ಹೈಲೈಟ್ಸ್‌:
- ಗಡುವು ಮೀರಿದರೂ ಆದಾಯ ತೆರಿಗೆ ಪಾವತಿ ಮಾಡದಿದ್ದರೆ ಏನು ಕ್ರಮ?
- ಏನಿದು ನಿಶ್ಚಿತ ದಿನ ಹಾಗೋ ಕೊನೆಯ ದಿನ?
- ತೆರಿಗೆ ಪಾವತಿ ಮಾಡದಿದ್ದವರಿಗೆ ಎಷ್ಟು ದಂಡ? ಏನು ಶಿಕ್ಷೆ?
ಕೋವಿಡ್‌ ಉಲ್ಬಣ ಹಾಗೂ ಐಟಿ ಇಲಾಖೆಯ ವೆಬ್‌ಸೈಟ್‌ನಲ್ಲಿನ ದೋಷದಿಂದಾಗಿ ಜುಲೈ 31 ಇದ್ದ ಗಡುವನ್ನು ಡಿಸೆಂಬರ್‌ 31 ರ ವರಗೆ ಕೇಂದ್ರ ಸರ್ಕಾರ ವಿಸ್ತರಿಸಿದೆ. ಇನ್ನೇನು ರಿಟರ್ನ್ಸ್ ಫೈಲ್ ಮಾಡಲು ಕೊನೆ ದಿನ ಸಮೀಪಿಸುತ್ತಿದೆ. ಈಗಾಗಲೇ ಮತ್ತೆ ಆದಾಯ ತೆರಿಗೆ ವೆಬ್‌ಸೈಟ್‌ನಲ್ಲಿ ಮತ್ತೆ ದೋಷ ಕಾಣಿಸಿಕೊಂಡಿದೆ. ಹೀಗಾಗಿ ಈಗ ನೀಡಿರುವ ಅಂತಿಮ ದಿನ ಮುಂದಕ್ಕೆ ಹೋಗುವ ಸಾಧ್ಯತೆ ಇದೆ ಎನ್ನಲಾಗಿದೆ.
ವೆಬ್‌ಸೈಟ್‌ನಲ್ಲಿ ದೋಷ: ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆ ಗಡುವು ಮತ್ತೆ ವಿಸ್ತರಣೆ ಸಾಧ್ಯತೆ
ಒಂದು ವೇಳೆ ನೀಡಲಾಗಿರುವ ಗಡುವು ದಿನದೊಳಗೆ ರಿಟರ್ನ್ಸ್ ಸಲ್ಲಿಕೆ ಮಾಡದಿದ್ದರೆ ಏನಾಗಬಹುದು? ಬಳಿಕ ರಿಟರ್ನ್ಸ್ ಸಲ್ಲಿಕೆ ಮಾಡಲು ಅವಕಾಶ ಇದೆಯಾ? ಗಡುವು ಮೀರಿದ್ದಕ್ಕೆ ದಂಡ ಪಾವತಿ ಮಾಡಬೇಕೇ? ಈ ಎಲ್ಲಾ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ಗಡುವು ನೀಡಿರುವ ದಿನವೇ ಐಟಿಆರ್ ಸಲ್ಲಿಸಲು ಕೊನೆ ದಿನವೇ?
ಸಾಮಾನ್ಯವಾಗಿ ಜನರು ನಿಶ್ಚಿತ ದಿನ (Due Date) ಹಾಗೂ ಕೊನೆ ದಿನ (Last date) ಎರಡೂ ಒಂದೇ ಪರಿಭಾವಿಸಿಕೊಂಡಿದ್ದಾರೆ. ಆದರೆ ಇವೆರಡೂ ಬೇರೆ.
ಐಟಿಆರ್ ಸಲ್ಲಿಕೆಗೆ ಎರಡು ದಿನಗಳಿವೆ; ಮೊದಲನೆಯದು ನಿಶ್ಚಿತ ದಿನ (Due Date) ಹಾಗೂ ಎರಡನೆದು ಕೊನೆ ದಿನ (Last date). ಒಂದು ವೇಳೆ ನಿಶ್ಚಿತ ದಿನದಂದು ಐಟಿಆರ್ ಸಲ್ಲಿಕೆ ಮಾಡದೇ ಇದ್ದಲ್ಲಿ ಕೊನೆ ದಿನದ ಒಳಗಾಗಿ ಸಲ್ಲಿಕೆ ಮಾಡಬೇಕು.
ಸಾಮಾನ್ಯವಾಗಿ ಜುಲೈ 31 ನಿಶ್ಚಿತ ದಿನ ಹಾಗೂ ಡಿಸೆಂಬರ್‌ 31 ಅಂತಿಮ ದಿನ ಎಂದು ನಿಗದಿ ಪಡಿಸಲಾಗಿರುತ್ತದೆ. ಆದರೆ ಈ ಬಾರಿ ಕೋವಿಡ್‌ ನಿಂದಾಗಿ ಡಿಸೆಂಬರ್‌ 31 ನಿಶ್ಚಿತ ದಿನವಾಗಿದ್ದು, 2022ರ ಮಾರ್ಚ್‌ 31 ಐಟಿಆರ್ ಸಲ್ಲಿಕೆ ಮಾಡಲು ಅಂತಿಮ ದಿನ ಆಗಿರಲಿದೆ.
ನಿಷ್ಕ್ರಿಯ ಖಾತೆಗಳು, ಕಂಪನಿಗಳ ಬಗ್ಗೆ ‘ತೆರಿಗೆ ಸ್ವರ್ಗ’ಗಳ ಮೌನ, ಐಟಿ ಇಲಾಖೆಗೆ ಬರಿಗೈ!
ಒಂದು ವೇಳೆ ಗಡುವು ತಪ್ಪಿದರೆ?
ನಿಶ್ಚಿತ ದಿನದಂದೂ ಐಟಿಆರ್ ಫೈಲ್ ಮಾಡಲಾಗದಿದ್ದರೆ ಅಂತಿಮ ದಿನದವರೆಗೂ ಐಟಿಆರ್ ಸಲ್ಲಿಕೆ ಮಾಡಲು ಅವಕಾಶ ಇರಲಿದೆ. ಉದಾಹರಣೆಗೆ ಈ ಬಾರಿ ಡಿ.31 ರಂದು ಐಟಿಆರ್ ಸಲ್ಲಿಕೆ ಮಾಡಲು ಆಗದೇ ಇದ್ದಲ್ಲಿ 2022ರ ಮಾರ್ಚ್‌ 31ರ ಒಳಗೆ ನೀವು ಐಟಿಆರ್ ಫೈಲ್ ಮಾಡಬಹುದು. ಆದರೆ ಈ ವರ್ಷದ ನಷ್ಟವನ್ನು ಮುಂದಿನ ವರ್ಷದ ಲಾಭದೊಂದಿಗೆ ಸೆಟ್‌ ಆಫ್‌ (Set off) ಮಾಡುವ ಅವಕಾಶವನ್ನು ಕಳೆದುಕೊಳ್ಳುತ್ತೀರಿ.
ಉದಾಹರಣೆಗೆ ಈ ವರ್ಷದಲ್ಲಿ business income or capital gains ಆಯ್ಕೆಯಡಿ ನಿಮಗೆ ನಷ್ಟ ಉಂಟಾಗಿದೆ. ಅಥವಾ house property ಆಯ್ಕೆಯಡಿ ಎರಡು ಲಕ್ಷಕ್ಕಿಂತ ಅಧಿಕ ನಷ್ಟ ಆಗಿದೆ ಎಂದಿಟ್ಟುಕೊಳ್ಳಿ. ಒಂದು ವೇಳೆ ನಿಶ್ಚಿದ ದಿನದೊಳಗಾಗಿ ನೀವು ಐಟಿಆರ್ ಫೈಲ್ ಮಾಡಿದ್ದೇ ಆದಲ್ಲಿ, ಈ ನಷ್ಟವನ್ನು ಮುಂದಿನ ವರ್ಷದ ಆದಾಯದೊಂದಿಗೆ ಸೆಟ್‌ ಆಫ್‌ ಮಾಡಿಕೊಳ್ಳಬಹುದು. ಆದರೆ ನೀವು Due date ಬಳಿಕ ಐಟಿಆರ್ ಫೈಲ್ ಮಾಡಿದ್ದೇ ಆದಲ್ಲಿ, ನಷ್ಟ ಸರಿದೂಗಿಸುವ ಅವಕಾಶ ಕಳೆದುಕೊಳ್ಳುತ್ತೀರಿ.
ಗ್ರಾಹಕರ ದತ್ತಾಂಶಗಳನ್ನು 2 ವರ್ಷಗಳ ಕಾಲ ಸಂಗ್ರಹಿಸಿಡಿ: ಟೆಲಿಕಾಂ ಕಂಪನಿಗಳಿಗೆ ಸರ್ಕಾರ ಸೂಚನೆ
ಅಲ್ಲದೇ, ನಿಮಗೆ ನೀವು ರಿಟರ್ನ್ಸ್ ಫೈಲ್‌ಗೂ ಪಾವತಿ ಮಾಡಿದ್ದ ತೆರಿಗೆಯ ಮರುಪಾವತಿ (Tax Refund) ಅವಕಾಶವನ್ನೂ ಕಳೆದುಕೊಳ್ಳುತ್ತೀರಿ. ಅಲ್ಲದೇ ನೀವು ಮೊದಲೇ ಪಾವತಿ ಮಾಡಿರುವ ತೆರಿಗೆ, ಲೆಕ್ಕ ಹಾಕಿದ ತೆರಗೆಗಿಂತ ಕಡಿಮೆ ಇದ್ದರೆ, ಬಾಕಿ ಉಳಿದ ತೆರಿಗೆ ಪಾವತಿ ಮಾಡುವುದರ ಜತೆಗೆ ಅದಕ್ಕೆ ಬಡ್ಡಿಯನ್ನೂ ಪಾವತಿಸಿಬೇಕು.
ಇದರ ಜತೆಗೆ ನಿಶ್ಚಿತ ದಿನದಂದು ಪಾವತಿ ಮಾಡದಿದ್ದಕ್ಕೆ, ದಂಡ ಶುಲ್ಕವಾಗಿ ಐದು ಸಾವಿರ ರೂಪಾಯಿಯನ್ನು ಪಾವತಿ ಮಾಡಬೇಕು. ಒಂದು ವೇಳೆ ನಿಮ್ಮ ತೆರಿಗೆ ವಸೂಲು ಮಾಡಬೇಕಾದ ಮೊತ್ತ (Taxable Income) ಐದು ಲಕ್ಷಕ್ಕಿಂತ ಕಡಿಮೆ ಇದ್ದರೆ, ಒಂದು ಸಾವಿರ ರೂಪಾಯಿ ದಂಡ ತೆರಬೇಕು.
ಅಂತಿಮ ದಿನದಂದೂ ಐಟಿಆರ್ ಸಲ್ಲಿಕೆ ಮಾಡದಿದ್ದರೆ?
ಈ ವರ್ಷದ ಐಟಿಆರ್ ಸಲ್ಲಿಕೆ ಮಾಡಲು 2022ರ ಮಾರ್ಚ್‌ 31 ಕೊನೆ ದಿನ. ಈ ಗಡುವೂ ಕೂಡ ಮೀರಿದರೆ, ಒಂದು ವೇಳೆ ನೀವು ಐಟಿಆರ್ ಸಲ್ಲಿಕೆ ಮಾಡಿ ಪಾವತಿ ಮಾಡಬೇಕಿದ್ದ ತೆರಿಗೆ ಮೊತ್ತದ ಶೇ.50 ರಷ್ಟು ದಂಡ ಬೀಳಲಿದೆ. ಅಲ್ಲದೇ ನೀವು ರಿಟರ್ನ್ಸ್ ಸಲ್ಲಿಕೆ ಮಾಡುವ ವರೆಗೆ ಬಾಕಿ ಇರುವ ಮೊತ್ತದ ಮೇಲೆ ಬಡ್ಡಿ ಬೀಳಳಿದೆ.
ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆ ಮಾಡುವಾಗ ಯಾವೆಲ್ಲಾ ದಾಖಲೆಗಳು ಇರಬೇಕು? ಇಲ್ಲಿದೆ ಮಾಹಿತಿ
ಇದರ ಜತೆಗೆ, ಅಂತಿಮ ದಿನ ಕಳೆದರೂ ಐಟಿ ರಿಟರ್ನ್ಸ್ ಸಲ್ಲಿಕೆ ಮಾಡದವರ ವಿರುದ್ಧ ಕಾನೂನು ಕ್ರಮ ಜರುಗಿಸಲೂ ಕೂಡ ಸರ್ಕಾರಕ್ಕೆ ಅಧಿಕಾರ ಇದೆ. ಹೊಸ ನಿಯಮಗಳ ಪ್ರಕಾರ 3 ರಿಂದ ಏಳು ವರ್ಷದ ವರೆಗೆ ಜೈಲು ಶಿಕ್ಷೆ ಕೂಡ ಆಗಬಹುದು. ಅಂದಹಾಗೆ ನೀವು ಪಾವತಿ ಮಾಡಬೇಕಾದ ತೆರಿಗೆ ಮೊಬಲಗು 10,000 ರೂಪಾಯಿಕ್ಕಿಂತ ಅಧಿಕ ಇದ್ದರೆ ಮಾತ್ರ ಕಾನೂನು ರಿತ್ಯಾ ಕ್ರಮ ಜರುಗಿಸಲು ಅವಕಾಶ ಇದೆ.
ಇಷ್ಟೆಲ್ಲಾ ಓದಿದ ಮೇಲೆ ಡಿ. 31ರೊಳಗಾಗಿ ನೀವು ತೆರಿಗೆ ರಿಟರ್ನ್ಸ್ ಫೈಲ್ ಮಾಡಬಹುದು ಎನ್ನುವುದು ನಮ್ಮ ಭಾವನೆ..!