ಹೈಲೈಟ್ಸ್‌:
- ಆಸ್ಪತ್ರೆಗೆ ದಾಖಲಾಗಿದ್ದ ನಟಿ ರಚಿತಾ ರಾಮ್
- ತೀವ್ರ ಆಯಾಸದಿಂದ ಬಳಲುತ್ತಿದ್ದ ನಟಿ ರಚಿತಾ ರಾಮ್
- ಇಂದು ಡಿಸ್ಚಾರ್ಜ್ ಆಗಿ ಮನೆಯಲ್ಲಿ ವಿಶ್ರಾಂತಿ ಪಡೆಯುತ್ತಿರುವ ನಟಿ ರಚಿತಾ ರಾಮ್
ನಟಿ ರಚಿತಾ ರಾಮ್‌ಗೆ ಅನಾರೋಗ್ಯ
ಸದ್ಯ ಕನ್ನಡ ಚಿತ್ರರಂಗದಲ್ಲಿನ ಟಾಪ್ ನಟಿಯರ ಪೈಕಿ ನಟಿ ರಚಿತಾ ರಾಮ್ ಕೂಡ ಒಬ್ಬರು. ನಟಿ ರಚಿತಾ ರಾಮ್‌ಗೆ ಸ್ಯಾಂಡಲ್‌ವುಡ್‌ನಲ್ಲಿ ಬಹು ಬೇಡಿಕೆ ಇದೆ. ಚಂದನವನದಲ್ಲಿ ಹೆಚ್ಚು ಸಂಭಾವನೆ ಪಡೆಯುವ ನಟಿಯರ ಪೈಕಿ ರಚಿತಾ ರಾಮ್ ಕೂಡ ಒಬ್ಬರು. ಬ್ಯಾಕ್ ಟು ಬ್ಯಾಕ್ ಸಿನಿಮಾಗಳಲ್ಲಿ ಬಿಜಿಯಾಗಿರುವ ನಟಿ ರಚಿತಾ ರಾಮ್‌ಗೆ ಕೆಲ ದಿನಗಳಿಂದ ತೀವ್ರ ಆಯಾಸ ಉಂಟಾಗುತ್ತಿದೆ.
Rachita Ram: ಯೋಗರಾಜ್ ಭಟ್ಟರ ಗರಡಿಯಲ್ಲಿ ಹಳ್ಳಿ ಹುಡುಗಿಯಾದ ನಟಿ ರಚಿತಾ ರಾಮ್
ಅದರಲ್ಲೂ, ಡಿಸೆಂಬರ್ ಆರಂಭದಿಂದಲೂ ರಚಿತಾ ರಾಮ್ ಶೆಡ್ಯೂಲ್ ತುಂಬಾ ಟೈಟ್ ಆಗಿತ್ತು. ಒಂದ್ಕಡೆ ‘ಏಕ್ ಲವ್ ಯಾ’, ಇನ್ನೊಂದ್ಕಡೆ ‘ಲವ್ ಯೂ ರಚ್ಚು’ ಪ್ರಚಾರ ಕಾರ್ಯಗಳಲ್ಲಿ ರಚಿತಾ ರಾಮ್ ಬಿಜಿಯಾಗಿದ್ದರು. ‘ಏಕ್ ಲವ್ ಯಾ’ ಪ್ರಮೋಷನ್ ನಿಮಿತ್ತ ಇತ್ತೀಚೆಗಷ್ಟೇ ಶಿವಮೊಗ್ಗಕ್ಕೂ ನಟಿ ರಚಿತಾ ರಾಮ್ ಭೇಟಿ ನೀಡಿದ್ದರು.
‘ಶಬರಿ: ಸರ್ಚಿಂಗ್ ಫಾರ್ ರಾವಣ’ ಚಿತ್ರದಲ್ಲಿ ಡಬಲ್ ಶೇಡ್‌ನಲ್ಲಿ ರಚಿತಾ ರಾಮ್
ನಾನ್ ಸ್ಟಾಪ್ ಶೂಟಿಂಗ್ ಮತ್ತು ಪ್ರಮೋಷನ್ ಕಾರ್ಯಕ್ರಮಗಳಿಂದ ನಟಿ ರಚಿತಾ ರಾಮ್ ಅತಿಯಾದ ಒತ್ತಡಕ್ಕೆ ಒಳಗಾಗಿದ್ದರು. ಒಂದ್ಕಡೆ ಸ್ಟ್ರೆಸ್, ಇನ್ನೊಂದ್ಕಡೆ ಶೀತ ಹಾಗೂ ಜ್ವರ ಕೂಡ ರಚಿತಾ ರಾಮ್‌ಗೆ ಕಾಣಿಸಿಕೊಳ್ತು. ಹೀಗಾಗಿ, ಶಿವಮೊಗ್ಗದಿಂದ ವಾಪಸ್ ಬಂದ್ಮೇಲೆ ನಟಿ ರಚಿತಾ ರಾಮ್ ಆಸ್ಪತ್ರೆಗೆ ದಾಖಲಾಗಿದ್ದರು. ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದು ಚೇತರಿಸಿಕೊಂಡಿರುವ ನಟಿ ರಚಿತಾ ರಾಮ್ ಇಂದು (ಡಿಸೆಂಬರ್ 28) ಡಿಸ್ಚಾರ್ಜ್ ಆಗಿದ್ದಾರೆ. ಸದ್ಯ ಮನೆಯಲ್ಲಿ ರಚಿತಾ ರಾಮ್ ವಿಶ್ರಾಂತಿ ಪಡೆಯುತ್ತಿದ್ದಾರೆ.
‘ಆರೋಪಗಳು ಏನೇ ಇದ್ದರೂ ಸರಿ-ತಪ್ಪುಗಳ ಲೆಕ್ಕ ಆ ಭಗವಂತನ ಬಳಿ ಇರುತ್ತೆ’- ನಟಿ ರಚಿತಾ ರಾಮ್
ರಚಿತಾ ರಾಮ್ ಕೈಯಲ್ಲಿವೆ ಸಾಲು ಸಾಲು ಚಿತ್ರಗಳು
ಕನ್ನಡ ಚಿತ್ರರಂಗದ ಸದ್ಯದ ಬಿಜಿಯೆಸ್ಟ್ ನಟಿ ರಚಿತಾ ರಾಮ್. ರಮೇಶ್ ಅರವಿಂದ್, ರಚಿತಾ ರಾಮ್ ಅಭಿನಯದ ‘100’ ಸಿನಿಮಾ ಇತ್ತೀಚೆಗಷ್ಟೇ ತೆರೆಕಂಡಿತ್ತು. ಅಜಯ್ ರಾವ್ ಮತ್ತು ರಚಿತಾ ರಾಮ್ ನಟನೆಯ ‘ಲವ್ ಯೂ ರಚ್ಚು’ ಸಿನಿಮಾ ಡಿಸೆಂಬರ್ 31 ರಂದು ಬಿಡುಗಡೆಯಾಗಲಿದೆ. ‘ಏಕ್ ಲವ್ ಯಾ’ ಚಿತ್ರ ಮುಂದಿನ ವರ್ಷ ತೆರೆಗೆ ಬರಲಿದೆ.
ಇದಲ್ಲದೆ, ರಚಿತಾ ರಾಮ್ ಕೈಯಲ್ಲಿ ‘ಮಾನ್ಸೂನ್ ರಾಗ’, ತೆಲುಗಿನ ‘ಸೂಪರ್ ಮಚ್ಚಿ’, ‘ವೀರಂ’, ‘ಲಿಲ್ಲಿ’, ‘ಮ್ಯಾಟ್ನಿ’, ‘ಏಪ್ರಿಲ್’, ‘ಬ್ಯಾಡ್ ಮ್ಯಾನರ್ಸ್’, ‘ಶಬರಿ.. ಸರ್ಚಿಂಗ್ ಫಾರ್ ರಾವಣ’, ‘ಲವ್ ಮಿ ಆರ್ ಹೇಟ್ ಮಿ’, ‘ರವಿ ಬೋಪಣ್ಣ’, ‘ಡಾಲಿ’, ‘ಪಂಕಜ ಕಸ್ತೂರಿ’, ‘ಕ್ರಾಂತಿ’, ‘ಗರಡಿ’ ಚಿತ್ರಗಳಿವೆ. ಈ ಪೈಕಿ ಕೆಲ ಸಿನಿಮಾಗಳ ಶೂಟಿಂಗ್‌ನಲ್ಲಿ ರಚಿತಾ ರಾಮ್ ತೊಡಗಿದ್ದರು.