ಹೊಸ ಇತಿಹಾಸ ಸೃಷ್ಟಿಸಿದ ‘ಪುಷ್ಪ’: 5 ಮಿಲಿಯನ್ ಟಿಕೆಟ್ಸ್ ಸೋಲ್ಡ್ ಔಟ್!

ಟಾಲಿವುಡ್‌ನ ಸ್ಟೈಲಿಶ್ ಸ್ಟಾರ್, ಐಕಾನ್ ಸ್ಟಾರ್ ಅಲ್ಲು ಅರ್ಜುನ್ (Allu Arjun), ರಶ್ಮಿಕಾ ಮಂದಣ್ಣ (Rashmika Mandanna), ಧನಂಜಯ, ಫಹಾದ್ ಫಾಸಿಲ್ ಅಭಿನಯದ ಸಿನಿಮಾ ‘ಪುಷ್ಪ: ದಿ ರೈಸ್’ (Pushpa: The Rise). ಸುಕುಮಾರ್ ನಿರ್ದೇಶನದ ‘ಪುಷ್ಪ: ದಿ ರೈಸ್’ ಚಿತ್ರದ ಬಗ್ಗೆ ಮೊದಮೊದಲು ನೆಗೆಟಿವ್ ಕಾಮೆಂಟ್ಸ್ ಕೇಳಿಬಂತು. ಆದರೆ, ಯಾರು ಏನೇ ಹೇಳಿದರೂ.. ‘ಪುಷ್ಪ: ದಿ ರೈಸ್’ ಚಿತ್ರದ ನಾಗಾಲೋಟವನ್ನು ತಪ್ಪಿಸಲು ಯಾರಿಂದಲೂ ಸಾಧ್ಯವಾಗಿಲ್ಲ.

ಬಾಕ್ಸ್‌ ಆಫೀಸ್ ಕಲೆಕ್ಷನ್ ವಿಚಾರದಲ್ಲಿ ಹೊಸ ದಾಖಲೆ ಸೃಷ್ಟಿ ಮಾಡಿರುವ ‘ಪುಷ್ಪ: ದಿ ರೈಸ್’ ಸಿನಿಮಾ ಟಿಕೆಟ್ ವಿಷಯದಲ್ಲೂ ಹೊಸ ಇತಿಹಾಸ ಸೃಷ್ಟಿ ಮಾಡಿದೆ. ಬುಕ್ ಮೈ ಶೋ ವೆಬ್ ತಾಣದಲ್ಲಿ ‘ಪುಷ್ಪ: ದಿ ರೈಸ್’ ಸಿನಿಮಾದ 5 ಮಿಲಿಯನ್‌ಗೂ ಅಧಿಕ ಟಿಕೆಟ್‌ಗಳು ಸೇಲ್ ಆಗಿವೆ. ಆ ಮೂಲಕ 2021 ರಲ್ಲಿ ಅತಿ ಹೆಚ್ಚು ಟಿಕೆಟ್ಸ್ ಸೇಲ್ ಆದ ಭಾರತೀಯ ಸಿನಿಮಾ ಎಂಬ ಖ್ಯಾತಿಗೆ ‘ಪುಷ್ಪ: ದಿ ರೈಸ್’ ಸಿನಿಮಾ ಪಾತ್ರವಾಗಿದೆ.

‘ಪುಷ್ಪ’ ಪಾರ್ಟ್‌ 2ರಲ್ಲಿ ‘ಡಾಲಿ’ ಧನಂಜಯ್ ನಟಿಸುತ್ತಾರೋ, ಇಲ್ಲವೋ? ಸುಕುಮಾರ್‌ ನೀಡಿದ್ರು ಸ್ಪಷ್ಟನೆ
ಟ್ವೀಟ್ ಮಾಡಿದ ಮೈತ್ರಿ ಮೂವಿ ಮೇಕರ್ಸ್
‘’ಪುಷ್ಪ: ದಿ ರೈಸ್’ ಚಿತ್ರದ 5 ಮಿಲಿಯನ್ ಟಿಕೆಟ್‌ಗಳು ಬುಕ್ ಮೈ ಶೋ ವೆಬ್‌ ತಾಣದಲ್ಲಿ ಸೇಲ್ ಆಗಿವೆ. ಪುಷ್ಪ ಬಾಕ್ಸ್ ಆಫೀಸ್ ಸೆನ್ಸೇಷನ್ ಆಗಿದೆ’’ ಎಂದು ನಿರ್ಮಾಣ ಸಂಸ್ಥೆ ಮೈತ್ರಿ ಮೂವಿ ಮೇಕರ್ಸ್ ಟ್ವೀಟ್ ಮಾಡಿದೆ.

Pushpa 3 Days Collection: ಮೂರು ದಿನಗಳಲ್ಲಿ ‘ಪುಷ್ಪ’ ಕಲೆಕ್ಷನ್ 173 ಕೋಟಿ..!
300 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿರುವ ‘ಪುಷ್ಪ: ದಿ ರೈಸ್’
ಬಿಡುಗಡೆಯಾದ 15 ದಿನಗಳಲ್ಲಿ ‘ಪುಷ್ಪ: ದಿ ರೈಸ್’ ಸಿನಿಮಾ ಬರೋಬ್ಬರಿ 300 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿತ್ತು. ಹಿಂದಿ, ತೆಲುಗು, ತಮಿಳು, ಕನ್ನಡ, ಮಲಯಾಳಂ ಭಾಷೆಗಳಲ್ಲಿ ಒಟ್ಟಾರೆಯಾಗಿ ವಿಶ್ವದಾದ್ಯಂತ ಎರಡು ವಾರಗಳಲ್ಲಿ ‘ಪುಷ್ಪ: ದಿ ರೈಸ್’ ಸಿನಿಮಾ 300 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿ ಮುನ್ನುಗ್ಗುತ್ತಿದೆ.

‘ಪುಷ್ಪ’ ಹಾಡಿನಲ್ಲಿ ಬೋಲ್ಡ್ ಆಗಿ ಕುಣಿದು ‘ಸೆಕ್ಸಿ ಆಗಿರೋದು ನೆಕ್ಸ್ಟ್ ಲೆವೆಲ್ ಕಷ್ಟ’ ಎಂದ ನಟಿ ಸಮಂತಾ
ಹಿಂದಿಯಲ್ಲೂ ದಾಖಲೆ ಬರೆದ ‘ಪುಷ್ಪ: ದಿ ರೈಸ್’
ಬಿಡುಗಡೆಯಾದ 15 ದಿನಗಳಲ್ಲಿ ‘ಪುಷ್ಪ: ದಿ ರೈಸ್’ ಚಿತ್ರದ ಹಿಂದಿ ವರ್ಷನ್ 47.09 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದೆ. ಆ ಮೂಲಕ ‘ಕೆಜಿಎಫ್: ಚಾಪ್ಟರ್ 1’ ಚಿತ್ರವನ್ನು ‘ಪುಷ್ಪ: ದಿ ರೈಸ್’ ಹಿಂದಿಕ್ಕಿತು.

ಪ್ರತಿಯೊಬ್ಬರಿಗೂ ಉಡುಗೊರೆ
ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಬಿಡುಗಡೆಯಾಗಿರುವ ‘ಪುಷ್ಪ: ದಿ ರೈಸ್’ ಸಿನಿಮಾ ನಿರ್ಮಾಪಕರ ಜೇಬು ತುಂಬಿಸುತ್ತಿದೆ. ಹೀಗಾಗಿ, ಚಿತ್ರಕ್ಕಾಗಿ ಕೆಲಸ ಮಾಡಿದ ಪ್ರತಿಯೊಬ್ಬರಿಗೂ ನಿರ್ದೇಶಕ ಸುಕುಮಾರ್ ಭರ್ಜರಿ ಉಡುಗೊರೆಯನ್ನೇ ನೀಡಲಿದ್ದಾರೆ. ಸಿನಿಮಾಕ್ಕೆ ಕೆಲಸ ಮಾಡಿದ ಸೆಟ್ ಬಾಯ್ಸ್, ಆರ್ಟ್ ಡಿಪಾರ್ಟ್‌ಮೆಂಟ್‌ನ ಸದಸ್ಯರಿಗೆ, ಲೈಟ್ ಬಾಯ್ಸ್‌ಗೆ.. ಹೀಗೆ ಸಿನಿಮಾಗಾಗಿ ಹಗಲು ರಾತ್ರಿ ಎನ್ನದೇ ಕೆಲಸ ಮಾಡಿದ ತಂಡದ ಪ್ರತಿಯೊಬ್ಬ ಸದಸ್ಯರಿಗೆ ವೈಯಕ್ತಿಕವಾಗಿ ತಲಾ ಒಂದು ಲಕ್ಷ ರೂಪಾಯಿ ನೀಡುವುದಾಗಿ ಸುಕುಮಾರ್ ಘೋಷಣೆ ಮಾಡಿದ್ದಾರೆ.