ಹೈಲೈಟ್ಸ್‌:
- ದೇಶದ ಜನತೆಗೆ 2022 ಹೊಸ ವರ್ಷದ ಶುಭಾಶಯ ತಿಳಿಸಿದ ಪ್ರಧಾನಿ ಮೋದಿ
- ಪ್ರಗತಿ ಮತ್ತು ಸಮೃದ್ಧತೆಯ ಹೊಸ ಉನ್ನತಿಯತ್ತ ಸಾಗುವುದನ್ನು ಮುಂದುವರಿಸೋಣ
- ನಮ್ಮ ಕನಸುಗಳು ನಮಗೆ ಸೀಮಿತವಲ್ಲ, ನಮ್ಮ ಸಮಾಜ ಮತ್ತು ದೇಶಕ್ಕಾಗಿ ಇರಬೇಕು
ತಮ್ಮ ಟ್ವೀಟ್ ಜತೆಗೆ ಅವರು ಇತ್ತೀಚಿನ ‘ಮನ್ ಕಿ ಬಾತ್‘ ಆವೃತ್ತಿಯ ತುಣುಕೊಂದನ್ನು ಹಂಚಿಕೊಂಡಿದ್ದಾರೆ. ಅದರಲ್ಲಿ ಅವರು ಜನರಿಗೆ ‘ದೊಡ್ಡದಾಗಿ ಆಲೋಚಿಸಿ, ದೊಡ್ಡ ಕನಸು ಕಾಣಿ ಮತ್ತು ದೇಶವನ್ನು ಅಭಿವೃದ್ಧಿಯ ಹೊಸ ಉನ್ನತಿಗೆ ಕೊಂಡೊಯ್ಯಲು ತಮ್ಮನ್ನು ಸಮರ್ಪಿಸಿಕೊಳ್ಳಬೇಕು ಮತ್ತು ನವ ಭಾರತ ನಿರ್ಮಾಣದಲ್ಲಿ 2022 ಅನ್ನು ಸುವರ್ಣ ಪುಟವನ್ನಾಗಿ ಮಾಡಬೇಕು’ ಎಂದು ಮನವಿ ಮಾಡಿದ್ದರು.
ಬೆಂಗಳೂರು: ಓಮಿಕ್ರಾನ್‌ ಭೀತಿ ನಡುವೆಯೂ ಹೊಸ ವರ್ಷದ ಸಂಭ್ರಮ
‘ನಮ್ಮ ಕನಸುಗಳು ನಮಗೆ ಮಾತ್ರ ಸೀಮಿತವಾಗಿ ಇರುವುದಿಲ್ಲ. ನಮ್ಮ ಕನಸುಗಳು ನಮ್ಮ ಸಮಾಜ ಮತ್ತು ದೇಶದ ಅಭಿವೃದ್ಧಿಗೆ ಸಂಬಂಧಿಸಿದಂತೆ ಇರಬೇಕು’ ಎಂದು ಪ್ರಧಾನಿ ತಮ್ಮ ರೇಡಿಯೋ ಭಾಷಣದಲ್ಲಿ ಹೇಳಿದ್ದರು.
‘ನಾವು ದೇಶವನ್ನು ಅಭಿವೃದ್ಧಿಯ ಹೊಸ ಎತ್ತರಕ್ಕೆ ಕೊಂಡೊಯ್ಯಬೇಕು. ಅದಕ್ಕಾಗಿ ನಾವು ನಮ್ಮ ಸಂಪನ್ಮೂಲಗಳನ್ನು ಬಳಸಿಕೊಳ್ಳಬೇಕಿದೆ. ಇದು ಸ್ವಾವಲಂಬಿ ಭಾರತದ ನಿರ್ಮಾಣಕ್ಕೆ ಒಂದು ಮಾರ್ಗ, ಒಂದು ಮಂತ್ರ’ ಎಂದು ತಿಳಿಸಿದ್ದರು.
ನಮ್ಮ ಸಂಪನ್ಮೂಲಗಳನ್ನು ಸಮರ್ಪಕವಾಗಿ ಬಳಸಿಕೊಳ್ಳುವುದರಿಂದ ಮಾತ್ರವೇ ನಾವು ಸ್ಥಳೀಯ ಶಕ್ತಿಯನ್ನು ಗುರುತಿಸಲು ಸಾಧ್ಯ ಹಾಗೂ ನಮ್ಮ ದೇಶವನ್ನು ಸ್ವಾವಲಂಬಿಯನ್ನಾಗಿ ಮಾಡಬಹುದು. ನಮ್ಮ ಪ್ರಗತಿಯು ದೇಶದ ಪ್ರಗತಿಯ ಮಾರ್ಗಗಳನ್ನು ತೆರೆಯಲಿದೆ. ನಾವು ಯಾವುದೇ ಸಮಯ ಮತ್ತು ಅಂಶವನ್ನು ವ್ಯರ್ಥ ಮಾಡದೆಯೇ ಈಗಿನಿಂದಲೇ ಶುರು ಮಾಡಬೇಕಾಗುತ್ತದೆ ಎಂದು ಹೇಳಿದ್ದರು.