ಕರ್ನಾಟಕದಲ್ಲಿ ಬುಧವಾರ 4,246 ಕೊರೊನಾ ಹೊಸ ಕೇಸ್..! ಬೆಂಗಳೂರಲ್ಲೇ 3,605 ಪ್ರಕರಣ..!

ಬೆಂಗಳೂರು: ಕರ್ನಾಟಕ ರಾಜ್ಯಾದ್ಯಂತ ಕೋವಿಡ್ ಮೂರನೇ ಅಲೆಯ ಆರ್ಭಟ ಜೋರಾಗಿದ್ದು, ಬುಧವಾರ ಒಟ್ಟು 4,246 ಕೊರೊನಾ ವೈರಸ್ ಸೋಂಕು ಪ್ರಕರಣಗಳು ಪತ್ತೆಯಾಗಿವೆ. ಈ ಮೂಲಕ ಕರ್ನಾಟಕ ರಾಜ್ಯದಲ್ಲಿ ಈವರೆಗೆ ದೃಢಪಟ್ಟ ಒಟ್ಟು ಕೊರೊನಾ ವೈರಸ್ ಸೋಂಕಿತರ ಸಂಖ್ಯೆ 30,17,572 ಕ್ಕೆ ಏರಿಕೆ ಕಂಡಿದೆ.

ಬುಧವಾರ ಕೂಡಾ 362 ಕೊರೊನಾ ಸೋಂಕಿತರು ಗುಣಮುಖರಾಗಿ ಡಿಸ್ಚಾರ್ಜ್ ಆಗಿದ್ದಾರೆ. ರಾಜ್ಯಾದ್ಯಂತ ಇದುವರೆಗೂ ಗುಣಮುಖರಾಗಿ ಡಿಸ್ಚಾರ್ಜ್ ಆದವರ ಒಟ್ಟು ಸಂಖ್ಯೆ 29,61,772ಕ್ಕೆ ಏರಿಕೆ ಕಂಡಿದೆ.

ಕೊರೊನಾ ಆತಂಕ ಮೂಡಿಸಿದ ‘ಓಂ ಶಕ್ತಿ’ ಪ್ರವಾಸ..! ತಮಿಳುನಾಡಿನಿಂದ ಬಂದ ಭಕ್ತರ ತಪಾಸಣೆ..
ರಾಜ್ಯದಲ್ಲಿನ ಕೊರೊನಾ ವೈರಸ್ ಸೋಂಕಿನ ಸಕ್ರಿಯ ಪ್ರಕರಣಗಳ ಸಂಖ್ಯೆ 17,414ಕ್ಕೆ ಏರಿಕೆ ಕಂಡಿದೆ. ಚಿಕಿತ್ಸೆ ಫಲಿಸದೇ ಬುಧವಾರ ಕೂಡಾ ಇಬ್ಬರು ಕೊರೊನಾ ಸೋಂಕಿತರು ಸಾವನ್ನಪ್ಪಿದ್ದಾರೆ. ರಾಜ್ಯಾದ್ಯಂತ ಇಲ್ಲಿಯವರೆಗೆ ಕೊರೊನಾ ಸೋಂಕಿನಿಂದಾಗಿ ಸಾವನ್ನಪ್ಪಿದವರ ಒಟ್ಟು ಸಂಖ್ಯೆ 38,357ಕ್ಕೆ ಏರಿಕೆ ಕಂಡಿದೆ.

ರಾಜ್ಯದ ಒಟ್ಟಾರೆ ಕೋವಿಡ್ ಪಾಸಿಟಿವಿಟಿ ಪ್ರಮಾಣ ಶೇ. 3.33ಕ್ಕೆ ಏರಿಕೆ ಕಂಡಿದ್ದರೆ, ಬೆಂಗಳೂರು ನಗರ ಜಿಲ್ಲೆಯ ಪಾಸಿಟಿವಿಟಿ ಪ್ರಮಾಣ ಶೇ. 6.45ಗೆ ಏರಿಕೆ ಕಂಡಿದೆ. ಮರಣ ಪ್ರಮಾಣ ರಾಜ್ಯದಲ್ಲಿ 0.04ರಷ್ಟಿದೆ. ಇನ್ನು ರಾಜ್ಯದಲ್ಲಿ ಈವರೆಗೆ ದೃಢಪಟ್ಟ ಓಮಿಕ್ರಾನ್ ಕೇಸ್‌ಗಳ ಸಂಖ್ಯೆ 226ಕ್ಕೆ ಏರಿಕೆ ಕಂಡಿದೆ..!

ರಾಜ್ಯದಲ್ಲಿ ವೀಕೆಂಡ್‌ ಕರ್ಫ್ಯೂ ಜಾರಿ, ನೈಟ್‌ ಕರ್ಫ್ಯೂ ವಿಸ್ತರಣೆ; ಇಲ್ಲಿದೆ ಮಾರ್ಗಸೂಚಿ ಪೂರ್ಣ ವಿವರ
ಜಿಲ್ಲಾವಾರು ಲೆಕ್ಕಾಚಾರ: ರಾಜ್ಯದಲ್ಲಿ ದೃಢಪಟ್ಟ ಒಟ್ಟು ಕೊರೊನಾ ಪ್ರಕರಣಗಳ ಪೈಕಿ, ರಾಜಧಾನಿ ಬೆಂಗಳೂರು ನಗರ ಜಿಲ್ಲೆಯದ್ದೇ ಸಿಂಹಪಾಲು..! ಬೆಂಗಳೂರಿನಲ್ಲಿ ಬುಧವಾರ ಒಂದೇ ದಿನ ಒಟ್ಟು 3,605 ಕೊರೊನಾ ಸೋಂಕು ಪ್ರಕರಣಗಳು ದೃಢಪಟ್ಟಿವೆ. ಇನ್ನು ದಕ್ಷಿಣ ಕನ್ನಡ 111, ಉಡುಪಿ 88, ಮೈಸೂರು 59, ತುಮಕೂರು 43, ಮಂಡ್ಯ 36, ಬಳ್ಳಾರಿ 34, ಬೆಳಗಾವಿ 31, ಕಲಬುರಗಿ 28, ಧಾರವಾಡ 26, ಕೋಲಾರ 24, ಶಿವಮೊಗ್ಗ 22, ಹಾಸನ 20, ಕೊಡಗು 20, ಬೆಂಗಳೂರು ಗ್ರಾಮಾಂತರ 19, ಉತ್ತರಕನ್ನಡ 17, ವಿಜಯಪುರ 14 ಹಾಗೂ ಚಿಕ್ಕಮಗಳೂರು ಜಿಲ್ಲೆಯಲ್ಲಿ 12 ಪ್ರಕರಣಗಳು ಬುಧವಾರ ದೃಢಪಟ್ಟಿವೆ.

ಇನ್ನುಳಿದಂತೆ ಬಾಗಲಕೋಟೆ 06, ಬೀದರ್ 03, ಚಾಮರಾಜನಗರ 02, ಚಿಕ್ಕಬಳ್ಳಾಪುರ 08, ಚಿತ್ರದುರ್ಗ 06, ದಾವಣಗೆರೆ 03, ರಾಮನಗರ 04 ಹಾಗೂ ಗದಗದಲ್ಲಿ 05 ಪ್ರಕರಣಗಳು ದೃಢಪಟ್ಟಿವೆ.

ಹಾವೇರಿ, ಕೊಪ್ಪಳ, ರಾಯಚೂರು ಹಾಗೂ ಯಾದಗಿರಿ ಜಿಲ್ಲೆಗಳಲ್ಲಿ ಬುಧವಾರ ಯಾವುದೇ ಹೊಸ ಕೊರೊನಾ ಸೋಂಕು ಪ್ರಕರಣ ದೃಢಪಟ್ಟಿಲ್ಲ.

ಯುವ ಸಮುದಾಯಕ್ಕೆ ಕೊರೊನಾ ಲಸಿಕೆ: ಮೊದಲ ದಿನದ ಗುರಿ 6.38 ಲಕ್ಷ, ಸಾಧನೆ 4.03 ಲಕ್ಷ