ಹೈಲೈಟ್ಸ್‌:
- ಬೇಡದ ವಿಚಾರಕ್ಕೆ ಸುದ್ದಿಯಾದ ದಿವ್ಯಾ ಸುರೇಶ್
- ನೈಟ್ ಕರ್ಫ್ಯೂ ವೇಳೆ ದಿವ್ಯಾ ಸುರೇಶ್ ರಗಳೆ
- ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಸ್ಪರ್ಧಿಸಿದ್ದ ದಿವ್ಯಾ ಸುರೇಶ್
ನೈಟ್ ಕರ್ಫ್ಯೂ ಜಾರಿ
ಕರ್ನಾಟಕದಾದ್ಯಂತ ಡಿಸೆಂಬರ್ 28 ರಿಂದ ಜನವರಿ 7 ರವರೆಗೆ ನೈಟ್ ಕರ್ಫ್ಯೂ ಜಾರಿಯಲ್ಲಿರಲಿದೆ. ಪ್ರತಿ ರಾತ್ರಿ 10 ಗಂಟೆಯಿಂದ ಬೆಳಗ್ಗೆ 5 ಗಂಟೆಯ ವರೆಗೂ ನೈಟ್ ಕರ್ಫ್ಯೂ ಇರಲಿದೆ. ನೈಟ್ ಕರ್ಫ್ಯೂ ವೇಳೆ ಮೆಡಿಕಲ್ ಸ್ಟೋರ್, ಆಸ್ಪತ್ರೆ, ತುರ್ತು ಸೇವೆ ಹಾಗೂ ಪೂರ್ವಾನುಮತಿ ಪಡೆದ ಚಟುವಟಿಕೆಗಳಿಗೆ ಮಾತ್ರ ಅನುಮತಿ ನೀಡಲಾಗಿದೆ. ಅಂಗಡಿ ಮುಂಗಟ್ಟು, ಹೋಟೆಲ್, ರೆಸ್ಟೋರೆಂಟ್, ಬಾರ್, ಪಬ್ ಮತ್ತು ಕ್ಲಬ್‌ಗಳು ರಾತ್ರಿ 10 ಗಂಟೆಯೊಳಗೆ ಕ್ಲೋಸ್ ಆಗಲಿವೆ.
ಹೊಸ ಪ್ರಾಜೆಕ್ಟ್ ಬಗ್ಗೆ ಬಹುದೊಡ್ಡ ಗುಟ್ಟು ಬಿಟ್ಟುಕೊಟ್ಟ ‘ಬಿಗ್ ಬಾಸ್’ ಬೆಡಗಿ ದಿವ್ಯಾ ಸುರೇಶ್!
ಎಂ.ಜಿ.ರಸ್ತೆಯಲ್ಲಿ ದಿವ್ಯಾ ಸುರೇಶ್
ಕರ್ನಾಟಕದಲ್ಲಿ ನೈಟ್ ಕರ್ಫ್ಯೂ ಆರಂಭವಾದ ಮೊದಲ ದಿನ ಮಾಡೆಲ್ ಕಮ್ ನಟಿ ದಿವ್ಯಾ ಸುರೇಶ್ ಬೆಂಗಳೂರಿನ ಎಂ.ಜಿ.ರಸ್ತೆಯಲ್ಲಿದ್ದರು. ಸ್ನೇಹಿತರೊಂದಿಗೆ ಎಂ.ಜಿ.ರಸ್ತೆಗೆ ದಿವ್ಯಾ ಸುರೇಶ್ ಬಂದಿದ್ದರು. ನೈಟ್ ಕರ್ಫ್ಯೂ ವೇಳೆ ಹೊರಗಿದ್ದ ದಿವ್ಯಾ ಸುರೇಶ್ ಹಾಗೂ ಸ್ನೇಹಿತರನ್ನು ಪೊಲೀಸರು ಮನೆಗೆ ಕಳುಹಿಸುತ್ತಿದ್ದರು. ಈ ವೇಳೆ ದಿವ್ಯಾ ಸುರೇಶ್ ಹಾಗೂ ಸ್ನೇಹಿತರನ್ನು ಮಾಧ್ಯಮಗಳು ಕ್ಯಾಮರಾ ಕಣ್ಣುಗಳಲ್ಲಿ ಸೆರೆಹಿಡಿಯಲು ಮುಂದಾದವು. ಆಗ ದಿವ್ಯಾ ಸುರೇಶ್ ಸ್ನೇಹಿತರು ಮಾಧ್ಯಮಗಳ ಕ್ಯಾಮರಾಗಳನ್ನು ಕಿತ್ತುಕೊಳ್ಳಲು ಮುಂದಾದರು. ಇದರಿಂದ ಗೊಂದಲದ ವಾತಾವರಣ ಸೃಷ್ಟಿಯಾಯ್ತು. ಬಳಿಕ ಸ್ನೇಹಿತರ ಜೊತೆಗೆ ದಿವ್ಯಾ ಸುರೇಶ್ ಮನೆಗೆ ತೆರಳಿದರು.
ವೈರಲ್ ಆಗಿದೆ ದಿವ್ಯಾ ಸುರೇಶ್ ಮತ್ತು ಮಂಜು ಪಾವಗಡ ಅವರ ಸ್ಪೆಷಲ್ ವಿಡಿಯೋ!
ದಿವ್ಯಾ ಸುರೇಶ್
ಇದೇ ವರ್ಷ ಪ್ರಸಾರವಾದ ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಮಾಡೆಲ್ ಕಮ್ ನಟಿ ದಿವ್ಯಾ ಸುರೇಶ್ ಕೂಡ ಸ್ಪರ್ಧಿಸಿದ್ದರು. ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಸಿಕ್ಕಾಪಟ್ಟೆ ಸೌಂಡ್ ಮಾಡಿದ ಸ್ಪರ್ಧಿಗಳ ಪೈಕಿ ದಿವ್ಯಾ ಸುರೇಶ್ ಕೂಡ ಒಬ್ಬರು. ಪ್ರಬಲ ಮಹಿಳಾ ಸ್ಪರ್ಧಿ ಅಂತಲೇ ದಿವ್ಯಾ ಸುರೇಶ್ ಗುರುತಿಸಿಕೊಂಡಿದ್ದರು. ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಟಾಪ್ 5 ಹಂತಕ್ಕೆ ಕಾಲಿಡುವ ಮುನ್ನವೇ ದಿವ್ಯಾ ಸುರೇಶ್ ಔಟ್ ಆಗ್ಬಿಟ್ಟರು.
BBK8: ಕಣ್ಣೀರಿಡುತ್ತ ‘ಬಿಗ್ ಬಾಸ್’ ಮನೆಯಿಂದ ಹೊರಬಿದ್ದ ದಿವ್ಯಾ ಸುರೇಶ್!
‘ಬಿಗ್ ಬಾಸ್’ ಮನೆಯಲ್ಲಿ ಮಂಜು ಪಾವಗಡ ಜೊತೆಗೆ ದಿವ್ಯಾ ಸುರೇಶ್ ಆತ್ಮೀಯವಾಗಿದ್ದರು. ‘ಬಿಗ್ ಬಾಸ್ ಕನ್ನಡ 8’ ಕಾರ್ಯಕ್ರಮದಲ್ಲಿ ಮಂಜು ಪಾವಗಡ ವಿನ್ನರ್ ಆದಾಗ ತಾವೇ ಗೆದ್ದಷ್ಟು ಖುಷಿ ಪಟ್ಟಿದ್ದರು ದಿವ್ಯಾ ಸುರೇಶ್. ‘ಬಿಗ್ ಬಾಸ್’ ಮನೆಯಿಂದ ಹೊರಗೆ ಬಂದ್ಮೇಲೂ ಮಂಜು ಪಾವಗಡ ಮತ್ತು ದಿವ್ಯಾ ಸುರೇಶ್ ಅವರ ಸ್ನೇಹ ಮುಂದುವರೆದಿದೆ.
BBK8: ಭಯದಲ್ಲೇ ಕ್ಯಾಪ್ಟೆನ್ಸಿ ನಿಭಾಯಿಸಿದ ದಿವ್ಯಾ ಸುರೇಶ್ ಮಾಡಿದ ಎಡವಟ್ಟಿದು!
ಅಂದ್ಹಾಗೆ, ಕಾಲೇಜು ದಿನಗಳಲ್ಲಿ ಓದುವಾಗಲೇ ದಿವ್ಯಾ ಸುರೇಶ್ ಮಾಡೆಲಿಂಗ್ ಲೋಕಕ್ಕೆ ಕಾಲಿಟ್ಟಿದ್ದರು. ಜೊತೆಗೆ ‘ಮಿಸ್ ಇಂಡಿಯಾ ಸೌತ್’ ಸ್ಪರ್ಧೆಯಲ್ಲೂ ಭಾಗವಹಿಸಿದ್ದರು. ‘ಮಿಸ್ ಇಂಡಿಯಾ ಸೌತ್ – 2017’ ವಿನ್ನರ್ ಆಗಿದ್ದವರು ದಿವ್ಯಾ ಸುರೇಶ್. ಮಾಡೆಲಿಂಗ್‌ನಲ್ಲಿ ಯಶಸ್ಸು ಕಂಡ ದಿವ್ಯಾ ಸುರೇಶ್ ಬಳಿಕ ಚಿತ್ರರಂಗಕ್ಕೆ ಕಾಲಿಟ್ಟರು. ಕನ್ನಡ ಹಾಗೂ ತೆಲುಗಿನ ಕೆಲ ಚಿತ್ರಗಳಲ್ಲಿ ದಿವ್ಯಾ ಸುರೇಶ್ ಅಭಿನಯಿಸಿದ್ದಾರೆ.
ನನ್ನ ಬಗ್ಗೆ ಜನರು ತುಂಬ ತಿಳಿದುಕೊಳ್ಳೋದಿದೆ ಅನಿಸಿತ್ತು: ದಿವ್ಯಾ ಸುರೇಶ್