ಹೈಲೈಟ್ಸ್‌:
- ಮೂಲಭೂತ ಸೌಕರ್ಯ ಹೆಚ್ಚಳದಿಂದಲೇ ತಿರುಗೇಟು ಸಾಧ್ಯ ಎಂದ ಸಚಿವ ಸಿಂಗ್‌
- ಗಡಿ ರಸ್ತೆಗಳ ಸಂಸ್ಥೆ (ಬಿಆರ್‌ಒ) ಮೂಲಕ ಚೀನಾ ಗಡಿಯಲ್ಲಿ ರಸ್ತೆ ಅಭಿವೃದ್ಧಿ
- ಚೀನಾ ಗಡಿಯಲ್ಲಿನ ಛಿಸುಮ್ಲಿ-ಡೆಮ್‌ಛಾಕ್‌ ರಸ್ತೆ ಸೇರಿ 27 ಯೋಜನೆಗಳಿಗೆ ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಚಾಲನೆ
ಚೀನಾ ಗಡಿಯಲ್ಲಿನ ಛಿಸುಮ್ಲಿ-ಡೆಮ್‌ಛಾಕ್‌ ರಸ್ತೆ ಸೇರಿದಂತೆ ಒಟ್ಟು 2,245 ಕೋಟಿ ರೂ. ವೆಚ್ಚದಲ್ಲಿನಿರ್ಮಿಸಲಾಗಿರುವ 24 ಸೇತುವೆಗಳು ಹಾಗೂ ಮೂರು ರಸ್ತೆಗಳು ಸೇರಿ 27 ಯೋಜನೆಗಳನ್ನು ರಕ್ಷಣಾ ಸಚಿವ ರಾಜನಾಥ್‌ ಸಿಂಗ್‌ ಮಂಗಳವಾರ ಸಂಚಾರಕ್ಕೆ ಮುಕ್ತಗೊಳಿಸಿದರು.
ಈ ವೇಳೆ ಮಾತನಾಡಿದ ಸಚಿವ ಸಿಂಗ್‌, ”ಗಡಿಯಲ್ಲಿನ ಪ್ರತಿಕೂಲ ಪರಿಸ್ಥಿತಿಗಳನ್ನು ಮೆಟ್ಟಿನಿಲ್ಲಲು ಮೂಲಭೂತ ಸೌಕರ್ಯಗಳ ಅಭಿವೃದ್ಧಿಯಿಂದ ಸಾಧ್ಯವಾಯಿತು. ಗಡಿ ಪ್ರದೇಶಗಳಲ್ಲಿಸಂಚಾರಕ್ಕೆ ಅಗತ್ಯ ಸೌಕರ್ಯಗಳ ಅಭಿವೃದ್ಧಿಗೆ ಅದ್ಯತೆ ನೀಡಲಾಗುತ್ತಿದೆ,” ಎಂದು ಹೇಳಿದರು.
ಚೀನಾ ಕಪಿಮುಷ್ಟಿಯಿಂದ ಪಾರಾಗಲು ಯೋಜನೆ ರೂಪಿಸುತ್ತಿದೆ ಶ್ರೀಲಂಕಾ
ಡೆಮ್‌ಛಾಕ್‌ ರಸ್ತೆಯು ದಕ್ಷಿಣ ಲಡಾಕ್‌ನ ಉಮ್ಲಿಂಗ್‌ ಪಾಸ್‌ನಲ್ಲಿ ನಿರ್ಮಿಸಲಾಗಿದ್ದು, ಸಮುದ್ರ ಮಟ್ಟದಿಂದ 19 ಸಾವಿರ ಅಡಿಗಳಷ್ಟು ಎತ್ತರದಲ್ಲಿದೆ. ಇದು ವಿಶ್ವದ ಅತ್ಯಂತ ಎತ್ತರದಲ್ಲಿರುವ ಮೋಟಾರು ವಾಹನ ಚಾಲನೆಗೆ ಸೂಕ್ತ ರಸ್ತೆ ಎನಿಸಿದೆ. ಉದ್ಘಾಟನೆಗೊಂಡ ಸೇತುವೆಗಳ ಪೈಕಿ ಮತ್ತೊಂದು ಪ್ರಮುಖ ಸೇತುವೆ ಇರುವುದು ಸಿಕ್ಕಿಂನಲ್ಲಿರುವ ‘ಫ್ಲಾಗ್‌ ಹಿಲ್‌ -ಡೊಕಾಲ ‘ ರಸ್ತೆ ಬಳಿಯಾಗಿದೆ. ಡೊಕ್ಲಾಮ್‌ ಕಣಿವೆ ಬಳಿಯ ಭಾರತ-ಚೀನಾ-ಭೂತಾನ್‌ ಗಡಿಗೆ ಇದು ಪರ್ಯಾಯ ಮಾರ್ಗವಾಗಿದೆ. ಸಮುದ್ರ ಮಟ್ಟದಿಂದ 11 ಸಾವಿರ ಅಡಿಗಳಷ್ಟು ಎತ್ತರದಲಿದ್ದು, 140 ಅಡಿಗಳಷ್ಟು ಉದ್ದನೆಯ ದ್ವಿಪಥ ಮಾರ್ಗ ಹೊಂದಿದೆ.
ಚೀನಾ ಮೇಲೆ ನಿಗಾ ಇಡಲು ‘ಹೆರಾನ್‌’ ಬಲ, ಇಸ್ರೇಲ್‌ನಿಂದ ಬಂದಿವೆ ಅತ್ಯಾಧುನಿಕ ಡ್ರೋನ್‌ಗಳು
“ಪ್ರಸ್ತುತ ಜಗತ್ತಿನಲ್ಲಿ ದೂರವನ್ನು ಕಿಲೋಮೀಟರ್‌ಗಳಲ್ಲಿ ಅಳೆಯಲಾಗುತ್ತಿಲ್ಲ. ಬದಲಿಗೆ ದೂರವನ್ನು ಎಷ್ಟು ಗಂಟೆಗಳಲ್ಲಿ ಕ್ರಮಿಸಬಹುದು ಎಂದು ಲೆಕ್ಕ ಹಾಕುತ್ತಾರೆ. ಗಡಿಯಲ್ಲಿನ ರಸ್ತೆ, ಸೇತುವೆಗಳು ಅಲ್ಲಿನ ಜನರನ್ನು ದಿಲ್ಲಿಗೆ ಹತ್ತಿರವಾಗಿಸುತ್ತವೆ.”
– ರಾಜನಾಥ್‌ ಸಿಂಗ್‌, ರಕ್ಷಣಾ ಸಚಿವ