ಹೈಲೈಟ್ಸ್‌:
- EPFO ಪೋರ್ಟಲ್ ನಲ್ಲಿ ತಾಂತ್ರಿಕ ಸಮಸ್ಯೆ ಬಗ್ಗೆ ದೂರುಗಳು ಬಂದ ಹಿನ್ನೆಲೆಯಲ್ಲಿ ಗಡುವು ವಿಸ್ತರಣೆ
- ಇ-ನಾಮಿನೇಷನ್ ಸಲ್ಲಿಕೆಗೆ ಕೊನೆಯ ದಿನಾಂಕವನ್ನುಇನ್ನೂ ಬಹಿರಂಗಪಡಿಸಿಲ್ಲ
- ಇಪಿಎಫ್ಒ ಇ-ನಾಮಿನೇಷನ್ ಸಲ್ಲಿಕೆಗೆ ಈ ಹಿಂದೆ ಡಿಸೆಂಬರ್ 31 ಕೊನೆಯ ದಿನಾಂಕವಾಗಿತ್ತು
ಇಪಿಎಫ್ಒ (EPFO) ಪೋರ್ಟಲ್ ನಲ್ಲಿನ ತಾಂತ್ರಿಕ ದೋಷಗಳ ಬಗ್ಗೆ ಅನೇಕರು ದೂರಿದ್ದರು.ಈ ಹಿನ್ನೆಲೆಯಲ್ಲಿ ಡಿಸೆಂಬರ್ 31ರ ಬಳಿಕವೂ ಇ-ನಾಮಿನೇಷನ್ ಸಲ್ಲಿಕೆ ಮಾಡಲು ಅವಕಾಶ ನೀಡಲಾಗುವುದುಎಂದು EPFO ಟ್ವೀಟ್ ಮೂಲಕ ಮಾಹಿತಿ ನೀಡಿದೆ. ಆದ್ರೆ ನಾಮಿನಿ ಸೇರ್ಪಡೆಗೆ ನಿರ್ದಿಷ್ಟ ಕೊನೆಯ ದಿನಾಂಕವನ್ನು ಇನ್ನೂ ಬಹಿರಂಗಪಡಿಸಿಲ್ಲ.ಇಪಿಎಫ್ ಗೆ ಇ-ನಾಮಿನೇಷನ್ ಸೇರ್ಪಡೆ ಅವಧಿ ವಿಸ್ತರಿಸಿದ್ದರೂ ಪಿಎಫ್ ಖಾತೆದಾರರು ಆದಷ್ಟು ಬೇಗ ಈ ಕೆಲಸವನ್ನು ಮಾಡಿ ಮುಗಿಸುವಂತೆ EPFO ಟ್ವೀಟ್ ಮೂಲಕ ಮನವಿ ಮಾಡಿದೆ.
ಆದರೆ, ನಿಗದಿತ ಗಡುವಿನೊಳಗೆ, ಅಂದರೆ ಡಿಸೆಂಬರ್ 31ರೊಳಗೆ ಇ- ನಾಮಿನೇಷನ್ ಮಾಡಿದರೆ ನಿಮಗೆ ಸರಳ ರೀತಿಯಲ್ಲಿ ಪ್ರಕ್ರಿಯೆ ನಡೆಯಲಿದೆ. ನೀವು ಎಷ್ಟು ಶೀಘ್ರವಾಗಿ ಇ ನಾಮಿನಿಯನ್ನು ಸೇರ್ಪಡೆ ಮಾಡಿಕೊಳ್ಳುತ್ತೀರೋ ನಿಮಗೆ ಪಿಎಫ್ ಪಡೆಯಲು, ಪಿಂಚಣಿ ಪಡೆಯಲು, ವಿಮೆ ಪಡೆಯಲು ಅಷ್ಟು ಸುಲಭವಾಗಲಿದೆ. ನೀವು ಆನ್ಲೈನ್ ಮೂಲಕವೂ ಇ- ನಾಮಿನಿಯನ್ನು ಸೇರ್ಪಡೆ ಮಾಡಬಹುದು.
ಇಪಿಎಫ್ ಖಾತೆದಾರರು ಆನ್‌ಲೈನ್‌ನಲ್ಲೇ ನಾಮಿನಿ ಬದಲಿಸುವುದು ಹೇಗೆ? ಇಲ್ಲಿದೆ ಮಾಹಿತಿ!
ಇಪಿಎಫ್ ಇ-ನಾಮಿನೇಷನ್ ಹೇಗೆ?
- ಇಪಿಎಫ್ಒ ವೆಬ್‌ಸೈಟ್‌ಗೆ ಹೋಗಿ ಸರ್ವಿಸ್ ಸೆಕ್ಷನ್‌ನಲ್ಲಿ ಫಾರ್ ಎಂಪ್ಲಾಯೀಸ್ ಕ್ಲಿಕ್ ಮಾಡಿ.
- ಈಗ UAN/ಆನ್ಲೈನ್ ಸೇವೆ (OCS/OTCP)’ ಮೇಲೆ ಕ್ಲಿಕ್ ಮಾಡಿ.
- ಈಗ UAN ಮತ್ತು ಪಾಸ್‌ವರ್ಡ್ ನಮೂದಿಸುವ ಮೂಲಕ ಲಾಗ್ ಇನ್ ಮಾಡಿ.
- ಇ-ನಾಮಿನೇಷನ್’ ಆಯ್ಕೆಮಾಡಿ.
- ಅದರ ನಂತರ ವಿವರಗಳನ್ನು ಒದಗಿಸುವಂತೆ ಕೇಳಲಾಗುತ್ತದೆ. ಇಲ್ಲಿ ವಿವರಗಳನ್ನು ಭರ್ತಿ ಮಾಡಿ, ನಂತರ ಸೇವ್ ಮಾಡಿ.
- ಕುಟುಂಬದ ಮಾಹಿತಿಯನ್ನು ಅಪ್ಡೇಟ್ ಮಾಡಲು “ಎಸ್” ಮೇಲೆ ಕ್ಲಿಕ್ ಮಾಡಿ.
- ಈಗ Add Family Details ಮೇಲೆ ಕ್ಲಿಕ್ ಮಾಡಿ. ಒಂದಕ್ಕಿಂತ ಹೆಚ್ಚು ನಾಮಿನಿಯನ್ನು ಕೂಡ ಸೇರಿಸಬಹುದು.
- ನಾಮಿನಿ ಹಂಚಿಕೊಳ್ಳುವ ಮೊತ್ತವನ್ನು ಘೋಷಿಸಲು Enrollment details’ ಮೇಲೆ ಕ್ಲಿಕ್ ಮಾಡಿ. ವಿವರಗಳನ್ನು ನಮೂದಿಸಿದ ನಂತರ, ‘Save EPF Enrollment’ ಮೇಲೆ ಕ್ಲಿಕ್ ಮಾಡಿ.
- ಒಟಿಪಿ ಜನರೆಟ್ ಮಾಡಲು ‘ಇ-ಸೈನ್’ ಮೇಲೆ ಕ್ಲಿಕ್ ಮಾಡಿ. ಆಧಾರ್ ಗೆ ಲಿಂಕ್ ಮಾಡಿರುವ ಮೊಬೈಲ್ ಸಂಖ್ಯೆಗೆ ಒಟಿಪಿ ಕಳುಹಿಸಲಾಗುತ್ತದೆ.
- ಒಟಿಪಿಯನ್ನು ನಿರ್ದಿಷ್ಟ ಜಾಗದಲ್ಲಿ ನಮೂದಿಸಿ ಸಬ್ಮಿಟ್ ಮಾಡಿ.
ಉದ್ಯೋಗ ಬದಲಿಸುವಾಗ ಪಿಎಫ್ ಖಾತೆ ವರ್ಗಾಯಿಸಬೇಕಿಲ್ಲ: ಬರಲಿದೆ ಹೊಸ ಸೌಲಭ್ಯ
ನಾಮಿನಿ ಏಕೆ ಅಗತ್ಯ?
ಕೆಲವರು ಉದ್ಯೋಗ ಸಿಕ್ಕ ಸಂದರ್ಭದಲ್ಲಿ ಇಪಿಎಫ್ ಗೆ ಸೇರ್ಪಡೆಗೊಳ್ಳುವಾಗ ನಾಮಿನಿ ಹೆಸರನ್ನು ಸೇರಿಸೋದಿಲ್ಲ. ಇದ್ರಿಂದ ಪಿಎಫ್ ಖಾತೆದಾರ ಅಕಾಲಿಕಾ ಮರಣ ಹೊಂದಿದ ಸಂದರ್ಭದಲ್ಲಿಆತನ ಪಿಎಫ್ ಖಾತೆಯಲ್ಲಿರೋ ಹಣ ಹಿಂಪಡೆಯಲು ಕುಟುಂ ಸದಸ್ಯರು ಪರದಾಡಬೇಕಾಗುತ್ತದೆ. ಅಲ್ಲದೆ, ವಿಮೆ ಸೇರಿದಂತೆ ಕೆಲವು ಸೌಲಭ್ಯಗಳು ಕೂಡ ಸಿಗೋದಿಲ್ಲ.
ಅದೇ ಪಿಎಫ್ ಗೆ ನಾಮಿನಿ ಸೇರ್ಪಡೆ ಮಾಡಿದ್ರೆ ಒಂದು ವೇಳೆ ಪಿಎಫ್ ಖಾತೆದಾರ ಅಕಾಲಿಕಾ ಮರಣ ಹೊಂದಿದ್ರೆ ಆತನ ನಾಮಿನಿಗೆ ವಿಮೆ ಹಾಗೂ ಪಿಎಫ್ ನ ಇತರ ಸೌಲಭ್ಯಗಳು ಸಿಗುತ್ತವೆ. ಆದಕಾರಣ ಪಿಎಫ್ ಗೆ ನಾಮಿನಿ ಸೇರಿಸೋದು ಅಷ್ಟೊಂದು ಮುಖ್ಯವಾದ ಕೆಲಸವಲ್ಲ ಎಂದು ಭಾವಿಸಿ ನಿರ್ಲಕ್ಷ್ಯ ಮಾಡಬೇಡಿ. ಇದ್ರಿಂದ ಮುಂದೆ ನಿಮ್ಮನ್ನೇ ನಂಬಿಕೊಂಡಿರೋ ಕುಟುಂಬ ಸದಸ್ಯರು ತೊಂದರೆ ಅನುಭವಿಸೋ ಸಾಧ್ಯತೆ ಇರುತ್ತದೆ.
ಇಪಿಎಫ್ ಗೆ ಒಂದಕ್ಕಿಂತ ಹೆಚ್ಚು ನಾಮಿನಿಗಳನ್ನು ಸೇರ್ಪಡೆ ಮಾಡಲು ಕೂಡ ಅವಕಾಶವಿದೆ. ‘ ಪಿಎಫ್ ಚಂದಾದಾರರು ಆನ್ಲೈನ್ ಪಿಎಫ್, ಪಿಂಚಣಿ (pension)ಹಾಗೂ ಇನ್ಯುರೆನ್ಸ್(insurance) ಸೇವೆಗಳ ಮೂಲಕ ತಮ್ಮ ಸಂಗಾತಿ(Spouse), ಮಕ್ಕಳು(Children) ಹಾಗೂ ಪೋಷಕರನ್ನು(Parents) ಸಂರಕ್ಷಿಸಲು ನಾಮಿನೇಷನ್(Nomination) ನೋಂದಣಿ ಮಾಡೋದು ಅತೀಮುಖ್ಯ’ ಎಂದು EPFO ತಿಳಿಸಿದೆ. EPFO ಅಧಿಕೃತ ವೆಬ್ ಸೈಟ್ epfindia.gov.in ನಲ್ಲಿಇ-ನಾಮಿನೇಷನ್ ಸಲ್ಲಿಕೆ ಮಾಡಬಹುದು.