಣ್ಣದ ಸಬ್ಯಸಾಚಿ ಲೆಹೆಂಗಾದ ಬೆಲೆ ಬರೋಬ್ಬರಿ 17 ಲಕ್ಷ ರೂಪಾಯಿ.

ಚಿತ್ರಗಳು: ಅರಿಶಿನದಲ್ಲಿ ಮಿಂದೆದ್ದ ನವ ಜೋಡಿ ವಿಕ್ಕಿ ಕೌಶಲ್ ಹಾಗೂ ಕತ್ರಿನಾ ಕೈಫ್
ಇನ್ನೂ, ಮದುವೆಗೆ ವಧು ಕತ್ರಿನಾ ಕೈಫ್ ವಜ್ರಖಚಿತ ನೀಲಮಣಿಯ ಉಂಗುರವನ್ನು ಧರಿಸಿದ್ದರು. ಅದೇ ಕತ್ರಿನಾ ಕೈಫ್ ಅವರ ಎಂಗೇಜ್‌ಮೆಂಟ್ ರಿಂಗ್ ಎನ್ನಲಾಗಿದೆ. ನೀಲಮಣಿ ಮತ್ತು ವಜ್ರಗಳನ್ನು ಒಳಗೊಂಡಿರುವ ಕತ್ರಿನಾ ಕೈಫ್ ತೊಟ್ಟಿದ್ದ ಆ ಉಂಗುರ ಪ್ರಿನ್ಸೆಸ್ ಡಯಾನಾ ಅವರ ಐಕಾನಿಕ್ ನೀಲಮಣಿ ಉಂಗುರದಿಂದ ಪ್ರೇರಿತವಾಗಿದೆ. ಇದರ ಬೆಲೆ ಬರೋಬ್ಬರಿ 7.41 ಲಕ್ಷ ರೂಪಾಯಿ ಎಂದು ವರದಿಯಾಗಿದೆ.