ಹೈಲೈಟ್ಸ್‌:
- ಬೆಂಗಳೂರಿನಲ್ಲಿ ನಡೆಯುತ್ತಿರುವ 8ನೇ ಆವೃತ್ತಿಯ ಪ್ರೊ ಕಬಡ್ಡಿ ಲೀಗ್.
- ಅಜೇಯ ಓಟದೊಂದಿಗೆ ಅಗ್ರಸ್ಥಾನದಲ್ಲಿ ಮುಂದುವರಿದ ದಿಲ್ಲಿ ತಂಡ
- ಬರೋಬ್ಬರಿ 24 ಅಂಕ ಕಲೆಹಾಕಿದ ದಿಲ್ಲಿ ರೇಡರ್‌ ನವೀನ್‌ ಕುಮಾರ್‌.
ವೈಟ್‌ಫೀಲ್ಡ್‌ನ ಶೆರ್ಟನ್‌ ಗ್ರ್ಯಾಂಡ್‌ ಹೋಟೆಲ್‌ ಸಭಾಂಗಣದಲ್ಲಿ ಬುಧವಾರ ನಡೆದ ಮೊದಲ ಪಂದ್ಯದಲ್ಲಿ ಅಬ್ಬರಿಸಿದ ದಬಾಂಗ್‌ 52-35 ಅಂಕಗಳಿಂದ ಬೆಂಗಾಲ್‌ ತಂಡವನ್ನು ಸೋಲಿಸಿ ಅಜೇಯ ದಾಖಲೆ ಮುಂದುವರಿಸಿತು. ಸದ್ಯ 18 ಅಂಕ ಹೊಂದಿರುವ ದಿಲ್ಲಿ 12 ತಂಡಗಳಿರುವ ಅಂಕಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
ನವೀನ್‌ ಕುಮಾರ್‌ ಅವರ ಚುರುಕಿನ ರೇಡಿಂಗ್‌ ಬಲದಿಂದ ಪಂದ್ಯದ ಮೊದಲ ಹತ್ತು ನಿಮಿಷಗಳಲ್ಲೇ 2 ಬಾರಿ ವಾರಿಯರ್ಸ್‌ ಅಂಗಣವನ್ನು ಖಾಲಿ ಮಾಡಿಸಿದ ದಬಾಂಗ್‌ ಆಟಗಾರರು 17-5ರಲ್ಲಿ ಮುನ್ನಡೆ ಕಾಯ್ದುಕೊಂಡರು. ನಂತರವೂ ಅಧಿಕಾರಯುತ ಪ್ರದರ್ಶನ ತೋರಿದ ದಿಲ್ಲಿ ಪಡೆ, ಪ್ರಥಮಾರ್ಧದ ಮುಕ್ತಾಯಕ್ಕೆ 33-15 ಅಂಕಗಳಿಂದ ಭಾರಿ ಮುನ್ನಡೆ ಕಾಯ್ದುಕೊಂಡಿತು.
ಹರಿಯಾಣ ಸ್ಟೀಲರ್ಸ್‌, ಪಟನಾ ಪೈರೇಟ್ಸ್‌ಗೆ ಒಲಿದ ಜಯ!
ಆರಂಭಿಕ ಮುನ್ನಡೆಯಿಂದ ಇನ್ನಷ್ಟು ಆತ್ಮವಿಶ್ವಾಸ ಹೆಚ್ಚಿಸಿಕೊಂಡ ದಬಾಂಗ್‌, ದ್ವಿತೀಯಾರ್ಧದಲ್ಲೂ ಆಲ್‌ರೌಂಡ್‌ ಪ್ರದರ್ಶನ ನೀಡಿ ಗೆಲುವಿನ ಅಂತರವನ್ನು ಹಿಗ್ಗಿಸಿಕೊಂಡಿತು. ಅತ್ತ ಸತತ ಎರಡನೇ ಸೋಲಿಗೆ ಒಳಗಾದ ಬೆಂಗಾಲ್‌ ಪರ ನಾಯಕ ಮಣಿಂದರ್‌ ಸಿಂಗ್‌ (16 ಅಂಕ) ಮತ್ತು ಸುಖೇಶ್‌ ಹೆಗಡೆ (9 ಅಂಕ) ಹೋರಾಟ ನಡೆಸಿ ಸೋಲಿನ ಅಂತರವನ್ನು ತಗ್ಗಿಸಿದರು.
ಯೋಧಾ -ಜಯಂಟ್ಸ್‌ ರೋಚಕ ಟೈ
ದಿನದ 2ನೇ ಹಣಾಹಣಿಯಲ್ಲಿ ಸಮಬಲದ ಹೋರಾಟ ನೀಡಿದ ಯು.ಪಿ. ಯೋಧಾ ಮತ್ತು ಗುಜರಾತ್‌ ಜಯಂಟ್ಸ್‌ ತಂಡಗಳು 32-32 ಅಂಕಗಳಿಂದ ಡ್ರಾ ಸಾಧಿಸಿ ತಲಾ 3 ಅಂಕಗಳಿಗೆ ತೃಪ್ತಿಪಟ್ಟವು. ಯೋಧಾ ಪರ ಪರ್ದೀಪ್‌ ನರ್ವಾಲ್‌ 11 ಅಂಕ ಕಲೆಹಾಕಿದರೆ, ಎರಡು ಬಾರಿಯ ರನ್ನರ್ಸ್‌ಅಪ್‌ ಗುಜರಾತ್‌ ಜಯಂಟ್ಸ್‌ ಪರ ರಾಕೇಶ್‌ ನರ್ವಾಲ್‌ 13 ಅಂಕ ಗಳಿಸಿ ಜಿದ್ದಾಜಿದ್ದಿನ ಹೋರಾಟಕ್ಕೆ ಸಾಕ್ಷಿಯಾದರು.
ಯುಪಿ ಯೋಧಾ ಪಡೆಯ ಪ್ರತಿರೋಧ ಹತ್ತಿಕ್ಕಿದ ಪ್ಯಾಂಥರ್ಸ್‌!
ಗುರುವಾರದ ಪಂದ್ಯಗಳು
ಪಿಂಕ್‌ ಪ್ಯಾಂಥರ್ಸ್‌ – ಯು ಮುಂಬಾ
ಪಂದ್ಯ ಆರಂಭ (ರಾತ್ರಿ 7.30)
ಹರಿಯಾಣ ಸ್ಟೀಲರ್ಸ್‌ – ಬೆಂಗಳೂರು ಬುಲ್ಸ್‌
ಪಂದ್ಯ ಆರಂಭ (ರಾತ್ರಿ 8.30)
ಬೆಂಗಳೂರು ಬುಲ್ಸ್‌ ಪಂದ್ಯಗಳ ವೇಳಾಪಟ್ಟಿ
ಮೊದಲ ಚರಣದ ಹನ್ನೊಂದು ಪಂದ್ಯಗಳ ವಿವರ
ಬೆಂಗಳೂರು ಬುಲ್ಸ್‌ vs ಯು ಮುಂಬಾ (ಡಿ.22)
ಬೆಂಗಳೂರು ಬುಲ್ಸ್‌ vs ತಮಿಳ್‌ ತಲೈವಾಸ್‌ (ಡಿ.24)
ಬೆಂಗಳೂರು ಬುಲ್ಸ್‌ vs ಬೆಂಗಾಲ್‌ ವಾರಿಯರ್ಸ್‌ (ಡಿ.26)
ಬೆಂಗಳೂರು ಬುಲ್ಸ್‌ vs ಹರಿಯಾಣ ಸ್ಟೀಲರ್ಸ್‌ (ಡಿ.30)
ಬೆಂಗಳೂರು ಬುಲ್ಸ್‌ vs ತೆಲುಗು ಟೈಟನ್ಸ್‌ (ಜ.01)
ಬೆಂಗಳೂರು ಬುಲ್ಸ್‌ vs ಪುಣೇರಿ ಪಲ್ಟನ್‌ (ಜ.02)
ಬೆಂಗಳೂರು ಬುಲ್ಸ್‌ vs ಜೈಪುರ ಪಿಂಕ್‌ ಪ್ಯಾಂಥರ್ಸ್‌ (ಜ.06)
ಬೆಂಗಳೂರು ಬುಲ್ಸ್‌ vs ಯುಪಿ ಯೋಧಾ (ಜ.09)
ಬೆಂಗಳೂರು ಬುಲ್ಸ್‌ vs ದಬಾಂಗ್‌ ಡೆಲ್ಲಿ (ಜ.12)
ಬೆಂಗಳೂರು ಬುಲ್ಸ್‌ vs ಗುಜರಾತ್‌ ಜಯಂಟ್ಸ್‌ (ಜ.14)
ಬೆಂಗಳೂರು ಬುಲ್ಸ್‌ vs ಪಟನಾ ಪೈರೇಟ್ಸ್‌ (ಜ.16)