ಪರಸ್ಪರ ನಂಬಿಕೆ ಹೆಚ್ಚಿಸಲು
ಜ್ಯೋತಿಷ್ಯಶಾಸ್ತ್ರದ ಪ್ರಕಾರ, ವೈವಾಹಿಕ ಜೀವನವನ್ನು ಸುಧಾರಿಸಲು, 125 ಗ್ರಾಂ ಕರ್ಪೂರವನ್ನು ತೆಗೆದುಕೊಂಡು ಅದನ್ನು ಮೂರು, ಐದು ಅಥವಾ ಏಳು ಶುಕ್ರವಾರದವರೆಗೆ ಹರಿಯುವ ನೀರಿನಲ್ಲಿ ಬಿಡಬೇಕು ಇದರೊಂದಿಗೆ ಪ್ರತಿದಿನ ಮಲಗುವ ಮುನ್ನ ಕೋಣೆಯಲ್ಲಿ ಕರ್ಪೂರವನ್ನು ಹಚ್ಚಿ ಹಾಗೂ ಗಾಜಿನ ಬಾಟಲಿಗೆ ಜೇನುತುಪ್ಪವನ್ನು ತುಂಬಿಸಿ ಹಾಸಿಗೆಯ ಕೆಳಗೆ ಇಟ್ಟುಕೊಳ್ಳಬೇಕು, ಈ ರೀತಿ ಮಾಡುವುದರಿಂದ ಇಬ್ಬರ ನಡುವಿನ ಪರಸ್ಪರ ನಂಬಿಕೆಯು ಬಲಗೊಳ್ಳುತ್ತದೆ ಮತ್ತು ನಿಮ್ಮ ಸುತ್ತಲಿನ ನಕಾರಾತ್ಮಕತೆಯೂ ಕೊನೆಗೊಳ್ಳುತ್ತದೆ.
ಹೊಸ ವರ್ಷದಂದು ಈ ವಸ್ತುಗಳನ್ನು ಖರೀದಿಸಿದರೆ, ಜೀವನದಲ್ಲಿ ನೆಲೆಸುವುದು ಸುಖ- ಸಮೃದ್ಧಿ..!
ಈ ಪರಿಹಾರವನ್ನು 77ದಿನ ಮಾಡಬೇಕು
ವೈವಾಹಿಕ ಜೀವನವನ್ನು ಬಲಪಡಿಸಲು, ಸೋಮವಾರ, ಕೆಂಪು ದಾರದಲ್ಲಿ ಗೌರಿ ಶಂಕರ ರುದ್ರಾಕ್ಷವನ್ನು ಕಟ್ಟಿ ”ಓಂ ನಮಃ ಶಿವಾಯಃ” ಪಂಚಾಕ್ಷರಿಯನ್ನು ಜಪಿಸಬೇಕು ಮತ್ತು ನಂತರ ಇಬ್ಬರೂ ಅದನ್ನು ಧರಿಸಬೇಕು. ಇದರೊಂದಿಗೆ ಮನೆಯ ದೇವಸ್ಥಾನದಲ್ಲಿ ಪಾದರಸದ ಶಿವಲಿಂಗವನ್ನು ಪ್ರತಿಷ್ಠಾಪಿಸಿ ಪ್ರತಿದಿನ ಬೆಳಿಗ್ಗೆ ಕಪ್ಪು ಎಳ್ಳು ಮತ್ತು ದೇಸಿ ತುಪ್ಪದಿಂದ ಅಭಿಷೇಕ ಮಾಡಿ. ಅಭಿಷೇಕ ಮಾಡುವಾಗ ಪತಿಯು” ಓಂ ನಮಃ ಶಿವಾಯ” ಎಂಬ ಮಂತ್ರವನ್ನು ಪಠಿಸಬೇಕು ಮತ್ತು ಹೆಂಡತಿಯು ಕೇವಲ 15 ನಿಮಿಷಗಳ ಕಾಲ ‘ನಮ ಶಿವಾಯ’ ಎಂಬ ಮಂತ್ರವನ್ನು ಜಪಿಸಬೇಕು. ನೀವು ಇದನ್ನು 77 ದಿನಗಳವರೆಗೆ ಮಾಡಬೇಕು.
ಸಂಬಂಧಗಳು ಗಾಢವಾಗಲು
ಪತಿ ಪತ್ನಿಯರ ಸಂಬಂಧ ಗಟ್ಟಿಯಾಗಲು ಗುರುವಾರ ಬಾಳೆಗಿಡಕ್ಕೆ ಎಳ್ಳೆಣ್ಣೆ ಹಾಕಿ. ಹಾಗೆಯೇ ಶುಕ್ಲ ಪಕ್ಷದ ಗುರುವಾರದಂದು ಕಂಚಿನ ಬಟ್ಟಲಲ್ಲಿ ಎಣ್ಣೆಯನ್ನು ತುಂಬಿ ಅದರಲ್ಲಿ ಪತಿ-ಪತ್ನಿಯರ ಮುಖ ನೋಡಿ ಬಟ್ಟಲು ಸಮೇತ ದೇವಸ್ಥಾನಕ್ಕೆ ದಾನ ಮಾಡಬೇಕು. ಹೀಗೆ ಮಾಡುವುದರಿಂದ ದಾಂಪತ್ಯ ಜೀವನ ಮತ್ತೆ ಪ್ರಣಯಭರಿತವಾಗುತ್ತದೆ ಮತ್ತು ದಾಂಪತ್ಯ ಜೀವನದಲ್ಲಿ ಯಾವತ್ತೂ ಯಾವುದಕ್ಕೂ ಕೊರತೆ ಆಗುವುದಿಲ್ಲ.
ಅನಗತ್ಯ ಕೋಪ ಮನಸ್ಸಿನ ಶಾಂತಿ ಕೆಡಿಸುತ್ತಿದೆಯೇ..? ಇದು ಮಂಗಳ ಗ್ರಹದ ಪ್ರಭಾವವೂ ಆಗಿರಬಹುದು..! ಪರಿಹಾರ ಇಲ್ಲಿದೆ..
ಸುಮಧುರ ದಾಂಪತ್ಯ ಜೀವನಕ್ಕೆ
ವೈವಾಹಿಕ ಜೀವನವನ್ನು ಬಲಪಡಿಸಲು, ಪತಿ ಮತ್ತು ಹೆಂಡತಿ ಒಟ್ಟಿಗೆ ತೆಗೆದ ಚಿತ್ರವನ್ನು ನಿಮ್ಮ ಕೋಣೆಯ ನೈಋತ್ಯ ಮೂಲೆಯಲ್ಲಿ (ನೈಋತ್ಯದ ಕೇಂದ್ರ ಸ್ಥಳ) ಹಾಕಬೇಕು. ಇದರೊಂದಿಗೆ, ಮೂರು ಮಂಗಳವಾರದಂದು ಹತ್ತಿಯ ಮರಕ್ಕೆ ಸಿಂಧೂರವನ್ನು ಅರ್ಪಿಸಿ. ಹೀಗೆ ಮಾಡುವುದರಿಂದ ಪತಿ-ಪತ್ನಿಯರ ನಡುವಿನ ಸಂಬಂಧ ಗಟ್ಟಿಯಾಗುವುದಲ್ಲದೆ, ಕುಟುಂಬದ ಸದಸ್ಯರೊಂದಿಗಿನ ನಿಮ್ಮ ಸಂಬಂಧವೂ ಮಧುರವಾಗುತ್ತದೆ.
ವೈವಾಹಿಕ ಜೀವನದಲ್ಲಿನ ಸಮಸ್ಯೆ ನಿವಾರಿಸಲು
ವೈವಾಹಿಕ ಜೀವನದಲ್ಲಿ ಕಹಿ ನಿರಂತರವಾಗಿ ಹೆಚ್ಚಾಗುತ್ತಿದ್ದರೆ, ಕೆಂಪು ಮೆಣಸಿನಕಾಯಿಯನ್ನು ಸಂಪೂರ್ಣವಾಗಿ ಬಳಸುವುದನ್ನು ನಿಲ್ಲಿಸಿ ಮತ್ತು ಹೆಚ್ಚು ಹೆಚ್ಚು ಸೋಂಪು ಮತ್ತು ಜೇನುತುಪ್ಪವನ್ನು ಬಳಸಿ. ಹೀಗೆ ಮಾಡುವುದರಿಂದ ದಾಂಪತ್ಯ ಜೀವನದಲ್ಲಿ ಮಾಧುರ್ಯ ನೆಲೆಸಿ ಮನೆಯಲ್ಲಿ ಸುಖ ಶಾಂತಿ ನೆಲೆಸುತ್ತದೆ.
ಹಣ ಉಳಿತಾಯ ಮಾಡುವುದು ಅಸಾಧ್ಯವಾಗುತ್ತಿದೆಯೇ..? ಈ ಜ್ಯೋತಿಷ್ಯ ಪರಿಹಾರ ಪ್ರಯತ್ನಿಸಿ..
ದಾಂಪತ್ಯವು ಪ್ರೀತಿಯಿಂದ ಕೂಡಿರಲು
ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ, ಸಂಗಾತಿಯೊಂದಿಗಿನ ಸಂಬಂಧವನ್ನು ಬಲಪಡಿಸಲು, ಶುಕ್ರವಾರದಂದು, ಹಳದಿ ಅರಿಶಿನ ಗಂಟನ್ನು ನಿಮ್ಮ ಮನೆಯ ಪೂಜಾ ಸ್ಥಳ ಅಥವಾ ದೇವಾಲಯದ ನೆಲದಡಿಯಲ್ಲಿ ಹೂತುಹಾಕಿ. ಇದನ್ನು ಮಾಡುವಾಗ ಯಾರೂ ನಿಮ್ಮನ್ನು ನೋಡಬಾರದು ಎಂಬುದನ್ನು ನೆನಪಿನಲ್ಲಿಡಿ. ಹೀಗೆ ಮಾಡುವುದರಿಂದ ಇಬ್ಬರ ನಡುವೆ ಯಾವತ್ತೂ ಪ್ರೀತಿಯ ಕೊರತೆ ಉಂಟಾಗುವುದಿಲ್ಲ ಮತ್ತು ಒಬ್ಬರಿಗೊಬ್ಬರು ಸಹಾಯ ಮಾಡಲು ಸದಾ ಮುಂದಿರುತ್ತಾರೆ.